Odisha Janamata : ଖଲ୍ଲିକୋଟ ରେ ନବ ଭାରତ ସାକ୍ଷରତା କାର୍ଯ୍ୟକ୍ରମ ଉଲ୍ଲାସ ପକ୍ଷରୁ 2ୟ ମୌଳିକ ସାକ୍ଷରତା ସଂଖ୍ୟା ଜ୍ଞାନ ପରୀକ୍ଷା ଅନୁଷ୍ଠିତ |

ଖଲ୍ଲିକୋଟ ରେ ନବ ଭାରତ ସାକ୍ଷରତା କାର୍ଯ୍ୟକ୍ରମ ଉଲ୍ଲାସ ପକ୍ଷରୁ 2ୟ ମୌଳିକ ସାକ୍ଷରତା ସଂଖ୍ୟା ଜ୍ଞାନ ପରୀକ୍ଷା ଅନୁଷ୍ଠିତ |

16-Mar-2026

ଖଲ୍ଲିକୋଟ : ନବ ଭାରତ ସାକ୍ଷରତା କାର୍ଯ୍ୟକ୍ରମ (ଉଲ୍ଲାସ) ପକ୍ଷରୁ ଦ୍ୱିତୀୟ ମୈଳିକ ସାକ୍ଷରତା ସଂଖ୍ୟା ଜ୍ଞାନ ପରୀକ୍ଷା ,

ଓଡିଶା ଜନ ମତ ବ୍ୟୁରୋ

ଭାରତ ସରକାରଙ୍କ ପ୍ରଣୀତ ଜନ ଶିକ୍ଷା ଅଭିଯାନ ନବ ଭାରତ ସାକ୍ଷରତା କାର୍ଯ୍ୟକ୍ରମ( ଉଲ୍ଲାସ )ର ମୁଖ୍ୟ ