Odisha Janamata : ବାଘ ଛାଲ ବିକୁଥିଲା ବେଳେ ମାଡ଼ିବସିଲା ଏସଟିଏଫ ଟିମ, ଦୁଇ ଯୁବକ ଗିରଫ, ଛାଲ ଜବତ |

ବାଘ ଛାଲ ବିକୁଥିଲା ବେଳେ ମାଡ଼ିବସିଲା ଏସଟିଏଫ ଟିମ, ଦୁଇ ଯୁବକ ଗିରଫ, ଛାଲ ଜବତ |

27-Oct-2025

ସୋନପୁର ରେ କଲରାପତରିଆ ବାଘ ଛାଲବିକୁଥିଲାବେଳେ ଏସଟିଏଫ ଦ୍ୱାରା ୨ ଗିରଫ, ଓ ଛାଲ ଜବତ,

ଓଡିଶା ଜନ ମତ ବ୍ୟୁରୋ,

ସୋନପୁର ଜିଲ୍ଲା ଜାତୀୟ ରାଜପଥ 126 କଡ଼ରେ ଦୁଇଜଣଯୁବକ ବସିଥିଲେ ଆଉଏପଟ ସେପଟକୁ ଚାହିଁ ଲୋକ ଦେଖି ବ୍ୟାଗରେଧରିଥିବା କଲରାପତରିଆ ବାଘ ଛାଲ ଧରି ବିକିବାକୁ ମୂଲଚାଲ କରୁଥିଲେ | ତେବେ ସେଦୁଇଙ୍କର ବେଳା ବୋଧେ ସେଦିନ ଖରାପ ଥିଲା | କୌଣସି ସୂତ୍ରରୁ ଖବର ପାଇ ପହଞ୍ଚି ଗଲେ ଏସଟିଏଫ ଟିମ ନାଟକିଅ ଷ୍ଟାଇଲ ରେ ସେମାନେ ଧରିଥିବା ବାଘ ଛାଲ ସହଯୁବକ ଦୁଇଜଣ ଙ୍କୁ ଗିରଫ କରି କୋର୍ଟ ଚାଲାଣ ହୋଇଥିବାର ଘଟଣା ଆଞ୍ଚଳରେ ଚର୍ଚ୍ଚାର ବିଷୟ ପାଲଟିଛି | ତେବେ ବାଘ, ଛାଲ ଧରି ବିକ୍ରିକରୁଥିବା ଦୁଇଅଭିଯୁକ୍ତ ହେଲେବୌଦ୍ଧ ଜିଲ୍ଲା ମନମୁଣ୍ଡା ଥାନା ତୁନିଖମାର ଗାଁର ପ୍ରକାଶ କହଁର (24)ବର୍ଷ ଓ ଚୁଡ଼ି ଖମାର ଗାଁର ହକୁର ଭୁକ୍ତା (37)ବର୍ଷ,ଉଭୟଙ୍କୁ ଗିରଫ କରି ସୋନପୁର ଏସ୍ଡ଼ିଜେ ଏମ କୋର୍ଟ କୁ ପଠାଇ ଦିଆ ଯାଇଛି | ଏବଂ ଏସଟିଏଫ ବିଭାଗ ଏକ ମାମଲା ରୁଜୁ କରି ତଦନ୍ତ କରୁଛି | ତେବେ ଦୁଇ ଅଭିଯୁକ୍ତ ଙ୍କୁ ରିମାଣ୍ଡ ରେ ନେଇ ପଚରା,ଓ଼ଚରା କଲେ ଆଗରୁ ଆଉ କେତେଗୋଟି ବାଘ ଛାଲ ବିକ୍ରି କରି ଛନ୍ତି ତାହା ଜଣା ପଡିବା ସହିତ ବାଘକୁ କିପରି ମାରି ତାର ଛାଲ କାଢି ବିକୁଥିଲେ ତାହା ଜଣା ପଡିବ | ଖାଲି ଏହିଦୁଈ ଜଣ ନାଁ ଏମାନଙ୍କ ସହିତ ଅନ୍ୟ କେଉଁମାନେ ଅଛନ୍ତି ତାହାକୁ ବନ ବିଭାଗ ଅଧିକ ତଦନ୍ତ କଲେ ଜଣା ପଡିଥାନ୍ତା ବୋଲି ଅଞ୍ଚଳରେ ଶୁଣିବାକୁ ମିଳୁଛି |