Odisha Janamata : ବାରାହା ଶିକାର ଜାଲରେ ଲାଗି ଶିକାରୀ ମୃତ |

ବାରାହା ଶିକାର ଜାଲରେ ଲାଗି ଶିକାରୀ ମୃତ |

19-Jun-2025

ବାରାହା ଶିକାର ଜାଲରେ ଶିକାରୀ ମୃତ

ଓଡିଶା ଜନମତ, ଭଞ୍ଜନଗର ସପନ କୁମାର ସେଠୀ

ଗତ କାଲି ବିଳମ୍ବିତ ରାତିରେ ତିନି ଜଣ ଶିକାରୀ ନିକଟସ୍ଥ ଜଙ୍ଗଲରେ ବିଦ୍ୟୁତ୍ ତାର ବିଛାଇ ବାରାହା ଶିକାର କରିବା ପାଇଁ ଯୋଜନା କରିଥିବା ବେଳେ ବିଦ୍ୟୁତ ସଂସ୍ପର୍ଶରେ ଆସି ଜଣେ ମୃତ ଘଟିଥିବା ସୂଚନା ମିଳୁଛି । ମୃତକ ଜଣକ ହେଲେ ଗେରେଡା ପଞ୍ଚାୟତ ବଦୁଆ ଗ୍ରାମର ସୁର ନାୟକ ତେବେ ଘଟଣା ସ୍ଥଳରୁ ଅନ୍ୟ ଦୁଇ ଜଣ ଫେରାର ରହିଥିବା ଜଣା ପଡ଼ୁଛି । ନିକଟସ୍ଥ ଫରେଷ୍ଟର ସୂଚନା ଦେଇଛନ୍ତି ଯେ ମୃତକ ଜଣକ ଆଗରୁ ଜଙ୍ଗଲ ବନ୍ୟ ଜନ୍ତୁକୁ ବିଦ୍ୟୁତ ତାର ବିଛାଇ ଶିକାର କରୁଥିଲେ।କିନ୍ତୁ ଏ ବିଷୟରେ ଜଙ୍ଗଲ ବିଭାଗ କିମ୍ବା ବିଦ୍ୟୁତ ବିଭାଗ କୌଣସି ଟେର ପାଉ ନ ଥିଲେ।କିନ୍ତୁ ଆଜିର ଏହି ଘଟଣା ଘଟିବା ପରେ ଜଙ୍ଗଲ ବିଭାଗ ର ନିଦ ଭାଙ୍ଗିଛି।ବର୍ତ୍ତମାନ ସୂଚନା ମିଳିବା ଅନୁଯାଇ ବିଦ୍ୟୁତ ବିଭାଗ ଓ ଜଙ୍ଗଲ ବିଭାଗ କର୍ମଚାରୀ ଘଟଣା ସ୍ଥଳରେ ପହଞ୍ଚି ଛାନଭିନ କରିବା ସହ ଶବକୁ ଜବତ କରିବା ସହ ଘଟଣା ସ୍ଥଳରୁ ବିଦ୍ୟୁତ ତାର ଜବତ କରିଛି।ଆହୁରି ମଧ୍ୟ ଖବର ମିଳିଛି ଯେ ଫରେଷ୍ଟ ବିଭାଗ ର ଅଜାଣତରେ ବହୁ ସମୟରେ ଜଙ୍ଗଲୀ ଜନ୍ତୁଙ୍କ ଅବାଧରେ ଶିକାର ହେଉଛି କିନ୍ତୁ ଜଙ୍ଗଲ ବିଭାଗ କୌଣସି ପଦକ୍ଷେପ ନେଉ ନାହିଁ।ତେଣୁ ଏଠି ଦେଖିବାକୁ ବାକି ରହିଲା କେବେ ଓ କେମିତି ଜଙ୍ଗଲ ବିଭାଗ ବନ୍ୟ ଜନ୍ତୁଙ୍କ ଶିକାର ରୋକି ପାରିବ