Odisha Janamata : ରାଜ୍ୟ ଓଷ୍ଟା ସଙ୍ଘ ପକ୍ଷରୁ ପ୍ରତିବାଦ ସଭା |

ରାଜ୍ୟ ଓଷ୍ଟା ସଙ୍ଘ ପକ୍ଷରୁ ପ୍ରତିବାଦ ସଭା |

06-Aug-2026

ରାଜ୍ୟ ଓଷ୍ଟା ସଂଘ ପକ୍ଷରୁ ପ୍ରତିବାଦ ସଭା।

ଓଡିଶା ଜନମତ, ଜଗତସିଂହପୁର
ଜ୍ୟୋତି ରଞ୍ଜନ ପଟ୍ଟନାୟକ....

ରାଜ୍ୟ ଓଷ୍ଟା ସଂଘ ଆନୁକୁଲ୍ୟରେ ଓଡ଼ିଶା ସ୍କୁଲ ଶିକ୍ଷକ କର୍ମଚାରୀ ସମନ୍ବୟ ସମିତିର ଧାରଣା ଓ ପ୍ରତିବାଦ ସଭା ରଘୁନାଥପୁର ବ୍ଲକ କାର୍ଯ୍ୟାଳୟ ସମ୍ମୁଖରେ ବ୍ଲକ୍ ଓଷ୍ଟା ସଭାପତି ଶରତ ଚନ୍ଦ୍ର ପଣ୍ଡାଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଯାଇଛି। ଏଥିରେ ଓଷ୍ଟା ବ୍ଲକ ସଂପାଦକ ରଂଜନ କୁମାର ମିଶ୍ର ଯୋଗ ଦେଇ ଆଜିର ଧାରଣା ଆଭିମୁଖ୍ୟ ସମ୍ପର୍କରେ ଆଲୋଚନା କରି ନୂତନ ଅନୁଦାନ ପ୍ରାପ୍ତ ବିଦ୍ୟାଳୟର ଶିକ୍ଷକ ଓ କର୍ମଚାରୀ ମାନଙ୍କୁ ଅବସର ପରେ ପେନସନ ପ୍ରଦାନ , ଯୋଗ୍ୟ ବିବେଚିତ ବିଦ୍ୟାଳୟମାନଙ୍କୁ ଅନୁଦାନ ପ୍ରଦାନ କରିବାକୁ ସରକାର ବାରମ୍ବାର ପ୍ରତିଶ୍ରୁତି ଦେଇ କାର୍ଯ୍ୟକାରୀ ନକରି ପ୍ରତାରିତ କରିବାରୁ ଆଜି ରାଜ୍ୟ ର ସମସ୍ତ ବ୍ଲକରେ ଏହି ପ୍ରତିବାଦ ସଭା ଅନୁଷ୍ଠିତ ହେଉଛି। ସେମାନଙ୍କ ଦାବି ପୂରଣ ନହେଲେ ଆସନ୍ତା ଅଗଷ୍ଟ ୧୬ ରେ ଭୁବନେଶ୍ୱର ରେ ବିଶାଳ ସମାବେଶ ଓ ଧାରଣା କରାଯିବାର କାର୍ଯ୍ୟକ୍ରମ ରହିଛି। ଏଥିରେ ଓଷ୍ଟାର କର୍ମକର୍ତ୍ତା ତୁଷାର କାନ୍ତ ମହାନ୍ତି, ବିଜୟ କୁମାର ନାୟକ, ସୁଧାକର ନାୟକ, ପବିତ୍ର କୁମାର ସ୍ଵାଇଁ, ନିରାକାର ମହାପାତ୍ର, ବିଷ୍ଣୁ ଚନ୍ଦ୍ର କର, ଜ୍ଞାନରଂଜନ ମହାପାତ୍ର , ନିରଂଜନ ଦାଶ, ସମିର କୁମାର ସାମଲ, ସୁଦର୍ଶନ ପଣ୍ଡା, ସୁଶାନ୍ତ ମହାପାତ୍ର ଓ ସୁଧୀର କୁମାର ନାୟକ ବକ୍ତବ୍ୟ ରଖି ଆନ୍ଦୋଳନ କୁ ଯୋରଦାର କରିବାକୁ ଆହ୍ବାନ ଦେଇଥିଲେ। ଶେଷରେ ରଘୁନାଥପୁର ବିଡିଓ ବିରଞ୍ଚିନାରାୟଣ ବେହେରା ଓଡ଼ିଶାର ମାନ୍ୟବର ମୁଖ୍ୟମନ୍ତ୍ରୀ, ଶିକ୍ଷା ମନ୍ତ୍ରୀ ଓ ଆଇନ୍ ମନ୍ତ୍ରୀଙ୍କ ଉଦ୍ଦେଶ୍ୟରେ ଦାବିପତ୍ର ଗ୍ରହଣ କରିଥିଲେ। ଶେଷରେ ଶିକ୍ଷକ ନେତା ସୁଦର୍ଶନ ପରିଡ଼ା ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ।