Odisha Janamata : ଋଣ ଯୋଗୁଁ ଟଙ୍କା ଶୁଝି ନପାରି ବିଷ ପିଇ ଜୀବନ ହାରିଲେ ସ୍ୱାମୀ, ସ୍ତ୍ରୀ ଦମ୍ପତି |

ଋଣ ଯୋଗୁଁ ଟଙ୍କା ଶୁଝି ନପାରି ବିଷ ପିଇ ଜୀବନ ହାରିଲେ ସ୍ୱାମୀ, ସ୍ତ୍ରୀ ଦମ୍ପତି |

09-Apr-2025

ଋଣ ଭାର ରେବୁଡି ତାକୁ ସୁଝି ନପାରି ବିଷ ପିଇ ଜୀବନ ହାରିଲେ ସ୍ୱାମୀ, ସ୍ତ୍ରୀ,

ଓଡିଶା ଜନ ମତ ବ୍ୟୁରୋ,

ପୁରୁଷୋତ୍ତମପୁର ଥାନା ତଥା ଖଲ୍ଲିକୋଟ ବ୍ଲକ ଅନ୍ତର୍ଗତ ବେଢ଼ ପୂର୍ଣ୍ଣଚନ୍ଦ୍ରପୁର ଗ୍ରାମରେ ବୁଧବାର ଏକ ଅଭାବନୀୟ ଘଟଣା ଘଟିଛି। ଘଟଣା ରୁ ଜଣା ପଡିଛି ଯେ ସ୍ୱାମୀ ଓ ସ୍ତ୍ରୀ ଦୁହେଁ ଋଣଭାରରେ ବୁଡି ରହିଥିଲେ | ଟଙ୍କା ଅଭାବରୁ ଦୁହେଁ ବିଷ ପିଇ ଆତ୍ମହତ୍ୟା କରିଛନ୍ତି । ଏହାକୁ ନେଇ ଗ୍ରାମରେ ଏକ ଶୋକାକୁଳ ପରିବେଶ ଘଟି ଯାଇଛି। ମୃତ ସ୍ୱାମୀ ଓ ସ୍ତ୍ରୀ ହେଲେ ଲଡୁକିଶୋର ମହାରଣା (୬0) ଓ ସଜନି ମହାରଣା(୫୭)। ଏହି ଦମ୍ପତିଙ୍କ ତିନିଝିଅ ବିବାହ ହୋଇଯାଇଥିବା ବେଳେ ଏକମାତ୍ର ପୁଅ ସନ୍ତୋଷ ପରିବାର ସହମହାରାଷ୍ଟ୍ର ରେ ରହି ଆସୁଛନ୍ତି | ସ୍ବାମୀ ସ୍ତ୍ରୀ ଦୁହେଁ ଗ୍ରାମରେ ଏକାକୀ ରହି ଚାଷକାର୍ଯ୍ୟ କରୁଥିବାର ଗ୍ରାମବାସୀଙ୍କଠାରୁ ଜଣାପଡ଼ିଛି ଯେ, ଲଡୁକିଶୋର ଓ ସଜନି ବିଭିନ୍ନ ଘରୋଇ ଫାଇନାନ୍ସ କମ୍ପାନୀ ଓ ବାହାରଲୋକ ଙ୍କଠାରୁ ପ୍ରାୟ ୩ ଲକ୍ଷ ଟଙ୍କା ଋଣ ଆଣି ଚାଷ କରିଥିଲେ। ମାତ୍ର ଏହି ଧାନ ଫସଲ ଗତ ଲଗାଣ ବର୍ଷାରେ କ୍ଷତି ହୋଇଯାଇଥବା ବେଳେ ଗତ କିଛିଦିନ ହେଲା ଲଡୁକିଶୋର ଙ୍କ ସ୍ବାସ୍ଥ୍ୟ ଖରାପ ହୋଇପଡି ଥ‌ିବାରୁ ସେ ଆଉ କାମଧନ୍ଦା କରିପାରୁନାହାନ୍ତି। ଋଣକୁ ନେଇ ଫାଇନାନ୍ସ କମ୍ପାନୀ ଗୁଡ଼ିକ ଘରକୁ ବାରମ୍ବାର ଆସି ଟଙ୍କା ମାଗିବା ସହ କରଜ ଆଣିଥିବା ଲୋକେ ମଧ୍ୟ ଟଙ୍କା ମାଗିଥିଲେ। ଫଳରେ କିପରି କରଜ ଶୁଝିବେ ସେଥ‌ିପାଇଁ ଚିନ୍ତାରେ ପଡ଼ି ଉଭୟେ କୀଟନାଶକ ଔଷଧ ପିଇ ଜୀବନ ହାରିଦେଇଛନ୍ତି |