Odisha Janamata : ଖଲ୍ଲିକୋଟ,କନକା କ୍ଲଷ୍ଟର ତରଫରୁ ଶିଶୁ ମହତ୍ସବ

ଖଲ୍ଲିକୋଟ,କନକା କ୍ଲଷ୍ଟର ତରଫରୁ ଶିଶୁ ମହତ୍ସବ

31-Oct-2025

ଖଲ୍ଲିକୋଟ : କନକା କ୍ଲଷ୍ଟର ତରଫରୁ ଶିଶୁ ମହୋତ୍ସବ "ସୁରଭି" ଅନୁଷ୍ଠିତ

ଓଡିଶା ଜନ ମତ ବ୍ୟୁରୋ,

ଶିଶୁ ମାନଙ୍କ ପ୍ରତିଭାର ବିକାଶରେ ଶିକ୍ଷା ସମାଜର ବିକାଶ

ଶିଶୁ ମାନଙ୍କ ଅନ୍ତର୍ନିହିତ ଗୁଣାବଳୀ, ପ୍ରତିଭାର ବିକାଶ ହେଲେ ହିଁ ପ୍ରକୃତ ପକ୍ଷେ ଶିକ୍ଷା, ସମାଜ, ସଂସ୍କୃତିର ବିକାଶ ସମ୍ଭବ ହୋଇପାରିବ, ଏପ୍ରକାର ଲକ୍ଷ୍ୟ ଆଭିମୁଖ୍ୟ ନେଇ ଗଂଜାମ ଜିଲ୍ଲା ଖଲ୍ଲିକୋଟ ବ୍ଲକ୍ କନକା କ୍ଲଷ୍ଟର ତରଫରୁ ଆଜି ଆଶ୍ରମ ବିଦ୍ୟାଳୟ ଗୁହାରିଆପାଟ ଠାରେ କ୍ଲଷ୍ଟର ସ୍ତରୀୟ ଶିଶୁ ମହୋତ୍ସବ "ସୁରଭି" ଆନୁଷ୍ଠାନିକ ରୀତିରେ ଅନୁଷ୍ଠିତ ହୋଇଯାଇଛି । ଆଞ୍ଚଳିକ ସାଧନ କେନ୍ଦ୍ର ସଂଯୋଜକ ଡକ୍ଟର ଦ୍ବାରିକାନାଥ ମହାରଣା ପ୍ରାକ୍ ସୂଚନା ପ୍ରଦାନ ପରେ ଅତିଥିମାନେ ମଞ୍ଚାସୀନ ହୋଇଥିଲେ । ଜଗତର ନାଥ ଶ୍ରୀଜଗନ୍ନାଥଙ୍କ ନିକଟରେ ପ୍ରଦୀପ ପ୍ରଜ୍ଜ୍ୱଳନ ପରେ ବରିଷ୍ଠ ଶିକ୍ଷକ ଦେବରାଜ ଗୈ।ଡ ଭକ୍ତି ରସାତ୍ମକ ଭଜନ ପରିବେଷଣ କରିଥିଲେ । ଅନୁଷ୍ଠାନର ଛାତ୍ରୀମାନେ ସାମୂହିକ ପ୍ରାରମ୍ଭିକ ସଂଗୀତ ଗାନ କରିଥିଲେ ।ଏହି ଅବସରରେ ଆୟୋଜିତ ଉତ୍ସବରେ ଅନୁଷ୍ଠାନର ପ୍ରଧାନ ଶିକ୍ଷୟିତ୍ରୀ ଶ୍ରୀମତୀ ରେଣୁକା ବେହେରା ସଭାପତିତ୍ବ କରିଥିଲାବେଳେ ସରକାରୀ ଉନ୍ନୀତ ଉଚ୍ଚ ବିଦ୍ୟାଳୟ, ସମଲର ପ୍ରାକ୍ତନ ପ୍ରଧାନ ଶିକ୍ଷକ କୃଷ୍ଣଚନ୍ଦ୍ର ବେହେରା ମୁଖ୍ୟ ଅତିଥି, ଯୁବ ସମାଜସେବୀ ମନୋଜ କୁମାର ଗୈ।ଡ ସ୍ୱତନ୍ତ୍ର ଅତିଥି, ସାକିରି ବିଦ୍ୟାଳୟର ପ୍ରଧାନଶିକ୍ଷକ ହରେକୃଷ୍ଣ ମଲ୍ଲିକ, ସରକାରୀ ଉନ୍ନୀତ ଉଚ୍ଚ ବିଦ୍ୟାଳୟ, ସମଲର ଶିକ୍ଷକ ତ୍ରିନାଥ ସ୍ୱାଇଁ, ପାଳଧୁଆପଲ୍ଲୀ ଉଚ୍ଚ ପ୍ରାଥମିକ ବିଦ୍ୟାଳୟର ପ୍ରଧାନଶିକ୍ଷକ ଦେବରାଜ ଜାନୀ ପ୍ରମୁଖ ସମ୍ମାନୀତ ଅତିଥି ରୂପେ ଯୋଗଦେଇ ଶିଶୁଙ୍କ ସୃଜନଶୀଳତା, ସାମାଜିକ ସମ୍ପୃକ୍ତି, ନୈତିକତା, ଚିତ୍ର, ଗଳ୍ପ କଥନ, ପ୍ରବନ୍ଧ ଲିଖନ, ବକ୍ତୃତା, ତର୍କ, ସାଂସ୍କୃତିକ କାର୍ଯ୍ୟକ୍ରମ ଆଦିରେ ଅଂଶ ଗ୍ରହଣ ଫଳରେ ଲୁକ୍କାୟିତ ପ୍ରତିଭାର ପରିପ୍ରକାଶସହଜ ସାଧ୍ୟ ହେବା, ଭୟ ଶୂନ୍ୟ ହୋଇ କାର୍ଯ୍ୟ କରିବା ଆଦି ବହୁବିଧ ଦିଗ ଉପରେ ସାରସ୍ୱତ ଆଲୋଚନା କରିଥିଲେ । କ୍ଲଷ୍ଟର ଅଧୀନସ୍ଥ ଚଉଦ ଗୋଟି ବିଦ୍ୟାଳୟର ଛାତ୍ରଛାତ୍ରୀ ତର୍କ, ସଂଗୀତ, ବକ୍ତୃତା, ଚିତ୍ରାଙ୍କନ, ଗଳ୍ପ କଥନ, ଶ୍ରୁତ ଲିଖନ, ପି.ଏମ୍. ପୋଷଣ, ଶିଳ୍ପ କଳା, ସାଂସ୍କୃତିକ ନୃତ୍ୟ ଆଦି ପ୍ରତିଯୋଗିତାରେ ଅଂଶଗ୍ରହଣ କରିଥିଲେ । କୃତୀ ପ୍ରତିଯୋଗୀଙ୍କୁ ଉତ୍ସବରେ ଅତିଥିମାନେ ସିଲ୍ ମାନପତ୍ର ସହିତ ପୁରସ୍କୃତ କରିଥିଲେ । ଆୟୋଜିତ କାର୍ଯ୍ୟକ୍ରମରେ ଶିକ୍ଷକ ରମେଶ ଚନ୍ଦ୍ର ସାହୁ, ବିଦ୍ୟାଧର ଜାଲି, ସନ୍ତୋଷ କୁମାର ବାରିକ, ଏକାଦଶୀ ବେହେରା, ସୁକାନ୍ତ ଦାଶ, ଉଦୟ ଜାନି, ପ୍ରଫୁଲ୍ଲ ଶବର, କମଲଜିତ୍ ତ୍ରିପାଠୀ, ସୁନିଲ୍ କୁମାର ବାଡତ୍ୟା, ଆଶିଷ ରଂଜନ ପାଢ଼ୀ, ଦୀପକ କୁମାର ସେଠୀ, ପ୍ରିୟ ରଞ୍ଜନ ସାମନ୍ତ , ଶିକ୍ଷୟିତ୍ରୀ ତପସ୍ୱିନୀ ଜାନୀ, ଲକ୍ଷ୍ମୀପ୍ରିୟା ପ୍ରଧାନ, ଲଳିତା ଶବର, ଉର୍ମିଳା ସ୍ୱାଇଁ, ପ୍ରତିମା ବେହେରା, ଅନିତା ବାରିକ, ସୋନାଲି ପାହାନ୍ତା ସିଂ ପ୍ରମୁଖ ଉପସ୍ଥିତ ରହି କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ ।