Odisha Janamata : ପହଲ ଗାମ ଆତଙ୍କୀ ବାଦ ଆକ୍ରମଣ ରେ ନିହତ ବ୍ୟକ୍ତି ଙ୍କ ସ୍ମୃତି ଉଦେଶ୍ୟରେ କେଣ୍ଡେଲ ଶୋଭା ଯାତ୍ରା |

ପହଲ ଗାମ ଆତଙ୍କୀ ବାଦ ଆକ୍ରମଣ ରେ ନିହତ ବ୍ୟକ୍ତି ଙ୍କ ସ୍ମୃତି ଉଦେଶ୍ୟରେ କେଣ୍ଡେଲ ଶୋଭା ଯାତ୍ରା |

25-Apr-2025

ପହଲଗାମ ଆତଙ୍କବାଦୀ ଆକ୍ରମଣକୁ ଦୃଢ ନିନ୍ଦା, ମୃତକଙ୍କ ସ୍ମୃତି ଉଦ୍ଦେଶ୍ୟରେ କ୍ଯାଣ୍ଡେଲ ଶୋଭାଯାତ୍ରା ।

ଓଡିଶା ଜନମତ, ବୁଗୁଡା , ସନ୍ତୋ କୁମା ପଣ୍ଡ, ୨୫/୦୪/୨୫ :

ଜାମ୍ମୁ-କାଶ୍ମୀରର ଅନନ୍ତନାଗ ଜିଲ୍ଲା ପହଲଗାମରେ ଏପ୍ରିଲ ୨୨ ତାରିଖରେ ହୋଇଥିବା ଆତଙ୍କବାଦୀ ଆକ୍ରମଣରେ ପର୍ଯ୍ୟଟକଙ୍କ ମୃତ୍ୟୁ ସାରା ଦେଶବାସୀଙ୍କୁ ସ୍ତବ୍ଧ କରିଦେଇଛି। ପଡୋଶୀ ଦେଶ ପାକିସ୍ତାନର ପ୍ରୋତ୍ସାହନରେ ଆତଙ୍କବାଦୀଙ୍କ ବର୍ବରତା ସବୁ ସୀମା ଟପି ଯାଇଥିବା ବେଳେ ଏଭଳି ଘଟଣାକୁ ଦୃଢ ନିନ୍ଦା କରି ସ୍ଥାନୀୟ ହିନ୍ଦୁ ସୁରକ୍ଷା ସମିତି ଓ ଶ୍ରୀ ବଳଦେବ ସ୍ବାମୀ ଘରୋଇ ବସ୍ ମାଲିକ ସଂଘ ପକ୍ଷରୁ ଆକ୍ରମଣକାରୀ ଆତଙ୍କବାଦୀଙ୍କ ଉପରେ ଦୃଢ କାର୍ଯ୍ୟାନୁଷ୍ଠାନ ଦାବି କରାଯାଇଛି। ଭ୍ରମଣାର୍ଥେ ଯାଇଥିବା ନିରୀହ ପର୍ଯଟକଙ୍କ ପ୍ରତି ବର୍ବରୋଚିତ ଆକ୍ରମଣ କଦାପି ଗ୍ରହଣୀୟ ନୁହେଁ ବୋଲି ମତ ପ୍ରକାଶ ପାଇଛି । ଏଥି ସହ ଓଡିଶାର ଜଣେ ପର୍ଯଟକଙ୍କ ସମେତ ୨୬ରୁ ଉର୍ଦ୍ଧ ମୃତ ବ୍ଯକ୍ତିଙ୍କ ଅମର ଆତ୍ମାର ସଦଗତି ନିମନ୍ତେ ନୀରବ ପ୍ରାର୍ଥନା କରାଯିବା ସହିତ ଏକ କ୍ଯାଣ୍ଡେଲ ଶୋଭାଯାତ୍ରା ଅନୁଷ୍ଠିତ ହୋଇଥିଲା। ହିନ୍ଦୁ ସୁରକ୍ଷା ସମିତିର ସଦସ୍ୟଙ୍କ ଶୋଭାଯାତ୍ରା ବୁଦ୍ଧଖୋଲ ଛକଠାରୁ ବାହାରି ଥିବା ବେଳେ ଶ୍ରୀ ବଳଦେବ ସ୍ବାମୀ ଘରୋଇ ବସ୍ ମାଲିକ ସଂଘର ସଦସ୍ୟ ମାନେ ବସଷ୍ଟାଣ୍ଡ ବାହାରି ଥିଲେ । ଉଭୟ ସଂଘର ସଦସ୍ୟଙ୍କ ତରଫରୁ ମଦନ ମୋହନ ଛକଠାରେ ଏକ ପ୍ରତିବାଦ ସଭା ଅନୁଷ୍ଠିତ ହୋଇଥିଲା।