Odisha Janamata : ହୋମଗାର୍ଡ ଙ୍କ କର୍ତ୍ତବ୍ୟ ଆଗରେ ସମସ୍ତେ ମୁଣ୍ଡ ନୁଆଁଇଲେ |

ହୋମଗାର୍ଡ ଙ୍କ କର୍ତ୍ତବ୍ୟ ଆଗରେ ସମସ୍ତେ ମୁଣ୍ଡ ନୁଆଁଇଲେ |

07-Dec-2025

ହୋମ ଗାର୍ଡ ଙ୍କ କର୍ତ୍ତବ୍ୟ ନିଷ୍ଟ କାର୍ଯ୍ୟ ଯୋଗୁଁ ସମସ୍ତେ କଲେ ପ୍ରଶଂସା,

ଓଡିଶା ଜନ ମତ ବ୍ୟୁରୋ,

କର୍ତ୍ତବ୍ୟ ଆଗ ପରିବାର ପଛ, ତେଣୁ ଶାସ୍ତ୍ର ରେ ଲେଖା ଅଛି ଆଗ ରାଜକାର୍ଯ୍ୟ ପଛେ ପିତୃ କାର୍ଯ୍ୟ | ଏହି ଉକ୍ତିକୁ କାର୍ଯ୍ୟରେ ପରିଣତ କରିଛନ୍ତି ଜଣେ ଦାଇତ୍ୱ ରେ ଥିବା ହୋମ ଗାର୍ଡ | ସେ କର୍ତ୍ତବ୍ୟ କରିବା ସହ ନିଜ ସନ୍ତାନ ର ଯତ୍ନ ବି ନେଇଛନ୍ତି | ସେଥିପାଇଁ ମାର ମମତା ଠାରୁ ଆଉ କିଛି ନାହିଁ | ସେ ମମତା ମାୟୀ,ସର୍ବଂସାହା, ସେ ସ୍ୱର୍ଗ ଠାରୁ ବି ବଳିୟାନ । ତାଙ୍କର ତ୍ୟାଗ ଆଗରେ ସବୁକିଛି ତୁଛ । ପିଲା ପାଇଁ ତାଙ୍କ କର୍ତ୍ତବ୍ୟ ଆଗରେ ହାର ମାନିଯାଏ ବହୁ ମୂଲ୍ୟ । ଛାତିରେ ନବଜାତ ଶିଶୁ କୁ ଧରି , ସୁରକ୍ଷା ପ୍ରହରୀ ର କାର୍ଯ୍ୟ । ଗୋଟିଏ ଜୀବନ, ଦୁଇଟି କର୍ମ । ଆଜ୍ଞ ହଁ ଗୋଟିଏ ପଟେ କର୍ତ୍ତବ୍ୟ, ଓ ଅନ୍ୟପଟେ ପିଲା ପାଇଁ ବାତ୍ସଲ୍ୟ ମମତା । ଦୁଇଟି କର୍ତ୍ତବ୍ୟକୁ ଖୁବ ନିଖୁଣ ଭାବରେ ତୁଲାଇଥିଲେ ଜଣେ ମହିଳା । ଏ ଦୃଶ୍ୟ ଦେଖୁଲେ ଯେ କେହି ବି ମାରିବ ସାଲ୍ୟୁଟ୍ । ଯିଏବି ଏହି ଘଟଣା ଶୁଣିବ କିମ୍ବା ସେହି ସମୟର ଭିଡିଓ ଟିକୁ ଦେଖିବ ତେବେ ନିଶ୍ଚିତ ଆପଣଙ୍କ ଆକ୍ଷୀ ରେ ବି ଲୁହ ଆସିଯିବ । ଏହା କୌଣସି ସିନେମାର ଦୃଶ୍ୟ ନୁହେଁ । ବରଂ ସତସତିକା ଘଟଣା ର ପ୍ରକୃତ ଦୃଶ୍ୟ । ରାଉରକେଲାର କର୍ତ୍ତବ୍ୟରତ ମହିଳା ହୋମଗାର୍ଡ଼ଙ୍କୁ ସାଲ୍ୟୁଟ୍ ମାରୁଛି ଆଜି ସାରା ରାଜ୍ୟ । କର୍ତ୍ତବ୍ୟ କରିବାକୁ ଯାଇ ବର୍ଷକର ଛୁଆକୁ ସାଙ୍ଗରେ ଆଣିଥିଲେ ସେ ।