Odisha Janamata : ରାଜ୍ୟ ଯୋଜନା ବୋର୍ଡ ଗଠିତ, ଗଞ୍ଜାମ ଜିଲ୍ଲା ଅଧକ୍ଷ ହେଲେ ପୂର୍ଣ୍ଣ ଚନ୍ଦ୍ର ସେଠୀ |

ରାଜ୍ୟ ଯୋଜନା ବୋର୍ଡ ଗଠିତ, ଗଞ୍ଜାମ ଜିଲ୍ଲା ଅଧକ୍ଷ ହେଲେ ପୂର୍ଣ୍ଣ ଚନ୍ଦ୍ର ସେଠୀ |

01-Apr-2026

ଜିଲ୍ଲା ଯୋଜନା ବୋର୍ଡ ନୂତନ ଅଧ୍ଯକ୍ଷଭାବେ ବହୁ ନେତାଙ୍କୁ ନିଯୁକ୍ତି |
(ଗଞ୍ଜାମ ଜିଲ୍ଲରୁ ପୂର୍ଣ୍ଣ ଚନ୍ଦ୍ର ସେଠୀ ମନୋନୀତ |

ଓଡିଶା ଜନ ମତ ବ୍ୟୁରୋ,

ରାଜ୍ୟରେ ଯୋଜନା ବୋର୍ଡ ର ପୁର୍ନଗଠିତ ହୋଈ ଆଜି ରାଜ୍ୟ ସରକାର ୩୦ ଜିଲ୍ଲାର ଯୋଜନା ବୋର୍ଡ ନିମନ୍ତେ ଅଧ୍ଯକ୍ଷ ଘୋଷଣା କରିଛନ୍ତି । ତାଲିକାରେ ଚାରି ଜଣ ରାଜ୍ୟମନ୍ତ୍ରୀ- ସୁ ରେ ଶ ପୂଜାରୀ, ନିତ୍ୟାନନ୍ଦ ଗଣ୍ଡ, ପୃଥ୍ବୀରାଜ ହରିଚନ୍ଦନ ଓ କୃଷ୍ଣଚନ୍ଦ୍ର ପାତ୍ରଙ୍କୁ ସାମିଲ କରାଯାଇଛି । ଆଜି ପ୍ରକାଶିତ ବିଜ୍ଞପ୍ତି ଅନୁସାରେ, ଅନୁଗୁଳଜିଲ୍ଲା ନିମେନ୍ତ ଅଶୋକ ମହାନ୍ତି, ଲକ୍ଷ୍ମଣ ବାଗ (ବଲାଙ୍ଗୀର), ପଦ୍ମଲୋଚନ ପରିଚ୍ଛା (ବାଲେଶ୍ବର), ଅଶ୍ୱିନୀ କୁମାର ଷଡ଼ଙ୍ଗୀ (ବରଗଡ଼), ସୀତାଂଶୁ ଶେଖର ମହାପାତ୍ର (ଭଦ୍ରକ), କହ୍ନାଇ ଚରଣ ଡାଙ୍ଗ (ବୌଦ୍ଧ), ଛବି ମଲ୍ଲିକ (କଟକ), ରାଜ୍ୟ ରାଜସ୍ଵମନ୍ତ୍ରୀ ସୁରେଶ ପୂଜାରୀ(ଦେଓଗଡ଼, ସୀମାରାଣୀ ନାୟକ (ଢେଙ୍କାନାଳ), ରାଜ୍ୟ ଆଇନମନ୍ତ୍ରୀ ପୃଥ୍ବୀରାଜ ହରିଚନ୍ଦନ (ଗଜପତି), ପୂର୍ଣଚନ୍ଦ୍ର ସେଠୀ (ଗଞ୍ଜାମ), ଅମରେନ୍ଦ୍ର ଦାସ (ଜଗତସିଂହପୁର), ଟଙ୍କଧର ତ୍ରିପାଠୀ ( ଝାରସୁଗୁଡ଼ା), ଆକାଶ ଦାଶନାୟକ (ଯାଜପୁର), ସୁଧୀର