Odisha Janamata : ଭାରତରେ ରୁଷ ରାଷ୍ଟ୍ରପତି ଙ୍କ ଦୁଇଦିନିଆ ଗ୍ରସ୍ତ | ମୋଦିଙ୍କ ସହ ବିଭିନ୍ନ ବିଷୟରେ ଆଲୋଚନା |

ଭାରତରେ ରୁଷ ରାଷ୍ଟ୍ରପତି ଙ୍କ ଦୁଇଦିନିଆ ଗ୍ରସ୍ତ | ମୋଦିଙ୍କ ସହ ବିଭିନ୍ନ ବିଷୟରେ ଆଲୋଚନା |

05-Dec-2025

ରୁଷ୍ର ରାଷ୍ଟ୍ରପତି ଭ୍ଲାଦିମିର ପୁଟିନ ପ୍ରଧାନମନ୍ତ୍ରୀ ଙ୍କବାସ ଭାବନରେ ଡିନର ପାର୍ଟି ରେ ଯୋଗ ଦେଲେ |

ଓଡିଶା ଜନ ମତ, ବ୍ୟୁରୋ,

ଗତ କାଲି ନୂଆଦିଲ୍ଲୀରେ ପହଂଚି ଥିଲେ ରୁଷ୍ ର ରାଷ୍ଟ୍ର ପତି ଭ୍ଲାଦିମିର ପୁଟିନ । ବହୁ ପ୍ରତୀକ୍ଷିତ ଭାରତ ଯାତ୍ରାରେ ନୂଆଦିଲ୍ଲୀ ର ପାଲମ ଏୟାରପୋର୍ଟରେ ଲ୍ୟାଣ୍ଡ କରିଛନ୍ତି । ତାଙ୍କୁ ସ୍ୱାଗତ କରିବା ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ନିଜେ ଏୟାରପୋର୍ଟରେ ପହଂଚିଛନ୍ତି । ପ୍ରଧାନମନ୍ନ୍ତ୍ରୀଙ୍କ ନିମନ୍ତ୍ରଣରେ ଦୁଇ ଦିବସୀୟ ଯାତ୍ରାରେ ଆସିଛନ୍ତି ପୁଟିନ । ସର୍ବ ପ୍ରଥମେ ପାଲମ ଏୟାରପୋର୍ଟ ରେ ଗାର୍ଡ ଅଫ୍ ଅନର ଦିଆଯାଇ ଥିଲା | ପରେପୁଟିନ ପିଏମ୍ ମୋଦିଙ୍କ ସହ ଡିନର କରିବେ । ତାଙ୍କର ଏହି ଯାତ୍ରା ୪ ବର୍ଷ ର ଅନ୍ତରାଳରେ ଥରେ ଅନୁଷ୍ଠିତ ହୋଇଛି । ଏହା ପୂର୍ବରୁ ସେ ୨୦୨୧ ରେ ଭାରତ ଗସ୍ତରେ ଆସିଥିଲେ । ବୈଦେଶିକ ମନ୍ତ୍ରଣାଳୟ କହିଛି ଯେ, ପୁଟିନଙ୍କ କାର୍ଯ୍ୟକ୍ରମରେ ଶୁକ୍ରବାରଆଜି ୨୩ତମ ଭାରତ ରୁଷ୍ ବାର୍ଷିକ ଶିଖର ସମ୍ମିଳନୀରେ ପ୍ରଧାନମନ୍ତ୍ରୀ ମୋଦିଙ୍କ ସହ ଆଲୋଚନା ସବୁଠୁ ପ୍ରମୁଖ ପ୍ରସଙ୍ଗ ।ତେବେ ପୁଟିନଙ୍କ ଭାରତ ଗସ୍ତ ପୂର୍ବରୁ ଦିଲ୍ଲୀର ହୋଟେଲ ଶିଳ୍ପଗୁଡିକରେ ହଠାତ୍ ହଇଚଇ ସୃଷ୍ଟି ହୋଇଥିଲା । ରାଜଧାନୀରେ ବିଳାସପୂର୍ଣ୍ଣ ହୋଟେଲ ବୁକିଂ ପାଇଁ ଭିଡ଼ ଯୋଗୁଁ ସମସ୍ତ ପଂଚ ତାରକା ହୋଟେଲ ଗୁଡ଼ିକର ରୁମ୍ ଦର ଦ୍ବିଗୁଣିତ ହୋଇଛି । କିଛି ଦିନ ପୂର୍ବରୁ ଯେଉଁ ରୁମ୍ ଗୁଡିକ ପ୍ରତିରାତି ପାଇଁ ୫୦ ହଜାରରୁ ୮୦ ହଜାର ଟଙ୍କାରେ ଉପଲବ୍ଧ ହେଉଥିଲା, କିନ୍ତୁ ଏବେ ଏହା ୧ ଲକ୍ଷରୁ ୧ ଲକ୍ଷ ୩୦ ହଜାର ଟଙ୍କାରେ ବୁକ୍ କରାଯାଉଛି । ଏହି ଦରକୁ ଦେଖୁଲେ ଦିଲ୍ଲୀରେ ଏବେ ହୋଟେଲ ରହଣି ବହୁତ ମହଙ୍ଗା ହୋଇଛି । ଏକ ଜାତୀୟ ଗଣମାଧ୍ୟମର ରିପୋର୍ଟ ଅନୁଯାୟୀ, ପୁଟିନ ଆଇଟିସି ମୌର୍ଯ୍ୟରେ ୪୭୦୦ ବର୍ଗଫୁଟ ବିଶିଷ୍ଟ ବିଳାସପୂର୍ଣ୍ଣ ଗ୍ରାଣ୍ଡ ପ୍ରେସିଡେନ୍ସିଆଲ୍ ସୁଟରେ ରହିବେ । ଏହି ସୁଟ୍ର ଏକ ସ୍ଵତନ୍ତ୍ର ଇତିହାସ ମଧ୍ୟ ଅଛି, କାରଣ ଏହା ସେହି କୋଠରୀ ଯେଉଁଠାରେ ଡୋନାଲ୍ଡ ଟ୍ରମ୍ପ, ଜୋ ବାଇଡେନ ଏବଂ ବିଲ୍ କ୍ଲିଟନଙ୍କ ଭଳି ଆମେରିକୀୟ ରାଷ୍ଟ୍ରମୁଖ୍ୟ ମାନେ ରହିଥିଲେ ।ଦୁଇଦିନିଆ ଗ୍ରସ୍ତ ସାରି ଏବଂ ବିଭିନ୍ନ ବିଷୟରେ ମୋଦିଙ୍କ ସହ ବହୁ ଗୁରୁତର କଥା ବାର୍ତ୍ତା କରି ଫେରିଯିବେ ବୋଲି ସୂଚନା ମିଳିଛି |