Odisha Janamata : ଜୁଆ ଆଡ୍ଡା ଉପରେ ପୋଲିସ ର ଚଢ଼ାଉ,16 ହଜାର ଟଙ୍କା ଜବତ ସହ 6ଜଣଙ୍କୁ ଅଟକ |

ଜୁଆ ଆଡ୍ଡା ଉପରେ ପୋଲିସ ର ଚଢ଼ାଉ,16 ହଜାର ଟଙ୍କା ଜବତ ସହ 6ଜଣଙ୍କୁ ଅଟକ |

30-Oct-2025

ଦିଗପହଣ୍ଡି ଥାନା ଭଗବାନପୁରରେ ଜୁଆଆଡ୍ଡା ଉପରେ ପୋଲିସ ଚଢା ୬ ଅଟକ, ବହୁଟଙ୍କା ଜବତ |

କୌଣସି ସୂତ୍ରରୁ ଖବର ପାଇ ଜୁଆଖେଳ ଚାଲିଥିବାର ଜୁଆଆଡ୍ଡା ଉପରେ ଚଢ଼ାଉ କାରୀ ସେମାନଙ୍କ ଠାରୁ ଟଙ୍କା ଜବତ ସହ 6ଜଣଙ୍କୁ ଅଟକ ରଖିଛି ପୋଲିସ | ଘଟଣାରୁ ଜଣାପଡ଼ିଛି ଯେ ଦିଗପହଣ୍ଡି ଥାନା ଅଧୀନସ୍ଥ ଲାଞ୍ଜିଆ ପଞ୍ଚାୟତର ଭଗବାନ ପୁରଗ୍ରାମରେ ରାତି ସମୟରେଜୁଆଖେଳ ଚାଲି
ଥିବା ଖବର ପାଇ ଦିଗପହଣ୍ଡି ପୋଲିସ ଦ୍ଵାରା ହଠାତ୍ ଚଢ଼ାଉ କରାଯାଇ ଥିଲା। ଗୁପ୍ତ ସୂଚନା ଆଧାରରେ ଏହି ଚଢ଼ାଉ ହୋଇଥୁଲା ବୋଲି ପୋଲିସ ପକ୍ଷରୁ ଜଣାପଡ଼ିଛି। ଏହି ରେଡ୍ ସମୟରେ ଜୁଆ ଖେଳୁଥିବା ଅବସ୍ଥାରେ ଛଅ ଜଣ ବ୍ୟକ୍ତିଙ୍କୁ ପୋଲିସ କାବୁ କରି ଥାନାରେ ଅଟକ ରଖୁଛି । ଘଟଣା ସ୍ଥଳରୁ ପୋଲିସ ୧୬ ହଜାରରୁ ଉର୍ଦ୍ଧ୍ବ ଟଙ୍କା ଓ ଜୁଆ ଖେଳରେ ବ୍ୟବହୃତ ହେଉ ଥିବା ବିଭିନ୍ନ ସାମଗ୍ରୀ ଜବତ କରିଛି। ସ୍ଥାନୀୟ ଲୋକଙ୍କ ମତ ଅନୁସାରେ ବହୁ ଦିନ ଧରି ଭଗବାନପୁର ଗ୍ରାମ ଓ ତାହା ଆଖ ପାଖ ଅଞ୍ଚଳରେ ଲୁକ୍କାୟିତ ଭାବେ ଜୁଆ ଆଡ୍ଡା ଚାଲୁଥିଲା । ଏହି ବିଷୟରେ ଲୋକମାନେ ଅସନ୍ତୋଷ ପ୍ରକାଶ କରି ଥିଲେ ଓ ପୋଲିସ ର ସହଯୋଗ ଆଶା କରିଥିଲେ । ଭଗବାନପୁର ର କିଛି ବ୍ୟକ୍ତି ଙ୍କ ଗୁପ୍ତ ସୂଚନା ଆଧାରରେ ଏହି ଚଢ଼ାଉ କରାଯାଇଛି । ଅଟକ ହୋଇଥିବା ବ୍ୟକ୍ତି ମାନଙ୍କ ବିରୋଧରେ ଆଇନ୍ ଅନୁଯାୟୀ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ଥାନା ଅଧୂକାରୀ ପି.କେ ପାତ୍ର କହିଛନ୍ତି |ପୋଲିସ ର ଏହି ଚଢ଼ାଉ ଫଳରେ ସ୍ଥାନୀୟ ଲୋକମାନଙ୍କ ମଧ୍ୟରେ ସନ୍ତୋଷ ଦେଖାଦେଇଛି। ସେମାନେ ଆଶା କରୁଛନ୍ତି ଯେ, ଏପରି ଅବୈଧ ଜୁଆ ଆଡ୍ଡା ଉପରେ ଆଗାମୀ ଦିନରେ ମଧ୍ୟ କଟକଣା ଜାରି ରହିଲେ ଅଞ୍ଚଳରେ ଶାନ୍ତି ଓ ଶୃଙ୍ଖଳା ପରିସ୍ଥିତି ସୃଷ୍ଟି ହୋଇପାରିବ। ଓ ମନ ଇଚ୍ଛା ଜୁଆ ଖେଳାଳି ଙ୍କ ଭିତରେ କୋକୁଆ ଭୟ ସୃଷ୍ଟି ହେବ |