Odisha Janamata : ଛେଳି ଚୋରିକରି ବୋଲରା ଗାଡ଼ିରେ ନେଉଥିଲା ବେଳେ ପୋଲିସ ଦ୍ୱାରାତିନି ଗିରଫ ||

ଛେଳି ଚୋରିକରି ବୋଲରା ଗାଡ଼ିରେ ନେଉଥିଲା ବେଳେ ପୋଲିସ ଦ୍ୱାରାତିନି ଗିରଫ ||

25-Aug-2026

ଛେଳି ଚୋରି କରିବା ପଡ଼ିଲା ମହଙ୍ଗା,ଗାଡ଼ି ଓ ଛେଳି ଜବତସହ ତିନି ଅଭିଯୁକ୍ତ ଗିରଫ |

ଓଡିଶା ଜନ ମତ ବ୍ୟୁରୋ,

ଆଜି କାଲି କିଛି ବ୍ୟକ୍ତି ଚୋରି କରି ମାଲା ମାଲ ହେବା ସହ କିଛି ମନ୍ଦ ବୁଦ୍ଧି ଯୋଗୁଁ ପୋଲିସ ହାତରେ ଧରା ପଡି ଜେଲ କୁ ଯାଇ ଛନ୍ତି ||ତାହାପୁଣି ଛେଳି ଚୋରି କରିବା ଘଟଣାରେ !|ବିଲରେ ଚରୁଥିବା ବେଳେ ବୋଲେରୋ ଗାଡ଼ିରେ ଛେଳି ଚୋରି କରି ନେଉଥିବା ୩ ଜଣ ଅଭିଯୁକ୍ତଙ୍କୁ କଳିଙ୍ଗନଗର ଥାନା ପୋଲିସ ଗିରଫ କରି କୋର୍ଟ ଚାଲାଣ କରିଛି। ଗିରଫ ଅଭିଯୁକ୍ତମାନେ ହେଲେ କୋରେଇ ଥାନା ଅନ୍ତର୍ଗତ ଖାସାଗାଡ଼ିଆ ଗ୍ରାମର ବିରଞ୍ଚି ମହାରଣା, ବ୍ରହ୍ମମୁଣ୍ଡା ଗ୍ରାମର ଆକାଶ କୁମାର ମୁଖୀ ଏବଂ ଅଳଦା ଗ୍ରାମର ମହେଶ୍ୱର ସାଙ୍ଖୁଆ।
ପୋଲିସ ସୂତ୍ରରୁ ମିଳିଥିବା ସୂଚନା ଅନୁଯାୟୀ, ଗତ ୨୨ ତାରିଖ ଅପରାହ୍ନରେ ନଡିଆଭଙ୍ଗା ଗ୍ରାମର ଶଶ୍ମିତା ମୁଣ୍ଡାଙ୍କ ଦୁଇଟି ଛେଳି ଗାଁ ନିକଟସ୍ଥ ବିଲରେ ଚରୁଥିବା ବେଳେ ଉକ୍ତ ୩ ଜଣ ଏକ ବୋଲେରୋ ଗାଡ଼ି ଯୋଗେ ଆସି ସେଗୁଡ଼ିକୁ ଚୋରି କରି ନେଇଯାଇଥିଲେ। ଏ ନେଇ ଅଭିଯୋଗକାରିଣୀ ଶଶ୍ମିତା କଳିଙ୍ଗନଗର ଥାନାରେ ଲିଖିତ ଅଭିଯୋଗ କରିଥିଲେ।
ଅଭିଯୋଗ ଆଧାରରେ ପୋଲିସ କେସ୍ ନଂ ୨୪୩/୨୬, ଦଫା ୩୦୩(୨)/୩(୫) ବିଏନଏସ (BNS) ଅନୁଯାୟୀ ଏକ ମାମଲା ରୁଜୁ କରି ତଦନ୍ତ ଆରମ୍ଭ କରିଥିଲା। ଘଟଣାରେ ସମ୍ପୃକ୍ତ ତିନି ଅଭିଯୁକ୍ତଙ୍କୁ ଗିରଫ କରିବା ସହ ଚୋରିରେ ବ୍ୟବହୃତ ବୋଲେରୋ ଗାଡ଼ି ଏବଂ ଦୁଇଟି ଛେଳିକୁ ଜବତ କରାଯାଇଛି। ପରେ ଜବତ ହୋଇଥିବା ଛେଳି ଦୁଇଟିକୁ ଅଭିଯୋଗକାରିଣୀଙ୍କୁ ଜିମା ଦିଆଯାଇଥିବା ବେଳେ ଅଭିଯୁକ୍ତମାନଙ୍କୁ ସୋମବାର କୋର୍ଟ ଚାଲାଣ କରାଯାଇଛି।