Odisha Janamata : ଜୀବନକୁ ବାଜି ଲଗେଇ ଜଣେ ଯୁବକ ନଦୀ ପାଣିରୁ ଉଦ୍ଧାର କଲେ ଦୁଇଜଣନଙ୍କୁ |

ଜୀବନକୁ ବାଜି ଲଗେଇ ଜଣେ ଯୁବକ ନଦୀ ପାଣିରୁ ଉଦ୍ଧାର କଲେ ଦୁଇଜଣନଙ୍କୁ |

29-Jul-2026

ମୃତ୍ୟୁ ମୁଖରୁ ଦୁଇ ଜଣଙ୍କୁ ବଞ୍ଚାଇଲେ ଜଣେ ଯୁବକ |

ଓଡିଶା ଜନ ମତ ,ରାୟଗଡା,

କାମେଶ୍ୱର କର କରିଆ ;--==

ଏପରି କିଛି ମନୁଷ୍ୟ ଅଛନ୍ତି ସେମାନେ ସବୁବେଳେ ପରର ଉପକାର କରିବାକୁ ପଛେଇ ନଥାନ୍ତି ନିଜ ଦୁର୍ଲଭ ଜୀବନକୁ ପାଣୀ ଛଡେଇ ଏପରି କିଛି ବ୍ୟକ୍ତି ଅନ୍ୟର ଜୀବନ କୁ ମୃତ୍ୟୁ ମୁଖରୁ ଟାଣି ଆଣିଛନ୍ତି |ନାଗାବଳୀ ନଦୀରେ ଫସି ଯାଇଥିଲା ଏକ ଟ୍ରାକ୍ଟର। ଫଳରେ ଦୀର୍ଘଘଣ୍ଟା ଧରି ଡ୍ରାଇଭର୍ ଓ ଜଣେ ନାବାଳକ ପାଣି ଭିତରେ ଫସିଯାଇଥିଲେ। ପାଣିର ସ୍ରୋତରେ ଦୁଇ ଜଣ ଫସିଯାଇଥିବା ବେଳେ ଜଣେ ଯୁବକ ଦୁଇ ଜଣଙ୍କୁ ଉଦ୍ଧାର କରିଛନ୍ତି। ଏହି ଦୃଶ୍ୟ ହେଉଛି ରାୟଗଡ଼ା ଜିଲ୍ଲା କୋଲନରା ବ୍ଲକ ଇନ୍ତାଲିଗୁଡ଼ା ଅଞ୍ଚଳର ଦୃଶ୍ୟ। ଗ୍ରାମର ପ୍ରକାଶ ପେଦେଣ୍ଟି ଟ୍ରାକ୍ଟର ଯୋଗେ ନାଗାବଳୀ ନଦୀ ପାର ହୋଇ ନିଜ ଚାଷ ଜମିକୁ ଯାଇଥିଲେ। ହେଲେ ଫେରିବା ବେଳେ ନଦୀରେ ପ୍ରବଳ ସ୍ରୋତରେ ବର୍ଷା ଜଳ ମାଡି ଆସିଥିଲା। ପାଖରେ ତାଙ୍କ ସମ୍ପର୍କୀୟ ନାବାଳକ ପୁତୁରା ହରି ପେଦେଣ୍ଟି ମଧ୍ୟ ରହିଥିଲେ। ତେବେ ନଦୀରେ ପାଣି ପ୍ରବଳ ବେଗରେ ଆସିବା ଯୋଗୁଁ ଦୁହେଁ ଦୀର୍ଘ ଘଣ୍ଟା ଧରି ନଦୀ ଗର୍ଭରେ ରହିଯାଇଥିଲେ। ପାଣିର ବେଗ ଦେଖି ଭିତରକୁ ଯିବାକୁ କେହି ସାହସ କରିନଥିବା ବେଳେ ଇନ୍ତାଲିଗୁଡ଼ାର ଜଣେ ଯୁବକ ନଦୀ ଭିତରେ ପଶି ଉଦ୍ଧାର କରିଥିଲେ। ଦୁହେଁ ସୁରକ୍ଷିତ ଭାବେ ଉଦ୍ଧାର ହୋଇଥିଲେ। ଇନ୍ତାଲିଗୁଡ଼ା ନିକଟରେ ନାଗାବଳୀ ନଦୀ ପ୍ରବାହିତ ହେଉଥିବା ବେଳେ ଅନେକ ଗ୍ରାମ ନଦୀ ଆରପାଖରେ ରହିଛି। ସେହିପରି ଗ୍ରାମବାସୀଙ୍କ ଜମି ମଧ୍ୟ ରହିଛି। ଏଣୁ ନଦୀ ଉପରେ ଏକ ସ୍ଥାୟୀ ପୋଲ ନିର୍ମାଣ କଲେ ପ୍ରାୟ ୧୦ ଖଣ୍ଡ ଗ୍ରାମର ଲୋକେ ଉପକୃତ ହୋଇପାରିବେ ବୋଲି ଗ୍ରାମବାସୀ କହିଛନ୍ତି।