Odisha Janamata : ବାତ୍ୟା ହେଉଥିବାର ଦେଖି ଚିନ୍ତାରେ ଚାଷୀ,

ବାତ୍ୟା ହେଉଥିବାର ଦେଖି ଚିନ୍ତାରେ ଚାଷୀ,

27-Oct-2025

ମୋନ୍ଥା ବାତ୍ୟାକୁ ନେଇ ଚିନ୍ତାରେ ଚାଷୀକୂଳ,

ଓଡିଶା ଜନ ମତ ବ୍ୟୁରୋ,

କେତେ ଆଶା କେତେ ଭାରସା ନେଇ ଚାଷୀଟିଏ ଧାର କରଜ କରି ତାର ଚାଷ ବେଉସା ଆରମ୍ଭକରିଥାଏ ବର୍ଷକର ଅମଳପାଇଁ ବିଲରେ, ପଦର ରେସାରାଦିନଲାଗି ଥାଏ |ଏହା ସହିତ ଅମଳ ପରେ ସାହୁକାର, କିମ୍ବା ବେଙ୍କର କରଜଶୁଝିବା ପରେ ପରିବାର ନିମନ୍ତେପ୍ରତିପୋଷଣ କରିବାକୁ ଚିନ୍ତା କରିଥିଲା ବେଳେ ଭାଗ୍ୟ ସେମାନଙ୍କ ସାଥ ଦେଲାନାହିଁ | ଏହା ଏବର ନୁହଁ କଗାତାର ଦୀର୍ଘ ବର୍ଷ ହେବ ଏହି ଅକ୍ଟୋବର ମାସରେ ଧାନ ଫଳ ଧରିବା ସମୟରେ ହେଉ କିମ୍ବା ଧାନ ଅମଳ ସମୟରେ ଏହି ବାତ୍ୟା ଆସି ଚାଷୀର ମେରୁଦଣ୍ଡ ଭାଙ୍ଗି ଦେଉଛି | ତେଣୁ ବାତ୍ୟା ନାଁ ଶୁଣି ଏବେ ଚାଷୀ ମନରେ ଛନକା ପଶିଯାଇଛି । ବିଲରେ ଧାନ ପାଚିଥିବା ବେଳେ ଦିନ କେଇଟା ପରେ ଅମଳ ହୋଇ ଘରକୁ ଆଣିବାକୁ ଚାଷୀ ସଜବାଜ ହେଉଛି। | କିନ୍ତୁ ପାଣିପାଗ ବିଭାଗ ପକ୍ଷରୁ ଦକ୍ଷିଣ ଓଡ଼ିଶାରେ ବାତ୍ୟା ‘ମନ୍ଥା’ର ପ୍ରଭାବ ଚାଲୁ ଥିବାରୁ ଅଞ୍ଚଳର ଚାଷୀ ମାନେ ଏବେ ହା ହତାଶ ରେ ଏବଂ ଛାନିଆ ହୋଇ ରହିଛନ୍ତି | ପାଣିପାଗ ର ପୂର୍ବାନୁମାନ ଅନୁସାରେ ମୋନ୍ଥା ବାତ୍ୟାର ରୂପନେବ ବୋଲି ସତର୍କ ସୂଚନା ଜାରୀ ପରେ ଫସଲ ଅମଳର ଆଶା ଏବେ ଚାଷୀ ମନରୁ ମଉଳି ଯାଇଛି । ଯଦିବି ଓଡିଶା ଉପରେ ଏହାର ପ୍ରଭାବ କମ୍ ରହିବ ତଥାପି ହାଲୁକା ପବନରେଗଛ ନଇଁ ପଡ଼ିବା ସମ୍ଭାବନା ରହିଛି। ଯାହାଦ୍ୱାରା ଧାନ କେଣ୍ଡାରେ ଫଳଗୁଡିକ ଝଡି ଯାଇ ଅଗାଡି ହୋଇ ଯିବ | ଏହାସହ ବହୁ ପନିପରିବା ବର୍ଷା ରେ ନଷ୍ଟ ହୋଇ ଯିବ | ପଡ଼ୋଶୀ ଆନ୍ଧ୍ରପ୍ରଦେଶର କାକିନାଡ଼ା ଉପକୂଳରେ ବାତ୍ୟା ଲ୍ୟାଣ୍ଡଫଲ୍ କରିବା ସୂଚନା ପାଇ ଗଞ୍ଜାମ ଜିଲ୍ଲା ର ଚାଷୀମାନେ ପୁଣି କ୍ଷତି ଆଶଙ୍କାରେ ଚିନ୍ତାଗ୍ରସ୍ତ ହୋଇ ପଡ଼ିଛନ୍ତି । ଗତ କିଛି ବର୍ଷ ହେଲା ଅକ୍ଟୋବର ମାସରେ ବାରମ୍ବାରବାତ୍ୟାର ସମ୍ମୁଖୀନ ହେଉଛନ୍ତି ଗଞ୍ଜାମ ଜିଲ୍ଲାର ଚାଷୀ। ଏଥିରେ ବହୁ ଧନ ଜୀବନ କ୍ଷତି ହେବା ସହ ଫସଲ କ୍ଷତି ସହିଥାନ୍ତି କୃଷକ। ହେଲେ ଚଳିତ ବର୍ଷ ସଅଳ ମୌସୁମୀ ଆସିଥିବାରୁ ଚାଷ କାମ ସୁରୁ ଖୁରୁରେ ସରିଥିଲା । ଏପରିକି ଦୁଇ ପଇସା ସଞ୍ଚୟ କରିବାକୁ ଭଲ ଫସଲ ଆଦାୟ ଲକ୍ଷ୍ୟରେ ଥିଲା ଗଷୀ | ଏହିବର୍ଷ ବିଶେଷକରି ଧାନ ଚାଷ ଭଲ ହୋଇଛି। ବିଲରେ ଏବେ ଧାନ ଫସଲ ହସୁଛି । ଏପଟେ ପନିପରିବା ଓ ଡାଲି ଜାତୀୟ ଫସଲ ଦେଖୁ ଚାଷୀ ଖୁସି ହେଉଥିଲାବେଲେ-ଅମଳ ପୂର୍ବରୁ ସମ୍ଭାବ୍ୟ ବାତ୍ୟା ଗଷୀଙ୍କ ସ୍ୱପ୍ନରେ ପାଣି ଭରିଦେବାର ଆଶଙ୍କା ସୃଷ୍ଟି କରିଛି । ପାଣିପାଗ ବିଭାଗର ପୂର୍ବାନୁମାନ ଅନୁସାରେ, ସମ୍ଭାବ୍ୟ ବାତ୍ୟା ପ୍ରଭାବରେ ଗଞ୍ଜାମ ଜିଲ୍ଲାରେ ପ୍ରବଳରୁ ଅତି ପ୍ରବଳ ବର୍ଷାହେବ |ଆସନ୍ତା ତିରିଶି ତାରିଖ ପରେ ବର୍ଷା ଛାଡିବ ବୋଲି ଜଣା ପଡିଛି | ସରକାରୀ ହିସାବ ଅନୁସାରେ, ଜିଲ୍ଲରେ ସବୁ ବ୍ଳକ ଓଏନଏସି ଅଞ୍ଚଳରେ ପ୍ରାୟ 80 ଭାଗ ଧାନଚାଷ ହୋଇ ଥିଲା ବେଳେ 20 ଭାଗ ଅଞ୍ଚଳରେ ପନିପରିବା ଚାଷ କରାଯଇଛି | ଏବେଧାନରୁ କେଣ୍ଡା ବାହାରିବା ଆରମ୍ଭ ହୋଇଗଲାଣି । କିଛି ସ୍ଥାନରେ ଧାନ ଫଳିଲାଣି ଆଉ କିଛିଦିନ ପରେ ପାଚିଲା ଧାନ ଅମଳ
ହେବାକୁ ଥିବା ବେଳେ ଠିକ ଏହି ସମୟରେ ପ୍ରବଳ ବର୍ଷା ପବନ ହେଲେ ଧାନ ଗଛ ଭାଙ୍ଗି ଯିବା ସହ ଗଛନଷ୍ଟ ହେବ । ଜମିରେ ପାଣି ଜମି ରହିଲେ ଧାନ ଗଛ ପଚିଯିବାର ମଧ୍ୟ ଆଶଙ୍କା ରହିଛି । ଏଣୁ ଭଲ ଧାନ ଅମଳ କରିବାକୁ ଅପେକ୍ଷା କରିଥିବା ଚାଷୀ କ୍ଷତିଗ୍ରସ୍ତ ହେବା ନିଶ୍ଚିତ । ସ୍ଥିତି ଏମିତି ଯେ, ଚାଷୀ କ`ଣ କରିବ ଜାଣି ପାରୁନି । ଏହି ବର୍ଷାରୁ ଫସଲକୁ ରକ୍ଷା କରିବାର କୌଣସି ବୁଦ୍ଧିବାଟ ଦିଶୁନି। ଚାଷୀ କେବଳ ମୁଣ୍ଡରେ ହାତ ଦେଇ ଆକାଶକୁ ଅନେଇ ବସିଛି । ଲକ୍ଷା, ଲକ୍ଷ ଟଙ୍କାର ଋଣବୋଝରୁ ଗରିବ ଚାଷୀ କେମିତି ମୁକୁଳିବ ତାହା ଏବେ ପ୍ରଶ୍ନବାଚୀ ସୃଷ୍ଟି କରିଛି।