Odisha Janamata : ତାରା ତାରିଣୀ ମହା ବିଦ୍ୟାଳୟ ରେ ପୁରାତନ କର୍ମଚାରୀ ସମ୍ମିଳନୀ |

ତାରା ତାରିଣୀ ମହା ବିଦ୍ୟାଳୟ ରେ ପୁରାତନ କର୍ମଚାରୀ ସମ୍ମିଳନୀ |

04-May-2025

ତାରାତାରିଣୀ ମହାବିଦ୍ୟାଳୟ ପୁରାତନ କର୍ମଚାରୀ ସମ୍ମିଳନୀ।

ଓଡିଶା ଜନମତ ବ୍ୟୁରୋ,

ପୁରୁଷୋତ୍ତମପୁର ତା-୦୪/୦୫/୨୦୨୫ ରିଖ ସ୍ଥାନୀୟ ତାରାତାରିଣୀ ମହାବିଦ୍ୟାଳୟ ଦୀର୍ଘ ବର୍ଷ ଇତିହାସରେ ପ୍ରଥମ ଥର ପାଇଁ ତାରାତାରିଣୀ ମହାବିଦ୍ୟାଳୟରେ ପୁରାତନ କର୍ମଚାରୀଙ୍କ ସମ୍ମିଳନୀ ଅନୁଷ୍ଠିତ ହୋଇଯାଇଛି।ଏହି ଉତ୍ସବରେ ମହାବିଦ୍ୟାଳୟର ଅଧ୍ୟକ୍ଷ ଡ଼ଃ ସୁରେନ୍ଦ୍ର ନାଥ ପଣ୍ଡା ସଭାପତିତ୍ବ କରିବା ବେଳେ ପୂର୍ବତନ ଅଧ୍ୟକ୍ଷ ଡ଼ଃ ମନ୍ମଥନାଥ ପାଢ଼ୀ,ଶ୍ରୀ ଭବାନୀ କୁମାର ପଟ୍ଟନାୟକ,ଡ଼ଃ ଶ୍ରୀ ଆକୁଳାନନ୍ଦ ପାଢ଼ୀ ,ଡ଼ଃ ସୀମାଞ୍ଚଳ ପଟ୍ଟନାୟକ,ସମେତ ଅନେକ ବରିଷ୍ଠ ଅଧ୍ୟାପକ ଅଧ୍ୟାପିକା ସହ କର୍ମଚାରୀ ଉପସ୍ଥିତ ଥିଲେ।ଅଧ୍ୟାପକ ଡ଼ଃ ରମେଶ ଚନ୍ଦ୍ର ସେନାପତି ଉତ୍ସବରେ ସ୍ବାଗତ ସାମ୍ବାଷଣ ସହ ଉଦ୍ଦେଶ୍ୟ ଉପସ୍ଥାପନ କରିଥିଲେ।ଏହି ଅବସରରେ ଅବସର ନେଇଥିବା ସହାୟକ ଗ୍ରନ୍ଥାଗାରକ ଶ୍ରୀ କପିଳେଶ୍ୱର ଦାଶଙ୍କୁ ସମ୍ବର୍ଦ୍ଧନାଜ୍ଞାପାନ କରାଯାଇଥିଲା।ଉତ୍ସବରେ ମହାବିଦ୍ୟାଳୟର ଉନ୍ନତିକଳ୍ପେ ମହାବିଦ୍ୟାଳୟର ବରିଷ୍ଠ ଅଧ୍ୟାପକ ଡ଼ଃ ରମେଶ ଚନ୍ଦ୍ର ସେନାପତି ଆବାହକତ୍ୱରେ ଏକ ଉପଦେଷ୍ଟା କମିଟି ଚୟନ କରାଯାଇଥିଲା । ଶ୍ରୀ ଶିବପ୍ରସାଦ ବେହେରା,ନୀଳାଚଳ ଦାସ,ଦୀପକ କୁମାର ବେହେରା,ଜଗଦୀଶ ରାଓ ପ୍ରମୁଖ ସହଯୋଗ କରିଥିଲେ।ପରିଶେଷରେ ମୁଖ୍ୟ କିରାଣୀ ଶ୍ରୀ ସୁଧିର କୁମାର ଦାସ ଧନ୍ୟବାଦ ଅର୍ପଣ କରିଥିଲେ।