Odisha Janamata : ଶୁଣିଲାନି ପ୍ରଶାସନ, ଘର ଉଛେଦ ପରେ ଗଛ ମୂଳହିଁ ଭରସା |

ଶୁଣିଲାନି ପ୍ରଶାସନ, ଘର ଉଛେଦ ପରେ ଗଛ ମୂଳହିଁ ଭରସା |

25-Aug-2026

ଘର ଉଚ୍ଛେଦ ପରେ ପରିବାର ଙ୍କ ଗଛ ମୂଳ ହିଁ ଭରଷା,

ଓଡିଶା ଜନ ମତ ବ୍ୟୁରୋ,

ସରକାର ଙ୍କ ନିୟମ ରହିଛି ଜବର ଦଖଲ କରିଥିବା ଗରିବ ପରିବାର ଙ୍କୁ କେଉଁଠି ଆଶ୍ରୟ ଦେଇ ପରେ ସେହି ମାଡ଼ିବସିଥିବା ଜାଗାକୁ ଉଛେଦ କରାଯିବ ବୋଲି | କିନ୍ତୁ ଜଣେ ନିରାଶ୍ରୟ ପରିବାରର କଥାକୁ କର୍ଣ୍ଣ ପାତ ନକରି ସେ ରହିଥିବା ସ୍ଥାନକୁ ଉଛେଦ କରାଯାଇଛି | ଏପରି ଏକ ଦୃଶ୍ୟ ଦେଖିବାକୁ ମିଳିଛି, ଜଣେ ବ୍ୟକ୍ତିଙ୍କ ପରିବାର ରେ | ପ୍ରଶାସନ ର ଜିଦ ଯୋଗୁଁ
ଘର ଉଚ୍ଛେଦ ପରେ ଗଣେଶ୍ୱର ନାଏକଙ୍କୁ ଗଛ ମୂଳ ହିଁ ଭରଷା, କେବେ ଶୁଣିବ ପ୍ରଶାସନ।ସରକାରଙ୍କ ଜମିକୁ ଖଜଣା ପାଉତି ଦେଇ ଦୀର୍ଘ ବହୁ ବର୍ଷ ଧରି ରହି ଆସୁଥିଲେ ଗଣେଶ୍ୱର ନାଏକ। ଭୂମି ଅଧିକାର ଦଖଲ କରି ନିଜର ବାସ ଗୃହ ସହ ଚାଷ କରି ନିଜର ପ୍ରତି ପୁଷଣ କରୁଥିଲେ। ହଟାତ କାରଣ ଦର୍ଶାଇ ସେହି ଜାଗାକୁ ଜବର ଦଖଲ ଉଚ୍ଛେଦ କରିଛି କାମାକ୍ଷାନଗର ପ୍ରଶାସନ। ଢେଙ୍କାନାଳ ଜିଲ୍ଲା କାମାକ୍ଷାନଗର ବ୍ଲକ ଗୋପୀଗାଡ଼ିଆ ଗାଁ ର ଗଣେଶ୍ୱର ନାଏକ ଦୀର୍ଘ ବହୁ ବର୍ଷ ଧରି ଶିବୁଳାପସୀ ମୌଜା ଠାରେ ଥିବା ଖାତା ନମ୍ବର ୨୩୧ ଏବଂ ଦୁଇଟି ପ୍ଲଟ ଯାହାର ନମ୍ବର ୧୭୯୮/୧୭୯୩ ଗ୍ରାମ୍ୟ ଜଙ୍ଗଲ ସହ ଜଙ୍ଗଲ-୨ ରେ ରହି ଆସୁଥିଲେ। ସେଠାରେ ତାଙ୍କର ପର୍ବ ପର୍ବାଣି ପାଳନ ସହ ମାଘ ମାସରେ ହଜାର ହଜାର ବାବା ମାନଙ୍କର ଏକ ହୋମ ଯଂଜ୍ଞ ପାଳନ କରନ୍ତି। ସ୍ୱାମୀ ସ୍ତ୍ରୀ ଦୁଇଜଣ ରହିବା ସହ ପୁଅ ଝିଅ ମାନଙ୍କୁ ନେଇ ନିଜର ଦିନ ମଜୁଆରିଆ କାର୍ଯ୍ୟ କରି ସେହି ଜାଗାରେ ରହି ଆସୁଥିଲେ। ରାଜ ନେତାଙ୍କ ଏବଂ ପ୍ରଭାବ ଶାଳୀ ବ୍ୟକ୍ତିଙ୍କ ପାଇଁ ଆଜି ଗଣେଶ୍ୱରଙ୍କ ଘର ଉଚ୍ଛେଦ କଲା କାମାକ୍ଷାନଗର ପ୍ରଶାସନ। ଘର ଉଚ୍ଛେଦ ହେବା ପରେ ଏକ ମହୁଲ ଗଛ ତଳେ ଦୁଇଖଣ୍ଡ ଆଜବେଷ୍ଟ ଢାଙ୍କି ତଳେ ଏକ ପାଲ ପକେଇ ଜୀବନଙ୍କୁ ସଙ୍ଗର୍ଷ କରୁଛନ୍ତି ପରିବାର। ବର୍ଷା ଦିନରେ ସେଇ ଜାଗା ତାଙ୍କ ପାଇଁ ଏକ ବିପଦ ପୂର୍ଣ୍ଣ ସାଜିଥିବା ବେଳେ ପ୍ରଶାସନର ଅଢୁଆଳରେ ଲୁଚି ରହିଲେ ଗଣେଶ୍ୱର। ଯଥା ଶୀଘ୍ର ଥଇଥାନ କରିବା ସହ ଏହି ଅସହାୟ ଗରିବ ପରିବାରକୁ ରହିବାକୁ ବାସ ଗୃହ ସହ ଥଇଥାନ କରିବା ପାଇଁ ଏକ ଜାଗା ଟିଏ ତାଙ୍କ ନାମରେ ଗୁଣ୍ଠି କିଆ ପଟ୍ଟା କରିବାକୁ ଗଣେଶ୍ୱରଙ୍କ ପରିବାର ଜିଲ୍ଲାପାଳଙ୍କୁ ଗୁହାରି କରିଛନ୍ତି।
ଏହି ପରିବାର ଉପରେ ସରକାର ଦୃଷ୍ଟି ଦେଇ ଥଇଥାନ ବ୍ୟବସ୍ତା କରିବାକୁ ଅଞ୍ଚଳରେ ଦାବି ହୋଇଛି।