24-Sep-2026

*ଗଭୀର ଅବପାତ: କଳିଙ୍ଗପାଟ୍ଟନାମ୍ ଠାରେ ସ୍ଥଳଭାଗ ଛୁଇଁଛି ।।*
*ଏହାର ପ୍ରଭାବରେ ଆଗାମୀ ଦୁଇ ଦିନ ଧରି ଭାରି ବର୍ଷା ଲାଗି ରହିବ !!*

ଓଡ଼ିଶା ଜନମତ, ଛତ୍ରପୁର, ତା. ୨୪ / ୯ 

କେ.ସତ୍ୟନାରାୟଣ ରେଡ୍ଡୀ:----
ଦକ୍ଷିଣ ପଶ୍ଚିମ କେନ୍ଦ୍ରୀୟ ଏବଂ ସଂଲଗ୍ନ ଉତ୍ତର ପଶ୍ଚିମ ବଙ୍ଗୋପସାଗରରେ ସୃଷ୍ଟ ଲଘୁଚାପ ଗଭୀର ଅବପାତ ରୂପ ନେଇ ଗୋପାଳପୁର ଠାରୁ ଦକ୍ଷିଣ ଆନ୍ଧ୍ର ପ୍ରଦେଶ ଦେଇ କଳିଙ୍ଗପାଟ୍ଟନାମ୍ ଠାରେ ଗତକାଲି ବିଳମ୍ବିତ ରାତ୍ରିରେ ସ୍ଥଳଭାଗ ଆଡ଼କୁ ଅତିକ୍ରମ କରି ସ୍ଥଳ ଭାଗ ଛୁଇଁଛି । ଏହାର ପ୍ରଭାବରେ ଆଗାମୀ ୪୮ ଘଣ୍ଟା ମଧ୍ୟରେ ଘଡ଼ ଘଡ଼ି ସହ ପ୍ରବଳ ରୁ ଅତି ପ୍ରବଳ ମାତ୍ରାରେ ବର୍ଷା ଲାଗି ରହିବ ଏବଂ ବିଜୁଳି ଚଡ଼କ ମଧ୍ୟ ହେବା ର ସମ୍ଭାବନା ରହିଛି ବୋଲି ପାଣିପାଗ ବିଶେଷଜ୍ଞ ଙ୍କ ଠାରୁ ସୂଚନା ମିଳିଛି ।

   ବଙ୍ଗୋପସାଗରରେ ସୃଷ୍ଟ ଗଭୀର ଅବପାତ ଯୋଗୁଁ
ଗୋପାଳପୁର ସମୁଦ୍ର ଅଶାନ୍ତ ରହିଛି ।
ଦୀର୍ଘ ୫ଦିନ ଧରି ଲଗାଣ ବର୍ଷାରେ ଅନେକ କ୍ଷୟକ୍ଷତି ଘଟିଥିବା ବେଳେ ପନିପରିବା ତଥା ଉଦ୍ୟାନ କୃଷିରେ ବ୍ୟାପକ କ୍ଷତି ହୋଇଥିବା ଜଣାପଡ଼ିଛି ।
ଗଞ୍ଜାମ ଜିଲ୍ଲାରେ ଗଭୀର ଅବପାତ ଯୋଗୁଁ ସମ୍ଭାବ୍ୟ ପ୍ରତିକୂଳ ପାଣିପାଗକୁ ଦୃଷ୍ଟିରେ ରଖି ଜନସାଧାରଣଙ୍କ ସୁରକ୍ଷା ଓ ଜରୁରୀ ସେବା ସୁନିଶ୍ଚିତ କରିବା ନିମନ୍ତେ ଜିଲ୍ଲା ପ୍ରଶାସନ ପକ୍ଷରୁ ବ୍ୟାପକ ପ୍ରସ୍ତୁତି ଗ୍ରହଣ କରାଯାଇଛି। 