ନାଁ ତାଙ୍କର ଆଶା ଟିଗା । ରାଉରକେଲା ପୋଲିସର ହୋମର୍ଗାଡ଼ । ସାରା ରାଜ୍ୟରେ ସର୍ଦ୍ଦାର ବଲ୍ଲଭଭାଇ ପଟେଲଙ୍କ ୧୫୦ ତମ ଜନ୍ମ ବାର୍ଷୀକ ପାଳନ ହେଉଥିଲା । ଏହି ଅବସରରେ ରାଉରକେଲାରେ ବି ପାଳନ ହେଉଥିଲା ରାଷ୍ଟ୍ରୀୟ ଏକତା ଦିବସ । ରାଉରକେଲା ପୋଲିସ ପକ୍ଷରୁ ଅନୁଷ୍ଠିତ ହୋଇଥିଲା ରନ ଫର ୟୁନିଟି, ଅର୍ଥାତ ମାରାଥନ କାର୍ଯ୍ୟକ୍ରମ ।ଡ଼ିଏଭିଛକରୁସେକ୍ଟର-୭/୧୭ ଛକ ପର୍ଯ୍ୟନ୍ତ ଥୂଲା ମାରାଥନ । ସେହି କାର୍ଯ୍ୟକ୍ରମରେ ମହିଳା ହୋମଗାର୍ଡ଼ ଆଶା ଟିଗାଙ୍କର ପଡିଥିଲା ଡ୍ୟୁଟି ।ଯେହେତୁ ପିଲାଟି ଅତି ଛୋଟ । ତେଣୁ ଘରେ ଏକୁଟିଆ ଛାଡିବା ନଥ୍‌ଲା ସମ୍ଭବ । ବାଧ୍ୟ ହୋଇ ସାଙ୍ଗରେ ଧରି ଆସିଥ୍‌ଲା ଆଶା । ବ୍ୟାଗରେ ପିଲାକୁ କାନ୍ଧରେ ବୋହି ସମ୍ପାଦାନ କରିଥିଲେ ଡ୍ୟୁଟି ରାଉର କେଲା ଏୟାର ପୋର୍ଟ ଛକରେ ପିଲାକୁ ଧରି ନିୟନ୍ତ୍ରଣ କରୁଥିଲେ ଟ୍ରାଫିକ । ଆଉ ଆଶାଙ୍କର ଏହି କାର୍ଯ୍ୟ ସମସ୍ତଙ୍କ ପାଇଁ ପାଲଟିଛି ଉଦାହରଣ । ସମସ୍ତଙ୍କ ପାଟିରୁ ବାହାରୁ ଥିଲା ମାଆ ତୁଝେ ସଲାମ, ତୁମ ଭକି କର୍ତ୍ତବ୍ୟ ନିଷ୍ଟ ମହିଳାରହିଲେ ନିଶ୍ଚିତ ଭାବେ ଦେଶ ଆଗକୁ ବଢ଼ି ପାରିବ | ତେଣୁ ସମସ୍ତଙ୍କ ପାଟିରୁ ପୁଣି ବାହାରୁ ଥିଲା | ତୁମ ମମତାର ଅନ୍ତ ନାହିଁ, କିମ୍ବା ତୁମ କର୍ତ୍ତବ୍ୟର ଅବହେଳା ନାହିଁ | ସବୁଠାରୁ ତୁମେ ମହାନ |