Odisha Janamata : ଦୁବାଇରେ ଓଡ଼ିଆ ଶ୍ରମିକଙ୍କ ମୃତ୍ୟୁ ଶବ ଆଣିବାକୁ ପରିବାର ଲୋକଙ୍କ ଆକୁଳ ନିବେଦନ |

ଦୁବାଇରେ ଓଡ଼ିଆ ଶ୍ରମିକଙ୍କ ମୃତ୍ୟୁ ଶବ ଆଣିବାକୁ ପରିବାର ଲୋକଙ୍କ ଆକୁଳ ନିବେଦନ |

09-Dec-2025

ଦୁବାଇରେ ଓଡ଼ିଆ ଶ୍ରମିକଙ୍କ ମୃତ୍ୟୁ, ଦାଦନ ଦୁଃଖ,

ଓଡିଶା ଜନ ମତ ବ୍ୟୁରୋ,

ପୁଣି ଦାଦନ ଦୁଃଖ ପରିବାର ପ୍ରତିପୋଷଣ ପାଇଁ ସୁଦୂର ଦୁବାଇ ଯାଇଥିବା ଜଣେ ଦାଦନ ଶ୍ରମିକଙ୍କଭିଟାମାଟିକୁ ଶବ ଆଣିବାକୁ । ପରିବାରର ନିବେଦନସେଠାରେ ହୃଦ୍‌ ଘାତରେ ମୃତ୍ୟୁ ହୋଇଛି। ମୃତକ ହେଲେ, ଗଞ୍ଜାମ ଜିଲ୍ଲା ଖଲ୍ଲିକୋଟ ବ୍ଲକ୍‌ ଅନ୍ତର୍ଗତ ଖୋଜାପଲ୍ଲୀ ଗ୍ରାମର ଧନେଶ୍ବର ସେଠୀ(୪୪)। ଏହି ଖବର ଜଣାପଡ଼ିବା ପରେ ଧନେଶ୍ଵରଙ୍କ ଘର କାନ୍ଦବୋବାଳିରେ ଫାଟି ପଡ଼ିଛି। ତାଙ୍କ ମରଶରୀର ଭିଟାମାଟିକୁ ଫେରାଇ ଆଣିବାକୁ ପରିବାରଲୋକ ଜିଲ୍ଲା ପ୍ରଶାସନ ନିକଟରେ ଆକୁଳ ନିବେଦନ କରିଛନ୍ତି।ସୂଚନାନୁଯାୟୀ, ସ୍ତ୍ରୀ କଲ୍ୟାଣୀ ସେଠୀ କିଡନୀ ରୋଗରେ ଆକ୍ରାନ୍ତ ହେବା ପରେ ଧନେଶ୍ଵରଧାରକରଜ କରି ତାଙ୍କ ଚିକିତ୍ସା କରୁଥିଲେ। ଋଣଭାର ଧୀରେଧୀରେ ବଢ଼ିବାରୁ ଅଧୂକ ରୋଜଗାର ଆଶାରେ ୪ବର୍ଷ ତଳେ ଦୁବାଇର ଆବୁଧାବି ସହରକୁ ଯାଇଥିଲେ। ସେଠାରେ ଏକ ଘରୋଇ କମ୍ପାନୀରେ ଶ୍ରମିକ ଭାବେ କାମ କରୁଥିଲେ। ରୋଜଗାର କରି ଯାହା ପଠାଉଥିଲେ, ସେଥ୍‌ରେ ତାଙ୍କ ପରିବାର ଚଳୁଥିଲା। ଗତ ରବିବାର ସେ କାମ ସାରି କମ୍ପାନୀରୁ ଫେରିବା ବେଳେ ତାଙ୍କର ହୃଦ୍‌ଘାତ ହୋଇଥିଲା ଓ ସେ ରାସ୍ତା ଉପରେ ଟଳି ପଡ଼ିଥିଲେ | ସେଠାକାର ଏକ ହସ୍ପିଟାଲରେ ତାଙ୍କୁ ଭର୍ତ୍ତି କରାଯାଇଥିଲେ ହେଁ ଡାକ୍ତର ମୃତ ଘୋଷଣା କରିଥିଲେ।ଧନେଶ୍ଵରଙ୍କ ମୃତୁ ଖବର ପାଇବା ପରେ ଘରେ କାନ୍ଦ ବୋବାଳିରେ ଫାଟି ପଡ଼ିଛି। ଧନେଶ୍ଵରଙ୍କ ମୃତ୍ୟ ପରେ ପରିବାର କେମିତି ଚଳିବ, ସେନେଇ ଚିନ୍ତାରେ ପଡି ଯାଇଛନ୍ତି କଲ୍ୟାଣୀ। ତାଙ୍କର ଚିକିତ୍ସା ଖର୍ଚ୍ଚ, ପିଲାମାନଙ୍କ ପାଠପଢ଼ା ଖର୍ଚ୍ଚ, ପରିବାର ଚଳାଇବା ଖର୍ଚ୍ଚ ସବୁ କେମିତି ତୁଲାଇବେ, ସେଇ ଚିନ୍ତାରେ ଘାଣ୍ଟି ହେଉଛନ୍ତି।
ସରକାର ଏହା ଉପରେ ଗୁରୁତ୍ୱ ଦେଈ ସହଯୋଗ କଲେ ସେମାନଙ୍କ ପରିବାର ଉପକୃତ ହୋଇ ପାରିବେ |