ଆଗାମୀ ସେପ୍ଟେମ୍ବର ୨୧ରୁ ୨୫ ତାରିଖ ପର୍ଯ୍ୟନ୍ତ ଜିଲ୍ଲାସ୍ତରୀୟ ଅଧିକାରୀମାନେ ସଦର ମହକୁମା ନ ଛାଡ଼ିବାକୁ ନିର୍ଦ୍ଦେଶ ଦିଆଯାଇଛି ।
ଘୋଡ଼ାହାଡ଼ ଡ୍ୟାମ, ଋଷିକୁଲ୍ୟା ନଦୀ କୂଳ, ଛତ୍ରପୁର ର ମଧୁରଜଳ ହ୍ରଦ "ତାମ୍ପରା" ରେ ଜଳପୂର୍ଣ୍ଣ ହୋଇ ବିପଦ ସଙ୍କେତ ଆଡ଼କୁ ଗତି କରୁଛି ।
ଚିଲ୍ଲିକା ହ୍ରଦ ଉପକୂଳବର୍ତ୍ତୀ ଅଞ୍ଚଳର ଅଧିବାସୀ ଙ୍କ ନିମନ୍ତେ ସ୍ୱତନ୍ତ୍ର ଥଇଥାନ ବ୍ୟବସ୍ଥା ଓ ପ୍ରସାଶନ ତୀକ୍ଷଣ ନଜର ରଖିଛନ୍ତି ।
ବାଘଲଟି ଜଳଭଣ୍ଡାରକୁ ଜଳ ପ୍ରବେଶ ପରିମାଣ ଗତ ଏକ ଘଣ୍ଟା ମଧ୍ୟରେ ଉଲ୍ଲେଖନୀୟ ଭାବେ ବୃଦ୍ଧି ପାଇଛି ।ଏହି ପରିସ୍ଥିତିରେ ଆଜି ସନ୍ଧ୍ୟା ସମୟରେ ବାଘଲଟି ଜଳଭଣ୍ଡାରରୁ ଅତିରିକ୍ତ ଜଳ ନିଷ୍କାସନ କରାଯାଇପାରେ ବୋଲି ଜିଲ୍ଲା ପ୍ରଶାସନ କହିଛନ୍ତି ।
ଗୋପାଳପୁର ସମୁଦ୍ରବେଳାଭୂମି କୁ ସ୍ଥାନୀୟ ଲୋକମାନଙ୍କୁ ଓ ପର୍ଯ୍ୟଟକଙ୍କୁ ବୁଲିବାକୁ ଯିବା ପାଇଁ ବାରଣ କରାଯାଇଛି ।
ମତ୍ସ୍ୟଜୀବୀଙ୍କୁ ତୁରନ୍ତ ସମୁଦ୍ର କୂଳକୁ ଫେରିଆସିବା ପାଇଁ ପରାମର୍ଶ ଦିଆଯାଇଛି ।
ଆର୍ଯ୍ୟପଲ୍ଲୀ ସମୁଦ୍ର ଉପକୂଳବର୍ତ୍ତୀ ଅଞ୍ଚଳରେ ବସ୍ତି ଅଞ୍ଚଳର ଅଧିବାସୀଙ୍କ ସମସ୍ୟା ଉତ୍କଟ ହେଲାଣି ।
ଲୋକଙ୍କୁ ବାତ୍ୟା ଆଶ୍ରୟସ୍ଥଳୀରେ ରହିବା ଓ ରନ୍ଧା ଖାଦ୍ୟ ଯୋଗାଇ ଦେବା ବ୍ୟବସ୍ଥା କରାଯାଇଛି ।
ଫାୟର ବ୍ରିଗେଡିୟର, ଓଡ୍ରାଫ୍ଟ ଟିମ୍, ପୋଲିସ ପ୍ରଶାସନ, ସରକାରୀ କର୍ମଚାରୀ ଅଧିକାରୀ ଓ ପ୍ରଶାସନିକ ଅଧିକାରୀ ଆଲର୍ଟ ରେ ନିୟୋଜିତ ଅଛନ୍ତି
