Odisha Janamata : ଗାଡି ବେଟେରି ଚୋରି ଅଭିଯୋଗ ରେ 6ଟି ବେଟେରି ଜବତ ସହିତ 2ଗିରଫ |

ଗାଡି ବେଟେରି ଚୋରି ଅଭିଯୋଗ ରେ 6ଟି ବେଟେରି ଜବତ ସହିତ 2ଗିରଫ |

26-Sep-2026

ଗାଡ଼ି ର ବ୍ୟାଟେରୀ ଚୋରୀ ଅଭିଯୋଗରେ ୨ ଗିରଫ୍,
୬ଟି ଚୋରା ବ୍ୟାଟେରୀ ଜବତ ।

ଜନମତ ଖବର, ଛତ୍ରପୁର,ତା. ୨୬/୯ (କେ.ସତ୍ୟନାରାୟଣ ରେଡ୍ଡୀ)
ଗଞ୍ଜାମ ପୋଲିସଜିଲ୍ଲା ଅନ୍ତର୍ଗତ ଛତ୍ରପୁର ବ୍ଲକ୍ ଚମାଖଣ୍ଡି ଥାନାରେ ଅଭିଯୋଗ କ୍ରମେ ବହୁ ଦିନ ଧରି ଗାଡ଼ି ର ବ୍ୟାଟେରୀ ଚୋରୀ କରୁଥିବା ମାମଲାରେ
ଚମାଖଣ୍ଡି ପୋଲିସ ୨ଜଣ ଙ୍କୁ ଗିରଫ କରିଛି ।
ସୂଚନା ଯୋଗ୍ୟ ଯେ` ସେହି ଦୁଇଜଣ ଅନେକ ଦିନରୁ ଗାଡ଼ିରୁ ବ୍ୟାଟେରୀ ଚୋରୀ କରି ଆସୁଥିଲେ । ଅଭିଯୋଗ କ୍ରମେ ତନାଘନା ଉଦ୍ୟମ ସାଂଗକୁ ପୋଲିସ ଅନୁସନ୍ଧାନ କରି ଦୁଇଜଣ ଚୋର କୁ ଧରିବାରେ ସଫଳ ହୋଇଛନ୍ତି । ସେମାନେ ହେଲେ କଣମଣା ପଞ୍ଚାୟତ ର ଏସ. ମୋହନ ରେଡ୍ଡୀ (୩୦) ଏବଂ ମିଥୁନ ବେହେରା (୩୪) ଓରଫ୍ ମାଧବ ଏମାନଙ୍କ ଉପରେ ନଜର ରଖି ପୋଲିସ ଅଟକ ରଖି ପଚରାଉଚରା କରିଥିଲା ।ଶେଷରେ ନିଜର ଭୁଲ ସ୍ୱୀକାର କରିଥିଲେ ।
ସେ ଦୁହେଁ କହିଥିଲେ ଯେ` ଆମର ରୋଜଗାର କିଛି ନାହିଁ, ଗୁଜୁରାଣ ମେଣ୍ଟାଇବା ପାଇଁ ଏହି କର୍ମ କରୁଥିଲୁ ।
ତେବେ ଚମାଖଣ୍ଡି ଥାନା ଅଧିକାରୀ ଶ୍ରୀମତୀ ଶ୍ରଦ୍ଧାଞ୍ଜଳି ସୁବୁଦ୍ଧି ଏହାର ସତ୍ୟାସତ୍ୟ ଅନୁସନ୍ଧାନ କରି ଏହି ଦୁଇଜଣ ଯୁବକଙ୍କୁ ଗିରଫ କରି କୋର୍ଟ ଚାଲାଣ କରିଛନ୍ତି । ସେମାନଙ୍କ ଠାରୁ ୬ ଟି ବଡ଼ ଗାଡ଼ିରେ ବ୍ୟବହୃତ ବ୍ୟାଟେରୀ ଜବତ କରାଯାଇଛି ।
ଚମାଖଣ୍ଡି ଥାନା କେଶ ନମ୍ବର-୩୭୫ ତାରିଖ ୨୫.୯.୨୬ ରେ ୩୦୩(୨)/୩(୫) ବିଏନଏସ ଅନୁଯାୟୀ ଗିରଫ କରାଯାଇ ଶନିବାର ଛତ୍ରପୁରର ଏସଡିଜେଏମଙ୍କ କୋର୍ଟକୁ ପଠାଯାଇଛି ।।