Odisha Janamata : ବ୍ରହ୍ମପୁର ମହାନଗର ନିଗମ ଅଫିସ ଆଗରେ ବକେୟା ବିଲ ପାଇବା ଦାବିରେ ଠିକାଦାର ମାନଙ୍କ ଧାରଣା |

ବ୍ରହ୍ମପୁର ମହାନଗର ନିଗମ ଅଫିସ ଆଗରେ ବକେୟା ବିଲ ପାଇବା ଦାବିରେ ଠିକାଦାର ମାନଙ୍କ ଧାରଣା |

07-Aug-2026

ବ୍ରହ୍ମପୁର ମହାନଗର ନିଗମ କାର୍ଯ୍ୟାଳୟ ସମ୍ମୁଖରେ ବକେୟା ବିଲ ପ୍ରଦାନ ଦାବିରେ ଠିକାଦାରମାନଙ୍କ ଧାରଣା |

ଓଡିଶା ଜନ ମତ ବ୍ୟୁରୋ,

ରାଜ୍ୟ ସରକାର ଙ୍କ ପକ୍ଷରୁ ଗତ କାଲି ଏକ ବଦଳି ତାଲିକା ପ୍ରକାଶ ପାଇଥିଲା | ଏଥି ରେ ବିଭିନ୍ନ ଅଧିକାରୀ ମାନଙ୍କ ନାମ ରହିଥିବା ବେଳେ ବ୍ରହ୍ମପୁର ମହାନଗର ନିଗମ ର ମଧ୍ୟ କିଛି ଅଧିକାରୀମାନଙ୍କ ନାମ ଥିବା ଜଣାପଡିଥିଲା | ତେବେ ଏହି ଘଟଣା କୁ ନେଇ ବ୍ରହ୍ମପୁର ମହାନଗର ନିଗମ ରେ ଛକାପଞ୍ଝା ଦେଖିବାକୁ ମିଳିଛି | ବ୍ରହ୍ମପୁର ମହାନଗର ନିଗମ (BEMC) ର ଯେଉଁ ସମସ୍ତ ଅଧିକାରୀଙ୍କର ବଦଳି ଓ ରିଲିଭ୍ ଆଦେଶ ପ୍ରକାଶ ପାଇଛି, ସେମାନଙ୍କ ନିକଟରେ ଠିକାଦାରମାନଙ୍କର ବହୁ ବିଲ୍ ଏପର୍ଯ୍ୟନ୍ତ ବକେୟା ରହିଛି | ବକେୟା ବିଲ୍‌ର ତୁରନ୍ତ ପରିଶୋଧ ଦାବିରେ ଠିକାଦାରମାନେ ବ୍ରହ୍ମପୁର ମହାନଗର ନିଗମ କାର୍ଯ୍ୟାଳୟ ସମ୍ମୁଖରେ ଧାରଣାରେ ବସିଛନ୍ତି | ଏଠି କିଛି ପ୍ରଶ୍ନ ଉଠୁଛି ଯେ ବିଲ୍‌ କେଉଁ କାରଣ ପାଇଁ ହୋଇନାହିଁ ? , ବିଲ୍‌ କୁ କିଏ ଜାଣିଶୁଣି ଅଟକାଇଛି କି ? , ନା ଅନ୍ୟ କିଛି ରହସ୍ୟ ଏହା ଭିତରେ ରହିଛି ଯେଉଁଥି ପାଇଁ ବିଲ୍‌ ହୋଇନାହିଁ ! ଠିକାଦାର ମାନଙ୍କ କହିବା ଅନୁଯାଇ କାମ ହୋଇସାରିଥିଲେ ମଧ୍ୟ ବକେୟା ବିଲ୍‌ ମିଳିନାହିଁ | ତେବେ ଅଧିକରୀ ମାନେ ଯଦି ବିଲ୍ ନ କରନ୍ତି ତେବେ ସେମାନେ ଏହି ଭଳି ମହାନଗରନିଗମ ଅଫିସ ସାମ୍ନା ରେ ଏହି ପରି ଭାବେ ଧାରଣା ରେ ବସିରହିବେ ବୋଲି ଚେତାବନୀ ଦେଇଛନ୍ତି | ତେବେ କାମ ସରିବା ପରେ କେଉଁ କାରଣ ପାଇଁ ଏହି ବିଲ୍‌ ଗୁଡ଼ିକ ହୋଇନଥିଲା ଏହା ବର୍ତମାନ ଅସ୍ପଷ୍ଟ ରହିଥିବା ବେଳେ ଏବେ ଯାଇଁ କୌଣସି ଅଧିକରି କିମ୍ୱା ସରକାରୀ ଅଫିସର ଙ୍କ ପ୍ରତିକ୍ରିୟା ମିଳିପାରିନାହିଁ | ତେବେ ଦେଖିବାକୁ ବାକିରହିଲା ଏହି ଧାରଣାଟି କେଉଁ ମୋଡ଼ ନେଉଛି ଏବଂ ମହାନଗରନିଗମ କତୃପକ୍ଷ ଏବଂ ସେଠା ରେ କାର୍ଯ୍ୟରତ ଥିବା ସରକାରୀ ବାବୁ ମାନେ ଏହା ଉପରେ କେତେ କର୍ଣ୍ଣପାତ କରୁଛନ୍ତି |