ରଞ୍ଜନ ପାଟ୍ଟଯୋଶୀ (କଳାହାଣ୍ଡି), ଉମାଚରଣ ମଲ୍ଲିକ (କନ୍ଧମାଳ), ଡ ଦୁର୍ଗାପ୍ରସନ୍ନ ନାୟକ (କେନ୍ଦ୍ରପଡ଼ା), ଡ ଫକୀର ମୋହନ ନାୟକ (କେନ୍ଦୁଝର), ପ୍ରଶାନ୍ତ କୁମାର ଜଗଦେବ (ଖୋର୍ଦ୍ଧା), ରଘୁରାମ ମାଚ୍ଛ (କୋରାପୁଟ), ନରସିଂହ ମାଡକାମୀ ( ମାଲକାନଗିରି), ଭାସ୍କର ମଢ଼େଇ (ମୟୂରଭଞ୍ଜ), ଗୌରୀ ଶଙ୍କର ମାଝି (ନବରଙ୍ଗପୁର), ଦୁଷ୍ମନ୍ନ କୁମାର ସ୍ଵାଇଁ ( ନୟାଗଡ଼), ଜୟ ଢେଲକିଆ (ନୂଆପଡ଼ା), ଓମ୍ ପ୍ରକାଶ ମିଶ୍ର (ପୁରୀ), ରାଜ୍ୟ ଅନୁସୂଚିତ ଜାତି ଓ ଜନଜାତି କଲ୍ୟାଣମନ୍ତ୍ରୀ ନିତ୍ୟାନନ୍ଦ ଗଣ୍ଡ( ରାୟଗଡା ), ରାଜ୍ୟ ଖାଦ୍ୟଯୋଗାଣ ମନ୍ତ୍ରୀ କୃଷ୍ଣଚନ୍ଦ୍ର ପାତ୍ର ( ସମ୍ବଲପୁର), ରଘୁନାଥ ଜଗଦଲା (ସୁବର୍ଣ୍ଣପୁର), ଦୁର୍ଗାଚରଣ ତନ୍ତି (ସୁନ୍ଦରଗଡ଼) । ସୂଚନାଯୋଗ୍ୟ, ୨୦୨୪ ନିର୍ବାଚନ ପରେ ଜୁଲାଇରେ ରାଜ୍ୟ ଯୋଜନାବୋର୍ଡ ଭଙ୍ଗ ହୋଇଥିଲା । ଏହାପରେ ଏହାର ପୁନର୍ଗଠନ ନିମନ୍ତେ ଦାବି ହୋଇ ଆସୁଥିଲା । ପ୍ରାୟ ୨ ବର୍ଷ ପରେ ସମ୍ପ୍ରତି ତ୍ରିସ୍ତରୀୟ ପଂଚାୟତ ନିର୍ବାଚନକୁ ଦୃଷ୍ଟିରେ ରଖି ଯୋଜନାବୋର୍ଡର ପୁନର୍ଗଠନ କରାଯାଇଛି ବୋଲି ରାଜନୈତିକ ସମୀକ୍ଷକମାନେ ମତ ଦେଇଛନ୍ତି । ସେହିପରି ଗଞ୍ଜାମ ଜିଲ୍ଳାର ଅଧକ୍ଷ ପଦ ଖଲ୍ଲିକୋଟ ବିଧାୟକ ପୂର୍ଣ୍ଣ ଚନ୍ଦ୍ର ସେଠୀଙ୍କୁ ମିଳି ଥିବାରୁପୁରୁଷୋତ୍ତମପୁର ଓ ଖଲ୍ଲିକୋଟ ବ୍ଳକ ଓ ଦୁଇ ଏନଏସି ର ସମସ୍ତ ନେତା କର୍ମୀ ମାନେ ନବ ନିଯୁକ୍ତ ଅଧକ୍ଷ ଙ୍କୁ ଶୁଭେଚ୍ଛା ଓ ଅଭିନନ୍ଦନ ଜଣାଇ ଛନ୍ତି |