ବୁଧବାର ରାତ୍ର ୮ସୁଦ୍ଧା ଜିଲ୍ଲାର ବିଭିନ୍ନ ବ୍ଲକ୍‌ରୁ  ଏବଂ ସହରାଞ୍ଚଳ ରୁ ୧୧୯୩ଜଣଙ୍କୁ ସୁରକ୍ଷିତ ସ୍ଥାନକୁ ସ୍ଥାନାନ୍ତର କରାଯାଇଛି। ସେମାନଙ୍କ ମଧ୍ୟରେ ୪୧୬ଜଣ ପୁରୁଷ, ୫୨୮ ଜଣ ମହିଳା ଓ ୨୫୦ ଜଣ ଶିଶୁ ଅଛନ୍ତି। 
ଗର୍ଭବତୀ ମହିଳାଙ୍କ ସୁରକ୍ଷିତ ପ୍ରସବ ଓ ଆବଶ୍ୟକ ଚିକିତ୍ସା ପାଇଁ ସ୍ୱାସ୍ଥ୍ୟ ବିଭାଗ ପକ୍ଷରୁ ସ୍ୱତନ୍ତ୍ର ବ୍ୟବସ୍ଥା କରାଯାଇଛି। ବିଭାଗୀୟ ସୂଚନା ଅନୁଯାୟୀ, 
ସ୍ୱାସ୍ଥ୍ୟ ବିଭାଗର ସୂଚନା ଅନୁଯାୟୀ, ଗଞ୍ଜାମ ଜିଲ୍ଲାରେ ଗତ କାଲି ରାତ୍ର ୮ ଟା ସୁଦ୍ଧା  ୩୦୬ଜଣ  ଗର୍ଭବତୀ ମହିଳାଙ୍କୁ ବିଭିନ୍ନ ସ୍ୱାସ୍ଥ୍ୟକେନ୍ଦ୍ରକୁ ସ୍ଥାନାନ୍ତର କରାଯାଇଛି। ସେମାନଙ୍କ ମଧ୍ୟରୁ ଜଣ ୨୧ଙ୍କୁ ମା` ଗୃହକୁ ସ୍ଥାନାନ୍ତର କରାଯାଇଛି। ସ୍ଥାନାନ୍ତରିତ ମହିଳାଙ୍କ ମଧ୍ୟରୁ ୧୩୫  ଜଣଙ୍କ ଶିଶୁ ପ୍ରସବ ହୋଇଥିବାବେଳେ ସମସ୍ତ ୧୩୫ ଟି ଜନ୍ମ ଗ୍ରହଣ କରିଛନ୍ତି । ସଦ୍ୟ ଶିଶୁ ଜୀବିତ ଓ  ସୁସ୍ଥ ଅଛନ୍ତି । ଏପର୍ଯ୍ୟନ୍ତ କୌଣସି ମୃତ ଶିଶୁ ଜନ୍ମ ରିପୋର୍ଟ ହୋଇନାହିଁ।
ମତ୍ସ୍ୟ ବିଭାଗର ସୂଚନା ଅନୁଯାୟୀ, ଛତ୍ରପୁର, ଗଞ୍ଜାମ, ରଙ୍ଗେଇଲୁଣ୍ଡା ଓ ଚିକିଟି ବ୍ଲକ୍‌ ଅଧୀନ ବିଭିନ୍ନ ମତ୍ସ୍ୟ ଅବତରଣ କେନ୍ଦ୍ରରେ ୧,୫୯୧ଟି ଡଙ୍ଗା ସୁରକ୍ଷିତ ଭାବେ କୂଳରେ ରହିଛି। ସେଥିମଧ୍ୟରୁ ୧,୪୨୨ଟି ମୋଟରଚାଳିତ ଓ ୧୬୯ଟି ଅଣମୋଟରଚାଳିତ ଡଙ୍ଗା  ସ୍ଥିର ରହିଛି । ବର୍ତ୍ତମାନ ସମୁଦ୍ର ମଧ୍ୟରେ କୌଣସି ମତ୍ସ୍ୟଜୀବୀ ଡଙ୍ଗା ନଥିବା ଜିଲ୍ଲା ଜରୁରୀ କାଳୀନ ବିଭାଗ ପକ୍ଷରୁ କୁହାଯାଇଛି ।