Odisha Janamata : କୋଦଳା ଏନଏସି ରେ ପାନୀୟ ଜଳ ସମସ୍ୟା, ଚିନ୍ତାରେ ୱାର୍ଡ ବାସୀ |

କୋଦଳା ଏନଏସି ରେ ପାନୀୟ ଜଳ ସମସ୍ୟା, ଚିନ୍ତାରେ ୱାର୍ଡ ବାସୀ |

27-Jul-2026

କୋଦଳା ଏନଏସିରେ ପାନୀୟ ଜଳ ସମସ୍ୟା l
ଚିନ୍ତାରେ ଅଞ୍ଚଳବାସୀ l
(ମଇଳା ସାଙ୍ଗକୁ ପଚା ବାସ୍ନା l

ଓଡିଶା ଜନମତ, କୋଦଳା 27/07/26,

ନରେନ୍ଦ୍ର ନାଥ ଗୌଡ଼ :--

ସାଧାରଣ ଜନତାଙ୍କ ଉତ୍ତମ ସ୍ୱାସ୍ଥ୍ୟ ପାଇଁ ସରକାର ସ୍ୱାସ୍ଥ୍ୟ ସମ୍ବନ୍ଧିତ ଅନେକ ଯୋଜନା ପ୍ରଣୟନ କରିବା ସହ ସ୍ୱଛତା ଉପରେ ଗୁରୁତ୍ୱ ଦେଈ ଆସୁଛନ୍ତି l କିନ୍ତୁ ବେଳେବେଳେ କିଛି ସରକାରୀ କର୍ମଚାରୀଙ୍କ ଅବହେଳା ହେଉ କିମ୍ବା ସ୍ଥାନୀୟ ରାଜନେତାଙ୍କ ଇଚ୍ଛା ଶକ୍ତିର ଅଭାବ ହେଉ, ଏଥିରେ ବଳି ପଡ଼ୁଛନ୍ତି ସାଧାରଣ ଜନତା l ଏଭଳି କିଛି ଅବ୍ୟବସ୍ଥା ଘଟିଛି ଗଞ୍ଜାମ ଜିଲ୍ଲା କୋଦଳା ଏନଏସିରେ l ଗତ କିଛି ଦିନ ଧରି କୋଦଳା ବାସୀ ସ୍ୱଚ୍ଛ ଓ ବିଶୁଦ୍ଧ ପାନୀୟ ଜଳ ପାଇବାରୁ ବଞ୍ଚିତ ହେଉଛନ୍ତି l ପାଇପ ଯୋଗେ ଆସୁଥିବା ପାଣି ସମ୍ପୂର୍ଣ ମଇଳା ଏବଂ ପଚାସଡ଼ା ଗନ୍ଧ ହେଉଥିବା ଜନ ସ୍ୱାସ୍ଥ୍ୟ ବିଭାଗରେ ଅଞ୍ଚଳବାସୀ ଅଭିଯୋଗ କରିଛନ୍ତି l ବର୍ତମାନ ବର୍ଷା ଋତୁ ଜାରିରହିଥିବା ବେଳେ ଡେଙ୍ଗୁ ଓ ମ୍ୟାଲେରିଆ ଭଳି ମାରାତ୍ମକ ରୋଗ ବ୍ୟାପିବାର ଅନେକ ସମ୍ଭାବନା ରହିଛି l ଏଥିରେ ଚିନ୍ତିତ ହୋଇ ଖୋଦ ଏନଏସି ଉପାଧକ୍ଷା ଶ୍ରୀମତୀ ରଞ୍ଜିତା ସେଠି ଗଞ୍ଜାମ ଜିଲ୍ଲାପାଳଙ୍କ ନିକଟରେ ଅଭିଯୋଗ ଦାଖଲ କରିଛନ୍ତି l ଏନେଇ ଜନ ସ୍ୱାସ୍ଥ୍ୟ ବିଭାଗ ନିର୍ବାହୀ ଯନ୍ତ୍ରୀ ହିମାଂଶୁ ପାତ୍ର ଏବଂ କନିଷ୍ଠ ଯନ୍ତ୍ରୀ ଫାଲଗୁନି ବେହେରା ଦୃଷ୍ଟି ଆକର୍ଷଣ କରିବାରୁ "ଏହା ଆମ ନଜରକୁ ଆସିଛି ଏବଂ ଏହା ଉପରେ କାମ ଚାଲିଛି, ଆସନ୍ତା କାଲିଠାରୁ ଏହାର ସମାଧାନ ହୋଇଯିବ"ବୋଲି ପ୍ରକାଶ କରିଛନ୍ତି l