Odisha Janamata : ଜନଜାତି ଗବେଷକ ତଥା ପ୍ରଧାନ ଶିକ୍ଷକ ଙ୍କୁ "ପ୍ରକୃତି ମିତ୍ର ` ସମ୍ନାନ ରେ ସମ୍ନାନୀତ |

ଜନଜାତି ଗବେଷକ ତଥା ପ୍ରଧାନ ଶିକ୍ଷକ ଙ୍କୁ "ପ୍ରକୃତି ମିତ୍ର ` ସମ୍ନାନ ରେ ସମ୍ନାନୀତ |

05-Jun-2025

ଜନଜାତି ଗବେଷକ ତଥା ପ୍ରଧାନ ଶିକ୍ଷକ "ପ୍ରକୃତି ମିତ୍ର" ସମ୍ମାନରେ ସମ୍ମାନୀତ

ଓଡିଶା ଜନ ମତ ବ୍ୟୁରୋ,କବିସୂର୍ଯ୍ୟନଗର, ତା୦୫/୦୬/୨୫:

ଜଙ୍ଗଲ, ପରିବେଶ ଓ ଜଳବାୟୁ ପରିବର୍ତ୍ତନ ବିଭାଗ ଓଡ଼ିଶା ସରକାରଙ୍କ ଆନୁକୁଲ୍ଯରେ ଜୁନ୍ ୫ ତାରିଖ ଦିନ ଭୁବନେଶ୍ବର ସ୍ଥିତ ଓ.ୟୁ.ଏ.ଟି. କୃଷିସଦନ ଠାରେ ମାନ୍ୟବର ମୁଖ୍ୟମନ୍ତ୍ରୀ ଶ୍ରୀଯୁକ୍ତ ମୋହନ ଚରଣ ମାଝୀଙ୍କ ଅଧ୍ୟକ୍ଷତାରେ ବିଶ୍ବ ପରିବେଶ ଦିବସ ଅନୁଷ୍ଠିତ ହୋଇଯାଇଛି। ଉକ୍ତ ଉତ୍ସବରେ ଜଙ୍ଗଲ, ପରିବେଶ ଓ ଜଳବାୟୁ ପରିବର୍ତ୍ତନ ବିଭାଗ ମନ୍ତ୍ରୀ ଶ୍ରୀଯୁକ୍ତ ଗଣେଶ ରାମ ସିଂ ଖୁଣ୍ଟିଆ, ମୁଖ୍ୟ ଶାସନ ସଚିବ, ଅତିରିକ୍ତ ଶାସନ ସଚିବ, ମୁଖ୍ଯ ବନ ସଂରକ୍ଷକଙ୍କ ସମେତ ବହୁ ମାନ୍ଯଗଣ୍ଯ ବ୍ଯକ୍ତିଙ୍କ ଉପସ୍ଥିତରେ ଜଙ୍ଗଲ, ପରିବେଶ ଓ ପ୍ରକୃତିର ସୁରକ୍ଷା ଓ ସଂରକ୍ଷଣ କ୍ଷେତ୍ରରେ ଉଲ୍ଲେଖନୀୟ ଅବଦାନ ପାଇଁ ଓଡ଼ିଶାର ବହୁ ଅନୁଷ୍ଠାନକୁ ପ୍ରକୃତି ମିତ୍ର ପୁରସ୍କାରରେ ସମ୍ମାନିତ କରାଯାଇଛି। ଏହି ଅବସରରେ କବିସୂର୍ଯ୍ୟନଗର ବ୍ଳକ ଅନ୍ତର୍ଗତ ପିଠାପୁର ପ୍ରକଳ୍ପ ଉଚ୍ଚ ପ୍ରାଥମିକ ବିଦ୍ୟାଳୟର ପ୍ରଧାନଶିକ୍ଷକ ଡକ୍ଟର ସୁରେନ୍ଦ୍ର ନାଥ ସାହୁ "ପ୍ରକୃତି ମିତ୍ର" ପୁରସ୍କାର ଲାଭକରି ଅନୁଷ୍ଠାନ ପାଇଁ ସ୍ୱତନ୍ତ୍ର ଗୈାରବ ଅର୍ଜନ କରିଛନ୍ତି । ସେ ମାନପତ୍ର ସହିତ କୋଡ଼ିଏ ହଜାର ଟଙ୍କାର ଅର୍ଥ ରାଶି ମାନ୍ୟବର ମୁଖ୍ୟମନ୍ତ୍ରୀଙ୍କ କରକମଳରୁ ଗ୍ରହଣ କରିଛନ୍ତି। ଡକ୍ଟର ସାହୁ ଜଣେ ସୁଖ୍ୟାତି ସମ୍ପନ୍ନ ପ୍ରାବନ୍ଧିକ, ଜନଜାତି ଗବେଷକ ତଥା ସୁଲେଖକ ଭାବେ ସୁପରିଚିତ । ପ୍ରକୃତି ମିତ୍ର ପୁରସ୍କାରରେ ସମ୍ମାନୀତ ଡକ୍ଟର ସାହୁ ଏଥିପାଇଁ ଆରାଧ୍ଯ ଠାକୁର ଶ୍ରାରାଧାକୃଷ୍ଣଙ୍କ ପଦାରବିନ୍ଦରେ ଏହି ପୁରସ୍କାରକୁ ସମର୍ପଣ କରିବା ସହିତ ଗୋଷ୍ଠୀ ଶିକ୍ଷାଧିକାରୀ ଅଭିମନ୍ୟୁ ସାହୁ, ବ୍ଳକର ସମସ୍ତ ଶିକ୍ଷକଶିକ୍ଷୟିତ୍ରୀ, ବନ୍ଧୁବାନ୍ଧବ ଓ ପରିବାରବର୍ଗଙ୍କୁ କୃତଜ୍ଞତା ଜ୍ଞାପନ କରିଛନ୍ତି ।