Odisha Janamata : ଗର୍ଭାୟାଣୀ ମନ୍ଦିର କୁ ନେଇ ଛୁଆଁ, ଅଛୁଆଁ ବିବାଦ ର ପ୍ରଶାସନ ହସ୍ତକ୍ଷେପ ପରେ ହେଲା ସମାଧାନ

ଗର୍ଭାୟାଣୀ ମନ୍ଦିର କୁ ନେଇ ଛୁଆଁ, ଅଛୁଆଁ ବିବାଦ ର ପ୍ରଶାସନ ହସ୍ତକ୍ଷେପ ପରେ ହେଲା ସମାଧାନ

13-Sep-2026

ପ୍ରଶାସନ ଓ ପୋଲିସ ର ହସ୍ତକ୍ଷେପ ପରେ ଗର୍ଭାୟଣୀମନ୍ଦିର ର ବିବାଦ ତୁଟିଲା ||
ଓଡିଶା ଜନ ମତ, ଜଗତସିଂହପୁର, ଜ୍ୟୋତି ରଞ୍ଜନ ପଟ୍ଟନାୟକ :---

ଜଗତସିଂହପୁର ଜିଲ୍ଲା ତିର୍ତ୍ତୋଲ ବ୍ଲକ କନିମୂଳ ପଞ୍ଚାୟତ ଅନ୍ତର୍ଗତ ଗଇଠୀ ଠୀପୁର ଗ୍ରାମର ଗ୍ରାମଦେବତୀ ମା’ ଗର୍ଭାୟଣୀଙ୍କ ମନ୍ଦିରକୁ ନେଇ ଦେଖାଦେଇଥୁଲା ବିବାଦ। ପୂଜାପାଠ ଓ ଛୁଆଁ-ଅଛୁଆଁକୁ ନେଇ ଦୁଇ ପକ୍ଷ ମଧ୍ୟରେ ମତଭେଦ ଦେଖାଦେବା ପରେ ଗ୍ରାମରେ ଉତ୍ତେଜନାର ଆଶଙ୍କା ସୃଷ୍ଟି ହୋଇଥିଲା। ଖବର ପାଇ ଘଟଣା ସ୍ଥଳରେ ପହଞ୍ଚିଥିଲା ପ୍ରଶାସନ
ଗଇଠୀପୁର ଗ୍ରାମର ଆରାଧ୍ୟ ଦେବୀ ମା’ ଗର୍ଭାୟଣୀ । ମା`ଙ୍କ ମନ୍ଦିରରେ ପୂଜାପାଠକୁ ନେଇ ଦୁଇ ପକ୍ଷ ମଧ୍ୟରେ ମତଭେଦ ଦେଖାଦେବା ପରେ ପରିସ୍ଥିତି ଧୀରେ ଧୀରେ ଉତ୍ତେଜନା ପୂର୍ଣ୍ଣ ହେବାର ଆଶଙ୍କା ଦେଖାଦେଇ ଥିଲା । ଘଟଣାର ଖବର ପାଇ ତିର୍ତ୍ତୋଲ ତହସିଲଦାର, ତିର୍ତ୍ତୋଲ ଏସ୍‌ଡିପିଓ, କୃଷ୍ଣାନନ୍ଦପୁର ଥାନା ଆଇ.ଆଇ.ସି.ଙ୍କ ସମେତ ସ୍ଥାନୀୟ ସରପଞ୍ଚ ଓ ସମିତିସଭ୍ୟ ଘଟଣାସୁଳ ରେ ପହଞ୍ଚିଥିଲେ । ମନ୍ଦିର ପରିସରରେ ଉଭୟ ପକ୍ଷଙ୍କ ସହ ଦୀର୍ଘ ସମୟ ଧରି ଆଲୋଚନା କରାଯାଇଥିଲା । ପ୍ରତ୍ୟେକ ପକ୍ଷର ମତାମତ ଶୁଣିବା ସହ ଗ୍ରାମରେ ଶାନ୍ତି, ଶୃଙ୍ଖଳା ଓ ସୌହାର୍ଘ୍ୟ କିପରି ବଜାୟ ରହିବ, ସେନେଇ ଗୁରୁତ୍ବ ଦିଆଯାଇଥିଲା । ଏସ୍‌ଡିପିଓଙ୍କ ହସ୍ତକ୍ଷେପ ପରେ ବିବାଦର ସମାଧାନ ପାଇଁ ପଦକ୍ଷେପ ନିଆଯାଇଥିଲା । ପ୍ରଶାସନ ପକ୍ଷରୁ ଉଭୟ ପକ୍ଷଙ୍କୁ ଶାନ୍ତିଶୃଙ୍ଖଳା 6ବଜାୟ ରଖୁବା ସହ ଆଇନକୁ ହାତକୁ ନନେବା ପାଇଁ ପରାମର୍ଶ ଦିଆଯାଇଥୁଲା ।ଗ୍ରାମର ଧାର୍ମିକ ପରମ୍ପରା ଓ ମା’ ଗର୍ଭାୟଣୀଙ୍କ ପୂଜା ଯେପରି ଶାନ୍ତି ଓ ଭାଇଚାରାର ପରିବେଶରେ ହୋଇ ପାରିବ, ସେଥିପାଇଁ ଉଭୟ ପକ୍ଷଙ୍କ ମଧ୍ୟରେ ସମନ୍ଵୟ ରକ୍ଷା ଉପରେ ପ୍ରଶାସନ ଗୁରତ୍ୱ ଦେଇଥିଲା ।
ବିବାଦ ମଧ୍ୟରେ ପ୍ରଶାସନର ତ୍ବରିତ ହସ୍ତକ୍ଷେପ ଓ ତିର୍ତ୍ତୋଲ ଏସ୍‌ଡିପିଓଙ୍କ ଆଲୋଚନା ପରେ ପରିସ୍ଥିତି ଶାନ୍ତି ହୋଇଥିବା ଜଣାପଡ଼ିଛି। ଏବେ ମା’ ଗର୍ଭାୟଣୀଙ୍କ ପୂଜା ଶାନ୍ତି ଓ ସୌହାର୍ଘ୍ୟର ସହ ହେବ ବୋଲି ଆଶା କରାଯାଉଛି ।