Odisha Janamata : ଦୁତୀୟ ବିବାହ କରିବେ ମହିମା ଚୌଧୁରୀ |

ଦୁତୀୟ ବିବାହ କରିବେ ମହିମା ଚୌଧୁରୀ |

16-Dec-2025

ମହିମା ଚୌଧୁରୀ ଦ୍ବିତୀୟ ବିବାହ କରିବେ ବୋଲି ସୂଚନା ମିଳୁଛି,

ଓଡିଶା ଜନ ମତ ବ୍ୟୁରୋ,

ବେଳେ ବେଳେ ବହୁ ଅଭିନେତ୍ରୀ, ଓ ଅଭିନେତା ମାନେ ଜୀବନରେ ବହୁଥର ବିବାହ କରିବାର ନଜିର ରହିଛି | ସେହିପରି ଅଭିନେତ୍ରୀ ମହିମା ଚୌଧୁରୀ ତାଙ୍କ ବ୍ୟକ୍ତିଗତ ଜୀବନ ପାଇଁ ସବୁବେଳେ ଚର୍ଚ୍ଚାରେ ରହିଥାନ୍ତି। ସେ ୨୦୦୬ ମସିହାରେ ବବି ମୁଖାର୍ଜୀଙ୍କୁ ବିବାହ କରିଥିଲେ। ୨୦୦୭ ମସିହାରେ ତାଙ୍କର ଝିଏଟିଏ ମଧ୍ୟ ଜନ୍ମ ହୋଇଥିଲା। ଦୁହେଁ ଅତି ଶ୍ରଦ୍ଧାରେ ଝିଅର ନାମ ଆର୍ଯ୍ୟାନ ମୁଖାର୍ଜି ରଖିଥିଲେ। କିନ୍ତୁ ତାଙ୍କର ଏହି ବିବାହ ବେଶୀ ଦିନ ପର୍ଯ୍ୟନ୍ତ ତିଷ୍ଠି ପାରିଲା ନାହିଁ । ସେ ବବିଙ୍କଠାରୁ ୨୦୧୩ ମସିହାରେ ଛାଡପତ୍ର ନେଇ ଆଇନଗତ ଭାବରେ ଅଲଗା ହୋଇଗଲେ। ଏବେ ମହିମା ତାଙ୍କ ଦ୍ଵିତୀୟ ବିବାହ ଉପରେ ପ୍ରତିକ୍ରିୟା ଦେଇଛନ୍ତି । ପୁଣି ଥରେ ବିବାହ କରିବାକୁ ଚାହୁଁଛନ୍ତି ୫୨ ବର୍ଷିୟା ମହିମା । ଏକ ସାକ୍ଷାତକାରରେ ମହିମା ତାଙ୍କ ଦ୍ଵିତୀୟ ବିବାହ ବିଷୟରେ କହିଛନ୍ତି । ସେ କହିଥିଲେ, ମୋର ଛାଡ଼ପତ୍ର ମାମଲା ଏପର୍ଯ୍ୟନ୍ତ ବିଚାରାଧୀନ ଅଛି। କିନ୍ତୁ ଏବେ ମୁଁ ପୁନଃବିବାହ ବିଷୟରେ ଅଧିକ ଚିନ୍ତା କରୁଛି। ଯେବେଠାରୁ ମୋର ଫିଲ୍ମ ଦୁର୍ଲଭ ପ୍ରସାଦଙ୍କ ‘ଦୁସରୀ ଶାଦୀ’ରୁ ମୋର ଲୁକ୍ ଭାଇରାଲ ହୋଇଛି। ମୁଁ ବିବାହରେ ବିଶ୍ଵାସ କରେ । ମୁଁ ବିଶ୍ବାସ କରେ ଯେ ଦୁଇ ଜଣ ଲୋକ ଏକାଠି ଜୀବନକୁ ସୁଖମୟ କରିପାରିବେ। ମହିମା ଆହୁରି କହିଛନ୍ତି ଯେ ବିବାହ ବହୁତ ଗୁରୁତ୍ଵପୂର୍ଣ ହୋଇଥାଏ। ଏକା ପିଲାମାନଙ୍କୁ ପାଳନ କରିବା ସହଜ ନୁହେଁ ବୋଲି ମହିମା କହିଛନ୍ତି | ତେବେ ଦେଖିବା କଥା ମହିମା ଙ୍କ ଜୀବନରେ କେବେ ପୁଣି ଦୁତୀୟ ସାହାନାଇ ବାଜିବ ଏବଂ ତାଙ୍କର ଜୀବନ ସାଥୀ କିଏ ହେବ ତାକୁ ଦେଖିବା କୁ ବାକି ରହିଲା |