Odisha Janamata : ଡ଼ି ଆଇ ଇ ଟି ପକ୍ଷରୁ ଜାତୀୟ ଦିବସ -2025 ପାଳିତ |

ଡ଼ି ଆଇ ଇ ଟି ପକ୍ଷରୁ ଜାତୀୟ ଦିବସ -2025 ପାଳିତ |

22-Dec-2025

ଗଞ୍ଜାମ ଡି.ଆଇ.ଇ.ଟି ପକ୍ଷରୁ ଜାତୀୟ ଗଣିତ ଦିବସ-୨୦୨୫ ପାଳିତ

ଓଡିଶା ଜନ ମତ ବ୍ୟୁରୋ,

ଜିଲ୍ଲା ଶିକ୍ଷା ଓ ପ୍ରଶିକ୍ଷଣ ପ୍ରତିଷ୍ଠାନ, ଗଞ୍ଜାମ, ଖଲ୍ଲିକୋଟ ଆନୁକୁଲ୍ୟରେ ଅନୁଷ୍ଠାନର ଅଧ୍ୟକ୍ଷ ଡ. ସନ୍ତୋଷ କୁମାର ପରିଡ଼ାଙ୍କ ଅଧ୍ୟକ୍ଷତାରେ ଜାତୀୟ ଗଣିତ ଦିବସ ୨୨ ଡିସେମ୍ବର ୨୦୨୫ ରେ ଆନୁଷ୍ଠାନିକ ରୀତିରେ ପାଳିତ ହୋଇଯାଇଛି। ଉକ୍ତ କାର୍ଯ୍ୟକର୍ମରେ ମୁଖ୍ୟ ଅତିଥି ରୂପେ ଡ. ସୁଧାନନ୍ଦ ମହାରଣା, ଆସିଷ୍ଟାଣ୍ଟ ପ୍ରଫେସର, ବିନାୟକ ଆଚାର୍ଯ୍ୟ ଡିଗ୍ରୀ ମହାବିଦ୍ୟାଳୟ, ବ୍ରହ୍ମପୁର , ଗଞ୍ଜାମ ଯୋଗ ଦେଇ ନିଜ ଅଭିଭାଷଣରେ ଜାତୀୟ ଗଣିତ ଦିବସର ଉପାଦେୟତା ଏବଂ ମହାନ୍ ଗଣିତଜ୍ଞ ଶ୍ରୀନିବାସ ରାମାନୁଜଙ୍କ ଗଣିତ କ୍ଷେତ୍ରରେ ଥିବା ଅବଦାନ ଏବଂ ତାଙ୍କ ଗଣିତର ଅବଦାନ ଆଜିର ଏହି ଏକବିଂଶ ଶତାବ୍ଦୀରେ ଦୈନନ୍ଦିନ ଜୀବନରେ ଗଣିତର ଆବଶ୍ୟକତା ସମ୍ପର୍କରେ ଗଭୀର ଭାବେ ଆଲୋକପାତ କରିଥିଲେ । ଏହି କାର୍ଯ୍ୟକର୍ମକୁ ଅନୁଷ୍ଠାନର ଶିକ୍ଷକ ପ୍ରଶିକ୍ଷକ ମୁକ୍ତିକାନ୍ତ ବେହେରା ସଂଯୋଜନା କରିଥିବା ବେଳେ ଶିକ୍ଷକ ପ୍ରଶିକ୍ଷକ ନବୀନ କୁମାର ପ୍ରମାଣିକ ଓ ଜିତେନ୍ଦ୍ର କୁମାର ପଣ୍ଡା ମଞ୍ଚ ପରିଚାଳନା କରୁଥିଲେ। ଉକ୍ତ ଦିବସ ଉପଲକ୍ଷେ ଗଣିତ,ଆର୍ଟ ଓ କ୍ରିଏଟିଭିଟି ପ୍ରସଙ୍ଗକୁ ଆଧାର କରି ଅନୁଷ୍ଠାନର ପ୍ରଥମ ଓ ଦ୍ବିତୀୟ ବର୍ଷ ଗୁରୁ ଛାତ୍ରଛାତ୍ରୀଙ୍କ ମଧ୍ୟରେ ପ୍ରତିଯୋଗିତା ଆୟୋଜନ କରାଯାଇଥିଲା । ଅନୁଷ୍ଠାନର ସମସ୍ତ ଗୁରୁ ଛାତ୍ରଛାତ୍ରୀ ଏଥିରେ ଅଂଗ୍ରହଣ କରି ନିଜ ନିଜର ଉପସ୍ଥାପନ ପ୍ରତିପାଦନ କରିଥିଲେ। ଅନୁଷ୍ଠାନର ବରିଷ୍ଠ ଶିକ୍ଷକ ପ୍ରଶିକ୍ଷକ ବିଷ୍ଣୁ ନାରାୟଣ ଜେନା, ଅଭିରାମ ବିଶ୍ବାଳ, ବରିଷ୍ଠ ଶିକ୍ଷକ ପ୍ରଶିକ୍ଷିକା ନିହାରିକା ସାମନ୍ତରାୟ, ପ୍ରଜ୍ଞା ପାରମିତା, ଶିକ୍ଷକ ପ୍ରଶିକ୍ଷକ ସୁକୁଲେଇ ଟୁଡୁ, ଶିକ୍ଷକ ପ୍ରଶିକ୍ଷିକା ଲିପିଶ୍ରୀ ଦେବୀ, ଜୟନ୍ତୀ ବେହେରା, କଲ୍ୟାଣୀ ଗୌଡ଼, ଭାବିଲିତା ନାୟକ, ଗାୟତ୍ରୀ ସ୍ୱାଇଁ, ଅନୁପମା ଦାସ, ବବିତା ସିଂ ନାୟକ, ସେକ୍ସନ ଅଫିସର ପ୍ରବେଶ କୁମାର ପଟ୍ଟନାୟକ ଓ ଅନ୍ୟ କର୍ମଚାରୀ ଆଶିଷ କୁମାର ସେଠୀ, ନିରୁପମା ପ୍ରଧାନ, ମନୋରଞ୍ଜନ ବାରିକ,ସୁକାନ୍ତି ସେଠୀ, ଜୟ ଶଙ୍କର ଗୌଡ଼, ଚନ୍ଦ୍ର ନାୟକ ପ୍ରମୁଖ ଉପସ୍ଥିତ ଥିଲେ। ସର୍ବ ଶେଷରେ ନବୀନ କୁମାର ପ୍ରମାଣିକ ଧନ୍ୟବାଦ ଅର୍ପଣ କରିଥିଲେ ।