Breaking
News
Breaking
News
25-Jun-2025
ବିଦ୍ୟୁତ ଆଘାତରେ ମହିଳା ମୃତ, ସ୍ୱାମୀ, ଦୁଇ ଝିଅ ଗୁରୁତର,
ଓଡିଶା ଜନ ମତ ବଟଗଞ୍ଜାମ, ବ୍ଳକ, ବଟକୃଷ୍ଣ ରାଉଳ,
ତା-25/06/25
ଗଞ୍ଜାମ ଏନଏସି ଅନ୍ତର୍ଗତ ଦାମୋଦରପୁର ଗ୍ରାମ 11 ନମ୍ବର ୱାର୍ଡ ରେ ବିଦ୍ୟୁତ ସଂସ୍ପର୍ଶ ରେ ଆସି ଜୈନେକ ମହିଳାଙ୍କ ମୃତ୍ୟୁ ଘଟିଥିବା ବେଳେ ସ୍ୱାମୀ ଓ ଦୁଇ ଝିଅ ଆହାତ ହୋଇଥିବା ଜଣା ପଡିଛି l ମୃତକ ମହିଳା ଜଣଙ୍କ ହେଲେ ଆର. ନାରାୟଣ ରେଡି ଙ୍କ ପତ୍ନୀ ଆର. ଦମୟନ୍ତୀ ରେଡି (50)ଆହାତ ମାନେ ହେଲେ ସ୍ୱାମୀ ନାରାୟଣ ରେଡି( 62),ଦୁଇ ଝିଅ ବାସନ୍ତି ରେଡି ଓ ଶକ୍ତମୟୀ ରେଡି (24)l ଖବର ନେବାରେ ଜଣା ପଡିଛି ଅପରାହ୍ନ 4ଟା ସମୟରେ ଘର ସମ୍ମୁଖରେ ରହିଥିବା ଏକ ସଜନା ଗଛ ର ଡ଼ାଳ ହାଣୁଥିବା ବେଳେ ଉପରେ ଯାଇଥିବା ବିଦ୍ୟୁତ ତାର ଟି ଛିଡି ପଡିଥିଲା l ଫଳରେ ଗଛ ଡ଼ାଳ ସହ ବିଦ୍ୟୁତ ତାର ମହିଳା ଙ୍କ ବେକରେ ପଡିଯାଇଥିବା ବେଳେ ପରିବାର ର ଅନ୍ୟ ସଦସ୍ୟ ମାନେ ଉକ୍ତ ସଜନା ଡ଼ାଳ ରେ ଲାଗିଯାଇଥିଲେ l ଏହା ଦେଖି ସ୍ଥାନୀୟ ଯୁବକ ମାନେ ଉପସ୍ଥିତ ବୁଦ୍ଧି ଖଟାଇ ବାଉଁଶ ସାହାଯ୍ୟରେ ସେମାନଙ୍କୁ ଗଛ ଡ଼ାଳ ଓ ବିଦ୍ୟୁତ ତାରରୁ ଅଲଗା କରିଥିଲେ l ଅଞ୍ଚଳବାସୀ 108 ଆମ୍ବୁଲାନ୍ସ କୁ କଲ କରିଥିଲେ ମଧ୍ୟ ଆସିଥିଲା l ଯାହାକୁନେଇ ସ୍ଥାନୀୟ ଯୁବକ ମାନେ ସେମାନଙ୍କୁ ଗଞ୍ଜାମ ସ୍ୱାସ୍ଥ୍ୟକେନ୍ଦ୍ରକୁ ଚିକତ୍ସା ପାଇଁ ନେଇ ଥିଲେ l ସେଠାରୁ ଦମୟନ୍ତୀ ଓ ବଡ଼ ଝିଅ ବାସନ୍ତୀ ଙ୍କୁ ଛତ୍ରପୁର ଗୋଷ୍ଟି ସ୍ୱାସ୍ଥ୍ୟକେନ୍ଦ୍ର କୁ ସ୍ଥାନନ୍ତରିତ କରାଯାଇଥିଲା l ଡାକ୍ତର ସେଠାରେ ଦମୟନ୍ତୀ ଙ୍କୁ ମୃତ ଘୋଷଣା କରିଥିଲେ l ଖବର ପାଇ ଛତ୍ରପୁର ବିଧାୟକ କୃଷ୍ଣଚନ୍ଦ୍ର ନାୟକ ମେଡ଼ିକାଲ ରେ ପହଞ୍ଚି ମୃତକ ପରିବାର କୁ ଆଶ୍ୱାସନା ଦେବା ସହ
ଗୁରୁତ୍ତର ବଡ଼ ଝିଅ ର ଅବସ୍ଥା ସଂକଟାପର୍ଣ୍ଣ ରହିଥିବାରୁ ତାଙ୍କୁ ବ୍ରହ୍ମପୁର ମେଡ଼ିକାଲ ପଠାଇବା ବ୍ୟବସ୍ଥା କରିବା ସହ ଶବ ବ୍ୟବଛେଦ ପାଇଁ ସହଯୋଗ କରିଥିଲେ l ପୁରୁଣା ବିଦ୍ୟୁତ ତାର ଯୋଗୁଁ ଏହି ଦୃଘଟଣା ଘଟିଥିବା ଗ୍ରାମବାସୀ ଅଭିଯୋଗ କରିଛନ୍ତି l ଅନ୍ୟପଟେ ଗଞ୍ଜାମ ସ୍ୱାସ୍ଥ୍ୟକେନ୍ଦ୍ର ରେ 108 ଆମ୍ବୁଲାନ୍ସ ବ୍ୟବସ୍ଥା ନଥିରୁ ଅଞ୍ଚଳ ବାସୀ ଙ୍କ ମଧ୍ୟରେ ଘୋର ଅସନ୍ତୋଷ ପ୍ରକାଶ ପାଇଛି l ଉକ୍ତ ଘଟଣାକୁ ନେଇ ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳି ଯାଇଛି l
BACK TO TOP