କେ ଏନ ପୁର ପଞ୍ଚାୟତ ରେ ପ୍ରଥମ ଥର କରି ମଣ୍ଡିକୁ ଉଦଘାଟନ କଲେ ଖଲ୍ଲିକୋଟ ବିଧାୟକ |
01-Jan-2026
ଖାଜିପଲ୍ଲୀରେ ବିଧାୟକ ଙ୍କ ଦ୍ୱାରା ଧାନ ମଣ୍ଡି ର ଶୁଭ ଉଦଘାଟନ ଅନୁଷ୍ଠିତ |
ଓଡିଶା ଜନ ମତ ବ୍ୟୁରୋ,
ପୁରୁଷୋତ୍ତମପୁର ବ୍ଲକ୍ର କେ ଏନ ପୁର ପଞ୍ଚାୟତ ର ଖାଜିପଲ୍ଲୀଠାରେ ପ୍ରଥମ ଧାନ ମଣ୍ଡି ଖଲ୍ଲିକୋଟ ବିଧାୟକ ପୂର୍ଣ୍ଣ ଚନ୍ଦ୍ର ସେଠୀଙ୍କ ଦ୍ୱାରା ଉଦଘାଟିତ ହୋଇଛି | ଖାଜିପଲ୍ଲି ସେବା ସମବାୟ ସମିତିର ସୋସାଇଟି ସଭାପତି ରବୀନ୍ଦ୍ର ନାଥ ବେହେରାଙ୍କ ସଂଯୋଜନା ରେ ଏହା ଆରମ୍ଭ ହୋଇଥିଲା | ବ୍ଳକ ଯୋଗାଣ ବିଭାଗଅଧିକାରୀକେଦାର ନାଥ ପ୍ରଧାନ ଏହାକୁ ସହଯୋଗ କରିଥିଲେ | ଚଳିତ ବର୍ଷର ଖରିଫ ଧାନ କ୍ରୟ ପାଇଁ ବିଦ୍ଧିବଦ୍ଧ ଭାବେ ବ୍ଳକର ପ୍ରଥମ ଧାନ ମଣ୍ଡି ଭାବେ ଏହା ଉଦ୍ଘାଟିତ ହୋଇଛି। ଯାହା ଦ୍ୱାରା ଚାଷୀ ତାର ଅମଳ ଧାନ କୁ ଟୋକେନ ଦ୍ୱାରା ନେଇ ମଣ୍ଡିରେ ଦେଇପାରିବେ | ବ୍ଲକରେ ଧାନ ମଣ୍ଡି ଖୋଲା ଯାଉନାହିଁ ବୋଲି ଚାଷୀ ମାନଙ୍କ ଅଭିଯୋଗ ପରେ ଖାଜି ପଲି ରେ ମଣ୍ଡି ଖୋଲିଛି | ଏହି କାର୍ଯ୍ୟକ୍ରମ ରେ ମୁଖ୍ୟ ଅତିଥି ବିଧାୟକ ପୂର୍ଣ୍ଣ ଚନ୍ଦ୍ର ସେଠୀଙ୍କୁ କେ ଏନ ପୁର ଗ୍ରାମବାସୀ ଗିନି, ମୃଦଙ୍ଗ ବଜାଇ ପାଛୋଟି ନେଇ ଥିଲେ | ସମ୍ମାନିତ ଅତିଥି ଥିଲେ ବ୍ଳକ ଅଧକ୍ଷା ପିଙ୍କି ବେହେରା, ପୁରୁଷୋତ୍ତମପୁର ବିଡିଓ ଶରତ କୁମାର ପାତ୍ର, ତହସିଲଦାରବିନୋଦ କୁମାର ବେହେରା, ବ୍ଳକ୍ ଯୋଗାଣ ନିରୀକ୍ଷକ କେଦାରନାଥ ପ୍ରଧାନ, ପୂର୍ବତନ ଉପବାଚସ୍ପତି ରାମଚନ୍ଦ୍ର ପଣ୍ଡା, ବିଜେପି ରାଜ୍ୟ କାର୍ଯ୍ୟକାରିଣୀ ସଦସ୍ୟ ଅରୁଣ କୁମାର ପଣ୍ଡା, ଯୁବ ସମାଜସେବୀ ନିର୍ମଳ ଚନ୍ଦ୍ର ସାହୁ, ଅଧକ୍ଷା ପ୍ରତିନିଧି ଜଗତ ବନ୍ଧୁ ପଣ୍ଡା, ଖାଜିପଲ୍ଲୀ ସମବାୟ ସମିତି ସଭାପତି ରବିନ୍ଦ୍ରନାଥ ବେହେରା, ସମ୍ପାଦକ ପୂର୍ଣ୍ଣଚନ୍ଦ୍ର ପଣ୍ଡା ଙ୍କ ସହ ବହୁ ବ୍ୟକ୍ତି ବିଶେଷ ମଞ୍ଚାସିନ ରହି ଥିଲେ । ଏହା ସହିତ ମଞ୍ଚାସିନ ଅତିଥି ରାଜ୍ୟ ସରକାର ଙ୍କ ଚାଷୀଙ୍କ ପାଈଁ ବିଭିନ୍ନ ଉର୍ନ୍ନତି କର କାର୍ଯ୍ୟକ୍ରମ ଉପରେ ଆଲୋକପାତ କରିଥିଲେ | ଏହି ମଣ୍ଡି ଉଦଘାଟନ କାର୍ଯ୍ୟରେ ବହୁ ଚାଷୀଙ୍କ ସମେତ ସମବା ବାୟ ସମିତିର ନିର୍ଦ୍ଦେଶକ ପ୍ରମୁଖ ଉପସ୍ଥିତ ଥିଲେ।
Breaking
News