Odisha Janamata : ମୋହନ ଭାଗବତ ଙ୍କ ବାର୍ତ୍ତା , ଛାତ୍ର ଙ୍କୁ ଆଦେଶ ନୁହଁ ଆଲୋଚନା କର |

ମୋହନ ଭାଗବତ ଙ୍କ ବାର୍ତ୍ତା , ଛାତ୍ର ଙ୍କୁ ଆଦେଶ ନୁହଁ ଆଲୋଚନା କର |

25-Jul-2026

ଆର ଏସ ଏସ ର ମୁଖ୍ୟ ମୋହନ ଭାଗବତ ଙ୍କ ବାର୍ତ୍ତା ଛାତ୍ରଙ୍କୁ ଆଦେଶ ନୁହେଁ, ଆଲୋଚନା ଦରକାର |

ଓଡିଶା ଜନ ମତ ବ୍ୟୁରୋ,

ଦିଲ୍ଲୀ ସମେତ ଦେଶର ବିଭିନ୍ନ ସ୍ଥାନରେ ନିଟ ପେପର ଲିକ ନେଇ ଛାତ୍ରଙ୍କ ପ୍ରତିବାଦ ଜାରି ରହିଥିବା ବେଳେ, ଆଜି ଆରଏସଏସ ପ୍ରମୁଖ ମୋହନ ଭାଗବତ ଯୁବପିଢ଼ିଙ୍କୁ ନେଇ ବଡ଼ ବାର୍ତ୍ତା ଦେଇଛନ୍ତି ।
ସେ କହିଛନ୍ତି, ଆଜିର ଯୁବପିଢ଼ିଙ୍କୁ ଆଦେଶ ନୁହେଁ, ବରଂ ଆଲୋଚନା ଓ ବୁଝାଇବାର ଆବଶ୍ୟକତା ରହିଛି । `ବିଶ୍ୱ ମଙ୍ଗଲ୍ୟ ସଭା` କାର୍ଯ୍ୟକ୍ରମରେ ଯୋଗଦେଇ ଆରଏସଏସ ପ୍ରମୁଖ ମୋହନ ଭାଗବତ କହିଛନ୍ତି, ଆଜିର ଯୁବପିଢ଼ି ପୂର୍ବ ପିଢ଼ି ଭଳି କେବଳ ଆଦେଶ ମାନୁନାହାନ୍ତି । ସେମାନେ ପ୍ରଶ୍ନ କରୁଛନ୍ତି ଏବଂ ପ୍ରତ୍ୟେକ କଥାର କାରଣ ଜାଣିବାକୁ ଚାହୁଁଛନ୍ତି । ମୋହନ ଭାଗବତ କହିଛନ୍ତି, ଯୁବପିଢ଼ିଙ୍କ ସହ ସମୟ ବିତାଇବା, ସ୍ନେହ ଦେବା ଏବଂ ସେମାନଙ୍କ ସହ ଖୋଲାଖୋଲି କଥା ହେବା ଦରକାର । ସେ କହିଛନ୍ତି, "ଆଦେଶ ନୁହେଁ, ଆଲୋଚନା ଦରକାର । ନିର୍ଦ୍ଦେଶ ନୁହେଁ, ସହମତି ଗଢ଼ିବା ଦରକାର।" ଯଦିଓ ସେ ଜନ୍ତର ମନ୍ତରରେ ଚାଲିଥିବା ଛାତ୍ର ପ୍ରତିବାଦର ସିଧାସଳଖ ଉଲ୍ଲେଖ କରିନଥିଲେ, ତାଙ୍କ ମନ୍ତବ୍ୟକୁ ବର୍ତ୍ତମାନ ପରିସ୍ଥିତି ସହ ଯୋଡ଼ି ଦେଖାଯାଉଛି ।ଅନ୍ୟପଟେ, ନିଟ୍-ୟୁଜି ପେପର ଲିକ୍ ଘଟଣାକୁ ନେଇକେନ୍ଦ୍ରଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଆଜି କେନ୍ଦ୍ର ଶିକ୍ଷା ବିଭାଗ ରୁ ଇସ୍ତଫା ଦେଇଛନ୍ତି । ଏହାରି ମଧ୍ୟରେ ବରିଷ୍ଠ ଆରଏସଏସ ନେତା ଇନ୍ଦ୍ରେଶ କୁମାର ଅଭିଯୋଗ କରିଛନ୍ତି ଯେ, ଏହି ପ୍ରତିବାଦ ପଛରେ ଦେଶ ଓ ବିଦେଶର କିଛି ଶକ୍ତି କାମ କରୁଛନ୍ତି |