Odisha Janamata : ଦୁଇ ଦିନରେ ଦଶ ଟି ମନ୍ଦିର ରୁ ସିରିଜ ଚୋରି କଲେ ଲୁଟରା ମାନେ |

ଦୁଇ ଦିନରେ ଦଶ ଟି ମନ୍ଦିର ରୁ ସିରିଜ ଚୋରି କଲେ ଲୁଟରା ମାନେ |

05-Nov-2025

୧୦ଟି ମନ୍ଦିରରେ ଦୁଇ ଦିନ ରେ କଳା କନାବୁଲାଇ ଦେଲେ ଚୋର |

ଓଡିଶା ଜନମତ ବ୍ୟୁରୋ,

ଚୋରି ଆଜି କାଲି ସବୁଦିନିଆ ଘଟଣା ହୋଇ ଗଲାଣି | ମଫସଲ ଠାରୁ ମଧ୍ୟମ ସହର ଓ ବଡ଼ ସହର ରେ ଚୋରି ଘଟଣା ବଢ଼ିବାରେ ଲାଗୁଛି | ପ୍ରତେକ ଦିନ ଖବର କାଗଜ ଓଲଟାଇଲେ କିମ୍ବା ଟିଭି ନିଉସ ଦେଖିଲେ ସବୁସମୟ ରେ ଚୋରର ଖବର ଶୁଣିବାକୁ ମିଳେ | ହେଲେବର୍ତମାନ ଚୋର ମାନେ ଘର, ଦୋକାନ,ବେଙ୍କ ଛାଡ଼ି ମନ୍ଦିର ଲୁଟିବାର ଟାର୍ଗେଟ ନେଇଛନ୍ତି ସେମାନେ | କେଉଁ ଠାକୁର ଙ୍କୁ ଡରୁ ନାହାନ୍ତି କିମ୍ବା ଭୟ ମଧ୍ୟ କରୁ ନାହାନ୍ତି ସେମାନେ | ହେଲେ ଲଗାତାର ପୋଲିସକୁ ଖୋଲା ଚ୍ୟାଲେଞ୍ଜ ଦେଉଛନ୍ତି ଲୁଟେରା ଦୁଇ ଦିନରେ ୧୦ଟି ମନ୍ଦିର ଚୋରି ପରେ ସିମୁଳିଆ ଓ ଖଇରା ଥାନା ଅଞ୍ଚଳରେ ଥିବା ମନ୍ଦିରକୁ ଟାର୍ଗେଟ କରିଛନ୍ତି |ବାଲେଶ୍ଵର ଜିଲ୍ଲା ସିମୁଳିଆଓ ଖଇରା ଥାନା ଅନ୍ତର୍ଗତ ଆନନ୍ଦପୁର ପଞ୍ଚାୟତ ପାଟନା ଗାଁରେ ଥୁବା ୪ ଗୋଟି ମନ୍ଦିରରେ ହୋଇଛି ସିରିଜ ଚୋରି | ମଙ୍ଗଳା ମନ୍ଦିର, ରାଧାକୃଷ୍ଣ ମନ୍ଦିର, ମହିଶାସୁରିମନ୍ଦିର ଓ ସିଦ୍ଧ ବାସୁଳି ମନ୍ଦିରରେ ଠାକୁରଙ୍କର ଗତକାଲି ବିଳମ୍ବିତ ରାତିରେ ସୁନା ରୂପାଉ ଚିତା, ଲକେଟ, ମୁକୁଟ, ମା’ମଙ୍ଗଳାଙ୍କର ସୁନାର ମଙ୍ଗଳ ସୂତ୍ର, ରୁପାର ବେଲ ପତ୍ର, ରାଧା କୃଷ୍ଣ ମନ୍ଦିର ର ରୂପା ବଂଶୀ, ସୁନା ରୂପା ଅଳଙ୍କାର ଲୁଟିକରି ଫେରାର ହୋଇଯାଇଛନ୍ତି ଲୁଟେରା | ଅନ୍ୟପଟେ ଖଇରା ଥାନା ଅନ୍ତର୍ଗତ ଗଗନଧୂଳି ପଞ୍ଚାୟତ "ଗଣ୍ଡୁଆ ଗାଁରେ ବଳି ବାସୁଳି ମନ୍ଦିର,ଫେତପୁର ଗାଁରେ ଥିବା ଲକ୍ଷ୍ମୀ ନାରାୟଣ ମନ୍ଦିର ଓ ଜଗନ୍ନାଥ ମନ୍ଦିରରେ ବିଳମ୍ବିତ ରାତିରେ ସିରିଜ ଚୋରି ହୋଇଛି । ଠାକୁରଙ୍କର ଲକ୍ଷାଧିକ ଟଙ୍କାର ସୁନା ରୁପା ଅଳଙ୍କାର ସମେତ ଦାନବାକ୍ସ ଚୋରି ହୋଇଥିବା ନେଇ ଅଭିଯୋଗ ହୋଇଛି । ଦୁଇଟି ବ୍ଳକରେ ଲଗାତାର ଭାବେ ମନ୍ଦିର ଗୁଡିକରେ ସିରିଜ ଲୁଟ ହେଉଥିବାରୁ ଅଞ୍ଚଳବାସୀଙ୍କ ମଧ୍ୟରେ ଅସନ୍ତୋଷ ସୃଷ୍ଟି ହୋଇଛି । ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ସାଇଣ୍ଟିଫିକ ଟିମ ସାହାଯ୍ୟରେ ତଦନ୍ତ ଚଳାଇଛି | ତେବେ ପାଟି ଖୋଲୁନଥିବା ଠାକୁରଙ୍କଚୋରି ଗହଣା କେବେ ଉଦ୍ଧାର ହେବ ତାହା ହିଁ ସମୟ କହିବ |