Odisha Janamata : "ଉଲ୍ଲାସ କାର୍ଯ୍ୟକ୍ରମ ରେ ଖଲ୍ଲିକୋଟ ବ୍ଳକର 16ଗୋଟି କ୍ଲଷ୍ଟର ରେ ପରୀକ୍ଷା ଦେଲେ 7038 ଜଣ ପରୀକ୍ଷାର୍ଥୀ |

"ଉଲ୍ଲାସ କାର୍ଯ୍ୟକ୍ରମ ରେ ଖଲ୍ଲିକୋଟ ବ୍ଳକର 16ଗୋଟି କ୍ଲଷ୍ଟର ରେ ପରୀକ୍ଷା ଦେଲେ 7038 ଜଣ ପରୀକ୍ଷାର୍ଥୀ |

20-Sep-2026

( ନବ ଭାରତ ସାକ୍ଷରତା କାର୍ଯ୍ୟକ୍ରମ )
ଖଲ୍ଲିକୋଟ : `ଉଲ୍ଲାସରେ ବ୍ଲକର ଷୋହଳଟି କ୍ଲଷ୍ଟରର ମୋଟ ୭୦୩୮ ଜଣ ପରୀକ୍ଷାର୍ଥୀ ପରୀକ୍ଷା ଦେଲେ |

ଓଡିଶା ଜନ ମତ ବ୍ୟୁରୋ,

ସମାଜରେ ରହିଆସିଥିବା ଅଜ୍ଞତା ନିରକ୍ଷରତା ଦୂର କରିବା ସହିତ ସର୍ବସାଧାରଣ ବ୍ଯକ୍ତି ବିଶେଷଙ୍କୁ ସାକ୍ଷର କରିବା ଭଳି ମହତ ଉଦ୍ଦେଶ୍ୟ ନେଇ ଜିଲ୍ଲା ଶିକ୍ଷା ଅଧିକାରୀଙ୍କ ନିର୍ଦ୍ଦେଶ କ୍ରମେ ଗୋଷ୍ଠୀ ଶିକ୍ଷା ଅଧିକାରୀ, ଖଲ୍ଲିକୋଟଙ୍କ ପ୍ରତ୍ଯକ୍ଷ ତତ୍ତ୍ବବଧାନରେ ବ୍ଲକ ଅନ୍ତର୍ଗତ ଷୋହଳଟି କ୍ଲଷ୍ଟର ଅଧୀନସ୍ଥ ବିଦ୍ଯାଳୟରେ ଉଲ୍ଲାସ ପରୀକ୍ଷା ଅନୁଷ୍ଠିତ ହୋଇଯାଇଛି । ଖଲ୍ଲିକୋଟ ବ୍ଲକରେ ସମୁଦାୟ ୭୦୩୮ ଜଣ ପରୀକ୍ଷାର୍ଥୀ ପରୀକ୍ଷା ଦେଇଛନ୍ତି । ପୂର୍ବରୁ ସ୍ଵେଚ୍ଛାସେବୀ ଶିକ୍ଷକ ଶିକ୍ଷୟିତ୍ରୀ ଏହି କାର୍ଯ୍ୟକ୍ରମରେ ପରୀକ୍ଷା ଦେବାକୁ ଥିବା ପରୀକ୍ଷାର୍ଥୀଙ୍କ ନାମ ପଞ୍ଜିକରଣ କରିଥିଲେ । ଏହି କାର୍ଯ୍ୟକ୍ରମରେ ଖଲ୍ଲିକୋଟ ଗୋଷ୍ଠୀ ଶିକ୍ଷା ଅଧିକାରୀ ଶ୍ରୀଯୁକ୍ତ ସତ୍ଯନାରାୟଣ ଦାସ, ଅତିରିକ୍ତ ଗୋଷ୍ଠୀ ଶିକ୍ଷା ଅଧିକାରୀ କିଶୋର ଚନ୍ଦ୍ର ଘାସି, ସୁଶାନ୍ତ କୁମାର ନାୟକ, ବି ଆର ସି ସି ସୁଶ୍ରୀ ସୁଷମା ଶବର ସମସ୍ତ କ୍ଲଷ୍ଟରସ୍ଥ ଆଦର୍ଶ ପରୀକ୍ଷା କେନ୍ଦ୍ର ବୁଲି ତଦାରଖ କରିଥିଲେ । ଉସ୍ତାପଡା, କେଶପୁର, କୈରାଶି, କହ୍ନେଇପୁର, ବାଗଲପୁର, ଲଙ୍ଗଳେଶ୍ଵର, ପଥରା, ଆଭାସ, ମଥୁରା, କନକା, ତାଳପଡା, ଦାନପୁର, କଞ୍ଚଣା, ସାବୁଳିଆ, ବଧିନୂଆପଲ୍ଲୀ, ଚିକିଲି କ୍ଲଷ୍ଟରର ଆଂଚଳିକ ସାଧନ କେନ୍ଦ୍ର ସଂଯୋଜକମାନେ ପରୀକ୍ଷା ପରିଚାଳନା କ୍ଷେତ୍ରରେ ସମସ୍ତ ପ୍ରକାର ସହଯୋଗ କରିବା ସହିତ ପରୀକ୍ଷା କେନ୍ଦ୍ର ପରିଭ୍ରମଣ କରିଥିଲେ । ସର୍ବ ସାଧାରଣ ବ୍ଯକ୍ତି ସବିଶେଷ କିଭଳି ମୌଳିକ ସାକ୍ଷରତା ସଂଖ୍ଯା ଜ୍ଞାନ ଉପରେ ଅବଗତ ହୋଇ ଦୈନନ୍ଦିନ ଜୀବନରେ ସେସବୁର ବ୍ଯବହାର କରିବା ଲକ୍ଷ୍ୟ ଆଭିମୁଖ୍ୟ ନେଇ ଏପ୍ରକାର କାର୍ଯ୍ୟକ୍ରମ ଉଜ୍ଜୀବିତ ରହିଛି । ଉଲ୍ଲାସ କାର୍ଯକ୍ରମର ସଫଳ ରୂପାୟନ ଲାଗି ସମସ୍ତଙ୍କ ସହଯୋଗ କାମନା କରିଥିଲେ ଗୋଷ୍ଠୀ ଶିକ୍ଷା ଅଧିକାରୀ ଶ୍ରୀଯୁକ୍ତ ଦାସ ।

ରିପୋର୍ଟ-
ଡକ୍ଟର ଦ୍ବାରିକାନାଥ ମହାରଣା
ଖଲ୍ଲିକୋଟ, ଗଞ୍ଜାମ