Odisha Janamata : ଘର ଭିତରୁ ଯୁବକଙ୍କ ଝୁଲନ୍ତା ମୃତ ଦେହ ଉଦ୍ଧାର |

ଘର ଭିତରୁ ଯୁବକଙ୍କ ଝୁଲନ୍ତା ମୃତ ଦେହ ଉଦ୍ଧାର |

30-Jul-2026

ଚୁଡ଼ା କୁଟି ବଜାର ନିକଟ ଏକ ଘରୁ ଯୁବକଙ୍କ ଝୁଲନ୍ତା ମୃତଦେହ ଉଦ୍ଧାର |

ଓଡିଶା ଜନ ମତ ବ୍ୟୁରୋ,

ମଣିଷ ଯେକୌଣସି ପରିସ୍ଥିତି ର ମୁକାବିଲା କରିବାକୁ ପଡିବ ତାର ଅର୍ଥ ନୁହଁ ଆତ୍ମହତ୍ୟା କରିବା | ବାଗବାନ ବି ଦୁଃଖ କଷ୍ଟ ସହି ଜନସାଧାରଣ ଙ୍କୁ ବହୁତ ଦୃଷ୍ଟାନ୍ତ ଦେଖେଇ ଛନ୍ତି | ଯଦି ସେ ବିଶ୍ଵକର୍ତ୍ତା ହୋଈ ସହି ପାରୁଛନ୍ତି ତେବେ ଆମେ କଣ ପାଇଁ ଏଭଳି ହୀନ କାର୍ଯ୍ୟ କରିବା | ସଂଘର୍ଷ ର ଅନ୍ୟ ନାମ ଜୀବନ ତେବେ କେଉଁ କାରଣରୁ ଜଣେ ଯୁବକ ଆତ୍ମହତ୍ୟା କରିଛି ତାହା ହେଉଛି ଧାମନଗର ଥାନା ଅନ୍ତର୍ଗତ ଚୁଡ଼ାକୁଟି-ଧାମନଗର ପୂର୍ତ୍ତବିଭାଗ ମୁଖ୍ୟ ରାସ୍ତା ଚୂଡାକୁଟି ବଜାର ନିକଟ ରେ ଥିବା ଏକ ଘରୁ ଜଣେ ଯୁବକଙ୍କ ମୃତ ଦେହ ଝୁଲନ୍ତା ଅବସ୍ଥାରେ ଗତ ମଙ୍ଗଳବାର ଉଦ୍ଧାର କରାଯାଇଛି। ମୃତ ଯୁବକଙ୍କ ଭଉଣୀ ଇତିଶ୍ରୀ ସାମଲ ଧାମନଗର ଥାନାରେ ଲିଖିତ ଅଭିଯୋଗ ପରେ ମୃତ ଦେହକୁ ଉଦ୍ଧାର କରିବା ସହ ଶବ ବ୍ୟବଚ୍ଛେଦ ପାଇଁ ଭଦ୍ରକ ପଠାଇଥିଲେ। ପୋଲିସ କେସ ନଂ ୮ / ୨୬ ରେ ଏକ ଅପମୃତ୍ୟୁ ମାମଲା ରୁଜୁ କରିବା ସହ ତଦନ୍ତ ଜାରି ରଖିଛି। ସୂଚନା ମୁତାବକ ମୃତ ଯୁବକ ହେଲେ ଚାନ୍ଦବାଲି ଘଣ୍ଟେଶ୍ୱର ଅଞ୍ଚଳର ଗୟାଧର ସାମଲଙ୍କ ପୁଅ ତୀର୍ଥଙ୍କର ସାମଲ(୩୦)। ସୂଚନା ଅନୁଯାୟୀ ମୃତ ତୀର୍ଥଙ୍କର ଘର ଚାନ୍ଦବାଲି ବ୍ଲକ ଅଞ୍ଚଳରେ ହୋଇଥିବା ବେଳେ ତାଙ୍କ ମାମୁଁ ଘର ଚୁଡ଼ାକୁଟି ପଞ୍ଚାୟତର ତାମ୍ପଳା। ମାତ୍ର ଚୁଡ଼ାକୁଟି ନିକଟରେ ସେମାନେ ନୂତନ ଘର ନିର୍ମାଣ କରି ପ୍ରାୟ ଏକ ବର୍ଷ ହେବ ମା ଓ ପୁଅ ରହୁଥିଲେ। କିନ୍ତୁ ତାଙ୍କ ମା ପୁରୀ ରଥଯାତ୍ରା ବୁଲିବାକୁ ଯାଇଥିଲେ। ଦୁଇ ଦିନ ତଳେ ଘରକୁ ଫେରିବା ବେଳେ ଦେହ ଅସୁସ୍ଥ ହେବାରୁ ଘରକୁ ନ ଆସି ଯାଜପୁର ରୋଡ ରେ ରହୁଥିବା ନିଜ ଝିଅ ଘରକୁ ଚାଲି ଯାଇଥିଲେ। ଉକ୍ତ ଦିନ ମୃତ ତୀର୍ଥଙ୍କର ସହିତ ତାଙ୍କ ବଡ଼ ମାମୁଁ ରଞ୍ଜନ ସେଠୀଙ୍କ ସହିତ ରାତିରେ ଘରେ ରହିଥିଲେ । ମଙ୍ଗଳବାର ପୂର୍ବାହ୍ନ ୧୧ ଟା ସମୟରେ ନିକଟରେ ଥିବା ମାମୁଁ ଘର ପରିବାର ଲୋକେ ଉକ୍ତ ଘରକୁ ଯିବାବେଳେ ଝୁଲନ୍ତା ଅବସ୍ଥାରେ ଦେଖିବାକୁ ପାଇଥିଲେ। ଅନ୍ୟ ମାମୁଁ ମାନେ ଏହା ଦେଖି ତୁରନ୍ତ ପୁଲିସକୁ ଖବର ଦେଇଥିଲେ। ପ୍ରାଥମିକ ତଦନ୍ତରୁ ଯୁବକ ଜଣକ ଆତ୍ମହତ୍ୟା କରିଥିବା ପୁଲିସ ସନ୍ଦେହ କରୁଛି। ତେବେ ମୃତ୍ୟୁର ପ୍ରକୃତ କାରଣ ବ୍ୟବଚ୍ଛେଦ ରିପୋର୍ଟ ପରେ ସ୍ପଷ୍ଟ ହେବ ବୋଲି ପୁଲିସ ପକ୍ଷରୁ କୁହାଯାଇଛି। ମାତ୍ର ଏହା ହତ୍ୟା କି ଆତ୍ମହତ୍ୟା ତାହାକୁ ନେଇ ସାଧାରଣରେ ସନ୍ଦେହ ସୃଷ୍ଟି ହୋଇଛି।