Odisha Janamata : ଗୋଟିଏ ରାତିରେ ଚାରୋଟି ମନ୍ଦିର ରୁ ଚୋରି କଲେ ଚୋର ||

ଗୋଟିଏ ରାତିରେ ଚାରୋଟି ମନ୍ଦିର ରୁ ଚୋରି କଲେ ଚୋର ||

22-Dec-2025

ଗୋଟିଏ ରାତିରେ ୪ ମନ୍ଦିରରୁ ସିରିଜ୍ ଚୋରିକଲେ ଦୁର୍ବୁତ୍ତ,

ଓଡିଶା ଜନ ମତ ବ୍ୟୁରୋ,

ଚୋର ମାନେ ଏବେ ଆଉ କାହାକୁ ଭୟ କରୁନାହାନ୍ତି |ଏପରିକି ଦେବ, ଦେବୀ ଙ୍କୁ ମଧ୍ୟ ଛାଡୁ ନାହାନ୍ତି | ବିନା ଡରରେ ସେମାନେ ମନ୍ଦିର କୁବିକଳା କନା ବୁଲେଇ ଦେଲେଣି | ପୁଣି ମନ୍ଦିର ଗୁଡିକ ଉପରେ ଦୁର୍ବୃତଙ୍କ ଟାର୍ଗେଟ୍ ଆରମ୍ଭହୋଇଯାଇଛି । ପୁଲିସକୁ ଲୁଚକାଳି ଖେଳିଲା ଭଳି ଦୁର୍ବୃତମାନେ ପୁଲିସ କଲୋନୀ ନିକଟରେ ଥିବା ମନ୍ଦିର ଗୁଡିକରେ ସିରିଜ୍ ଚୋରି କରିଛନ୍ତି । ଗୋଟିଏ ରାତିରେ ୪ଟି ମନ୍ଦିରରୁ ରୂପା ଅଳଙ୍କାର ଚୋରି ହୋଇଛି । ସ୍ଥାନୀୟ ନୂଆ ପୁଲିସ ଲାଇନ୍ ସ୍ଥିତ ସିରିଡି ସାଇବାବା ମନ୍ଦିରରୁ ରୂପା ମୁକୁଟ ଓ ରୂପାର ପାଦ ଚୋରି ହୋଇଥିବା ବେଳେ ସେଠାରେ ଥ‌ିବା ଗଣେଶ ମନ୍ଦିରରୁ ରୂପା ମୁକୁଟ ଚୋରି ହୋଇଛି । ପୂଜକ ଅଭିଷେକ ପଣ୍ଡା ଆଜି ସକାଳୁ ମନ୍ଦିର ଖୋଲି ଦେଖ‌ିବା ପରେ ଏଭଳି ଦୁଇ ମନ୍ଦିରରୁ ଚୋରି ହୋଇଥିବା ନେଇ ପୁଲିସକୁ ସୂଚନା ଦେଇଥିଲେ । ସେହିପରି ଆଉ କିଛି ଦୂରରେ ଥିବା ବିରେଶ୍ଵର ମନ୍ଦିରରୁ ରୁପା ନାଗା ମଧ୍ୟ ଚୋରି ହୋଇଥିଲା । ବିରେଶ୍ଵର ମନ୍ଦିର କୁ ଲାଗି ଥୁବା ଦୁର୍ଗା ମନ୍ଦିରରୁ ରୂପା ହାର ଚୋରି ହୋଇଛି । ସେହି ମନ୍ଦିରର ପୂଜକ ସୋମନାଥ ରାଉଳ ସକାଳୁ ସକାଳୁ ମନ୍ଦିର ଖୋଲି ଦେଖୁଲା ବେଳେ ମନ୍ଦିରରୁ ଚୋରି ହୋଇଥ‌ିବା ଜାଣି ସେ ସେ ମଧ୍ଯ ପୁଲିସକୁ ଘଟଣା ବିଷୟରେ ଜଣାଇଥିଲେ ।ପୁଲିସ ଘଟଣା ସ୍ଥଳେ ୪ ଟି ମନ୍ଦିରର ଚୋରି ସଂପର୍କରେ ଜାଣିବା ପରେ ସେଠାରେ ଥିବା ।ସିସିଫୁଟେଜ୍ ଯାଞ୍ଚ କରି ତଦନ୍ତ ଚଳାଇଛି । ସାଇଟିଫିକ ଚିମ ଏବଂ ଅନୁ ସନ୍ଧାନୀ କୁକୁର ମଧ୍ୟ ବୁଲି ବିଭିନ୍ନ ଯାଞ୍ଚ କରିଥିଲେ, ଗୋଟିଏ ଗତିରେ ୪ଟି ମନ୍ଦିରରୁ ଚୋରି ହୋଇଥିବା ନେଇ ପୁଲିସ ପାଇଁ ଏବେ ମୁଣ୍ଡବଥା କାରଣ ପାଲଟିଛି । କିଛିଦିନ ହେଲା ଛତ୍ରପୁର ଅଂଚଳରେ ଚୋରଙ୍କ ପାଦୁର୍ଭାବ ନଥୁବା ବେଳେ ପୁଣି ଦୁର୍ବୃତମାନେ ମନ୍ଦିର ଗୁଡିକୁ ଟାର୍ଗେଟ୍ କରିବା ଆରମ୍ଭ କରିଛନ୍ତି । ଏପରିକି ପୁଲିସ କଲୋନୀ ନିକଟରେ ଥ‌ିବା ମନ୍ଦିର ଗୁଡିକୁମଧ୍ୟ ଗେରି କରିବା ପାଇଁ ପଛାଇନଥିବା ବେଳେ ପୁଲିସକୁ ଦୁର୍ବୁତ୍ତ ମାନଙ୍କ ଟ୍ୟାଲେଞ୍ଜ୍ ଦେଲାଭଳି ଘଟଣା ଘଟାଇଛନ୍ତି । ଏହି ଟ୍ୟଲେଞ୍ଜକୁ ପଲିସ କିପରି ଗ୍ରହଣ କରୁଛି ଏବଂ ସିଜିଜ୍ ଚୋରି ଘଟଣାରେ ପୁଲିସର କାର୍ଯ୍ୟ ଉପରେ କେତେ ତତ୍ପରତା ରହିଛି ତହାକୁ ନେଇ ପଶ୍ନ ଉଠୁଛି । ଗୋଟିଏ ରାତିରେ ମନ୍ଦିର ଗୁଡିକରେ ସିରିଜ୍ ଚୋରି ଘଟଣା ଖବର ପାଇ ଛତ୍ରପୁର ବିଧାୟକ କୃଷ୍ଣଚନ୍ଦ୍ର ନାୟକ ମନ୍ଦିର ଗୁଡିକୁ ପରିଦର୍ଶନ କରି ପୂଜକ ମାନଙ୍କ ସହ ଆଲୋଚନା କରିବା ପରେ ତୁରନ୍ତ ଦୁର୍ବୃତମାନଙ୍କୁ ଧରିବା ପାଇଁ ପୁଲିସକୁ ବିଧାୟକ ଶ୍ରୀ ନାୟକ କହିଛନ୍ତି । ଯଦି ଚୋର ମାନଙ୍କୁ ଧରି ଉପଯୁକ୍ତ ଦଣ୍ଡ ଦିଆନଯାଏ ତେବେ ସେମାନଙ୍କ ଉତ୍ପାତ ପୁଣି ବଢିବା ସହିତ ଆହୁରି ଅନ୍ୟ ମନ୍ଦିର ଗୁଡିକ ରୁ ଚୋରି କରିବାକୁ ସାହସ କରିବେ |