Odisha Janamata : ସିଜେପି ଯଦି ବିଜେପି ରେ ଯୋଗ ନଦିଅନ୍ତି ତେବେ ତାଙ୍କ ପରିବାର କୁ ପରିଣାମ ଭୋଗିବାକୁ ପଡିବ |

ସିଜେପି ଯଦି ବିଜେପି ରେ ଯୋଗ ନଦିଅନ୍ତି ତେବେ ତାଙ୍କ ପରିବାର କୁ ପରିଣାମ ଭୋଗିବାକୁ ପଡିବ |

30-Jul-2026

`ବିଜେପିରେ ଯୋଗ ଦିଅ, ନହେଲେ ପରିବାରକୁ ପରିଣାମ ଭୋଗିବାକୁ ପଡ଼ିବ`।

ଓଡିଶା ଜନ ମତ ବ୍ୟୁରୋ

ନିଟ ପେପର ଲିକ ମାମଲାରେ ଛାତ୍ର, ଛାତ୍ରୀ ଙ୍କୁ ଦାବି କୁ ବିଜେପି ସରକାର କର୍ଣ୍ଣ ପାତ ନକରିବାରୁ ସିଜେପି ର ପ୍ରତିଷ୍ଠାତା ଅଭିଜିତ ଦୀପକେ ଛାତ୍ର ଛାତ୍ରୀଙ୍କ ଦାବିକୁ ସହଯୋଗ କରି ପ୍ରତିବାଦ ରେ ବାସୀ ଥିଲେ |ଏବଂ ଏହି ପେପର ଲିକ ରେ କେନ୍ଦ୍ରଶିକ୍ଷା ମନ୍ତ୍ରୀ ଙ୍କ ଇସ୍ତଫା ଦାବି କରିଥିଲେ | ସବୁ ପାର୍ଟି ର ସହଯୋଗ ପରେ ଶିକ୍ଷମନ୍ତ୍ରୀ ବାଧ୍ୟ ହୋଈ ଇସ୍ତଫା ଦେଲେ | ଏହାପରେ ବିଜେପି ସିଜେପି କୁ କହୁଛି ତୁମେ ବିଜେପିରେ ଯୋଗ ଦିଅ, ନହେଲେ ପରିବାରକୁ ପରିଣାମଭୋଗିବାକୁ ପଡ଼ିବ`। କକ୍ରୋଚ୍ ଜନତା ପାର୍ଟି ବା ସିଜେପିର ପ୍ରତିଷ୍ଠାତା ଅଭିଜିତ ଦିପକେଙ୍କୁ ଏଭଳି ଧମକ ମିଳିଥିବା ଅଭିଯୋଗ କରିଛନ୍ତି ତାଙ୍କ ମା`। ଏହି ଦାବି ସାମ୍ନାକୁ ଆସିବା ପରେ ରାଜନୈତିକ ମହଳରେ ଚର୍ଚ୍ଚା ଜୋର ଧରିଛି । ଅଭିଜିତ ଦିପକେଙ୍କ ମା`ଙ୍କ କହିବା ଅନୁସାରେ, ତାଙ୍କ ପୁଅଙ୍କୁ ଏକ ଭିଡିଓ ବାର୍ତ୍ତା ଜରିଆରେ ବିଜେପିରେ ଯୋଗ ଦେବାକୁ କୁହାଯାଇଥିଲା । ଏହା ନକଲେ ପରିବାରକୁ କ୍ଷତି ପହଞ୍ଚାଯିବ ବୋଲି ଧମକ ଦିଆଯାଇଥିବା ସେ ଅଭିଯୋଗ କରିଛନ୍ତି । ଏହି ଘଟଣା ପରେ ସୁରକ୍ଷା ଆଶଙ୍କାରେ ପରିବାର ପ୍ରାୟ ଦୁଇ ସପ୍ତାହ ଧରି ସମ୍ପର୍କୀୟଙ୍କ ଘରେ ରହିଥିବା ମଧ୍ୟ ସେ କହିଛନ୍ତି । ଅଭିଜିତ ଦିପକେ ସମ୍ପ୍ରତି ଦିଲ୍ଲୀରେ ପରୀକ୍ଷା ବ୍ୟବସ୍ଥାରେ ଅନିୟମିତତା ଏବଂ ନିଟ୍ ପେପର ଲିକ୍ ପ୍ରସଙ୍ଗକୁ ନେଇ ହୋଇଥିବା ଆନ୍ଦୋଳନର ମୁଖ୍ୟ ଚେହେରା ଭାବେ ଉଭା ହୋଇଥିଲେ ।ଦୀର୍ଘଦିନର ଆନ୍ଦୋଳନ ପରେ ସେ ନିଜ ଘରକୁ ଫେରିଥିବା ବେଳେ ତାଙ୍କ ପରିବାର ଏହି ଧମକ ସମ୍ପର୍କରେ ସାର୍ବଜନୀନ ଭାବେ ମତ ରଖିଛନ୍ତି । ଅନ୍ୟପଟେ, ଦିପକେ କହିଛନ୍ତି ଯେ ଆନ୍ଦୋଳନକାରୀ ଛାତ୍ରଛାତ୍ରୀଙ୍କ ବିରୋଧରେ ରୁଜୁ ହୋଇଥିବା ମାମଲା ପ୍ରତ୍ୟାହାର ନହେଲେ ତାଙ୍କ ସଂଗଠନ ପୁଣିଥରେ ଦେଶବ୍ୟାପୀ ଶାନ୍ତିପୂର୍ଣ୍ଣ ଆନ୍ଦୋଳନ ଆରମ୍ଭ କରିବ। ସରକାର ଛାତ୍ରମାନଙ୍କୁ ହଇରାଣ କରିବା ବନ୍ଦ କରିବା ଉଚିତ ବୋଲି ସେ ଦାବି କରିଛନ୍ତି । ତେବେ ବିଜେପି ପକ୍ଷରୁ ଏହି ଅଭିଯୋଗ ଉପରେ ତତ୍କାଳ କୌଣସି ସରକାରୀ ପ୍ରତିକ୍ରିୟା ସାମ୍ନାକୁ ଆସିନାହିଁ। ଘଟଣାକୁ ନେଇ ରାଜନୈତିକ ମହଳରେ ଚର୍ଚ୍ଚା ଜାରି ରହିଛି ଏବଂ ଆଗକୁ ଏହା କେଉଁ ମୋଡ଼ ନେବ, ତାହା ଉପରେ ସମସ୍ତଙ୍କ ନଜର ରହିଛି ।