Odisha Janamata : ପାକିସ୍ତାନ ର ପୂର୍ବତନ କ୍ରିକେଟ ଅଧିନାୟକ ଙ୍କ ଉତ୍ତମ ଚିକିତ୍ସା ପାଈଁ ପାକ ସରକାର ଙ୍କୁ ଚିଠି ଲେଖିଲେ ବହୁ ଅଧିନାୟକ |

ପାକିସ୍ତାନ ର ପୂର୍ବତନ କ୍ରିକେଟ ଅଧିନାୟକ ଙ୍କ ଉତ୍ତମ ଚିକିତ୍ସା ପାଈଁ ପାକ ସରକାର ଙ୍କୁ ଚିଠି ଲେଖିଲେ ବହୁ ଅଧିନାୟକ |

24-Aug-2026

ପାକିସ୍ତାନ ସରକାରଙ୍କୁ ଇମ୍ରାନଙ୍କ ଚିକିତ୍ସା ଲାଗି କପିଳ,ଗାଭାସ୍କରଙ୍କ ସମେତ ୨୧ ପୂର୍ବତନ ଅଧିନାୟକଙ୍କ ଲେଖିଲେ ଚିଠି |

ଓଡିଶା ଜନ ମତ ବ୍ୟୁରୋ,

ଜଣେ ଅନ୍ୟଦେଶରକ୍ରିକେଟର ପୂର୍ବତନ ଅଧିନାୟକ ଙ୍କୁ ଉତ୍ତମ ସ୍ଵାସ୍ତ୍ୟ ସେବା ଯୋଗାଇ ଦେବାକୁ ସ୍ୱର ଉଠାଇ ପାକିସ୍ତନ ସରକାର ଙ୍କୁ ଚିଠିଲେଖିଛନ୍ତି ଭାରତ ଏବଂଅନ୍ୟାନ୍ୟ ଦେଶର ଅଧିନାୟକ ତଥା କ୍ରିକେଟର ମାନେ || ସେମାନଙ୍କ କହିବା କଥା କିଏ, ଶତ୍ରୁ, କିଏ ମିତ୍ର ଏଠାରେ ନାହିଁ ଏଠାରେ ଗୋଟିଏ ଶବ୍ଦ, ମାନବିକତା ପାଈଁ ସମସ୍ତେ ବଞ୍ଚିଛନ୍ତି | ଆସନ୍ତୁ ଜାଣିବା ସେ କିଏ ଏବଂ କଣ ହୋଇଛି ତାଙ୍କର | ଲାହୋର ଜେଲରେ ଥିବା ପାକିସ୍ତାନର ପୂର୍ବତନ ପ୍ରଧାନମନ୍ତ୍ରୀ ତଥା ୧୯୯୨ ବିଶ୍ୱକପ୍ ବିଜେତା ଅଧିନାୟକ ଇମ୍ରାନ ଖାଁଙ୍କୁ ଉପଯୁକ୍ତ ଚିକିତ୍ସା ଓ ମାନବୀୟ ସୁବିଧା ଯୋଗାଇଦେବାକୁ ପାକିସ୍ତାନ ସରକାରଙ୍କୁ ଅନୁରୋଧ କରିଛନ୍ତି ୨୧ ଜଣ ପୂର୍ବତନ ଅଧିନାୟକ।ସେମାନଙ୍କ ମଧ୍ୟରେ ଅଛନ୍ତି ଭାରତର ପୂର୍ବତନ ଅଧିନାୟକ ସୁନୀଲ ଗାଭାସ୍କର, କପିଲ ଦେବ ଓ ଦିଲୀପ ଭେଙ୍ଗସରକାର। ଅଷ୍ଟ୍ରେଲିଆର ପୂର୍ବତନ ଅଧିନାୟକ ଗ୍ରେଗ୍ ଚାପେଲଙ୍କ ଉଦ୍ୟମକ୍ରମେ ଏହି ଚିଠି ପାକିସ୍ତାନ ପ୍ରଧାନମନ୍ତ୍ରୀ ଶେହବାଜ ଶରିଫଙ୍କ ନିକଟକୁ ପ୍ରେରଣ କରାଯାଇଛି।
ଦ୍ୱିତୀୟ ଥର ପାଇଁ ଏପରି ଚିଠିଇମ୍ରାନଙ୍କ ମାନବିକ ଅଧିକାର ଓ ସ୍ୱାସ୍ଥ୍ୟସେବା ନେଇ ଏସବୁ ଅଧିନାୟକ ମାନଙ୍କ ପକ୍ଷରୁ ଦ୍ୱିତୀୟ ଥର ପାଇଁ ଏପରି ଚିଠି ଲେଖାଯାଇଛି। ସୋସିଆଲ ମିଡିଆରେ ପ୍ରକାଶିତ ଏହି ଚିଠିରେ ଅଧିନାୟକମାନେ ପାକିସ୍ତାନ ସରକାରଙ୍କୁ ପାକ୍‌ ସୁପ୍ରିମକୋର୍ଟଙ୍କ ନିର୍ଦ୍ଦେଶ ଅନୁସାରେ ଗଠିତ ମେଡିକାଲ ବୋର୍ଡକୁ ଇମ୍ରାନଙ୍କ ସ୍ୱାସ୍ଥ୍ୟର ସ୍ୱାଧୀନ ମୂଲ୍ୟାଙ୍କନ କରିବାକୁ ଦେବା ପାଇଁ କହିଛନ୍ତି। ଏହି ମେଡିକାଲ ବୋର୍ଡରେ ଇମ୍ରାନଙ୍କ ବ୍ୟକ୍ତିଗତ ଡାକ୍ତରମାନଙ୍କୁ ମଧ୍ୟ ସାମିଲ କରାଯିବାକୁ ସେମାନେ ଦାବି କରିଛନ୍ତି। ଇମ୍ରାନଙ୍କ ଡାହାଣ ଆଖିର ଦୃଷ୍ଟିଶକ୍ତି କମିଯାଇଥିବା ଖବରକୁ ନେଇ ଚିଠିରେ ଚିନ୍ତା ପ୍ରକାଶ କରାଯାଇଛି। ତେବେ ଜଣେ ଅଧିନାୟକ ତଥା ଖେଳାଳି ପ୍ରତି ଅଧିକାଂଶ ଦେଶ ର ଅଧିନାୟକ ଓ ସଭାପତି ଏବଂ ଖେଳାଳି ମାନଙ୍କ ମାନବିକତା ହିଁ ଏସବୁ କାର୍ଯ୍ୟ ସୂଚାଇ ଦେଉଛି ଯେ ସେମାନେ ସମସ୍ତେ ଗୋଟିଏ ଗୋଟିଏ ପୂର୍ବତନ ଖେଳାଳି ଥିଲେ | ଖେଳ ମଧ୍ୟରେ ବହୁ ହାର, ଜିତ ଛକା, ଚଉକା ବୋଲଡ ଆଉଟ ଜଣେ ଅନ୍ୟ ଜଣଙ୍କୁ କରିଛି!| ତଥାପି ସେମାନଙ୍କ ଭିତରେ ମାନବିକତା ଏବେବି ବଞ୍ଚିଛି |