Odisha Janamata : ଖଲ୍ଲିକୋଟ ରେ ବିଜେପି ର 47 ତମ ସ୍ଥାପନ ଦିବସ ପାଳିତ |

ଖଲ୍ଲିକୋଟ ରେ ବିଜେପି ର 47 ତମ ସ୍ଥାପନ ଦିବସ ପାଳିତ |

06-Apr-2026

ଖଲ୍ଲିକୋଟ ରେ ବିଜେପିର ୪୭ ତମ ସ୍ଥାପନା ଦିବସ ପାଳିତ।

ଓଡିଶା ଜନ ମତ,ଖଲ୍ଲିକୋଟ ୬-୪-୨୦୨୬ ,

ବିକାଶ କୁମାର ସାହୁ :--

ଖଲ୍ଲିକୋଟ ବିଜେପି ପକ୍ଷରୁ ବିଜେପି ର ୪୭ ତମ ସ୍ଥାପନା ଦିବସ ସୋମବାରେପାଳିତ ହୋଇଯାଇଛି ।ସୋମବାର ସନ୍ଧ୍ୟାରେ ଖଲ୍ଲିକୋଟ ବିଧାୟକ ଙ୍କ ବାସଭବନରେ ଆୟୋଜିତ ଏହି କାର୍ଯ୍ୟକ୍ରମରେ ବିଧାୟକ ପୂର୍ଣ୍ଣ ଚନ୍ଦ୍ର ସେଠୀ, ଗଞ୍ଜାମ ଜିଲ୍ଲା ପ୍ରଭାରୀ ପ୍ରକାଶ ମଙ୍ଗରାଜ, ରାଜ୍ୟ ଏସି ମୋର୍ଚ୍ଚା ସମ୍ପାଦକ ମନୋରଞ୍ଜନ ବେହେରା, ଜିଲ୍ଲା ଉପ ସଭାପତି ସ୍ୱପ୍ନା କୁମାରୀ ପ୍ରଧାନ, ଯୁବ ବିଜେପି ନେତା କାଳୁରାମ ମହାରଣା, ବରିଷ୍ଠ ବିଜେପି ନେତା ତଥା ରାଜ୍ୟ କାର୍ଯ୍ୟକାରିଣୀ ସଦସ୍ୟ ଅରୁଣ କୁମାର ପଣ୍ଡା ପ୍ରମୁଖ ଯୋଗଦେଇଥିଲେ । ପ୍ରଥମେ ବିଧାୟକ ଶ୍ରୀ ସେଠୀ ବିଜେପି ପତାକା ଉତ୍ତୋଳନ କରିବା ସହ ଦୀପ ପ୍ରଜ୍ଜ୍ୱଳନ କରି କାର୍ଯ୍ୟକ୍ରମର ଶୁଭାରମ୍ଭ କରିଥିଲେ । ପରେ ବିଧାୟକ ପୂର୍ଣ୍ଣଚନ୍ଦ୍ର ସେଠୀ ଓ ଜିଲ୍ଲା ପ୍ରଭାରୀ ପ୍ରକାଶ ମଙ୍ଗରାଜ ଦଳୀୟ ଶୃଙ୍ଖଳା ସହ ରାଜ୍ଯ ଓ କେନ୍ଦ୍ର ସରକାରଙ୍କ ଜନହିତକର ଯୋଜନାମାନ ସଂପର୍କରେ ଆଲୋକପାତ କରିଥିଲେ । ଯେପରି ରାଜ୍ଯର ବିକାଶ ଘଟିବ ସେଥିନେଇ ସମସ୍ତ କର୍ମୀମାନେ ଜନସାଧାରଣଙ୍କ ନିକଟତର ହୋଇ କାର୍ଯ୍ଯ କରିବାକୁ ପରାମର୍ଶ ଦେଇଥିଲେ । କାର୍ଯ୍ୟକ୍ରମରେ ଯୁବ ନେତା ପ୍ରଦୀପ୍ତ କୁମାର ପଟ୍ଟନାୟକ, ତାଳପଡ଼ା ସରପଞ୍ଚ ମନୋଜ କୁମାର ସେଠୀ, ବରିଷ୍ଠ ବିଜେପି ନେତା ପଦ୍ମ ଚରଣ ସୁବୁଦ୍ଧି, ନିରଞ୍ଜନ ନାୟକ, ମୃତ୍ୟୁଞ୍ଜୟ ରାଉଳ, ମଣ୍ଡଳ ସଭାପତି ପଙ୍କଜ ମାଝୀ, ଅଟଳ ଯୁବ ବାହିନୀ ସଂଯୋଜକ ସୁଭଜିତ୍ କୁମାର ଙ୍କ ସହ ବହୁ ଦଳୀୟ କାର୍ଯ୍ୟକର୍ତ୍ତା ମାନେ ଉପସ୍ଥିତ ଥିଲେ ।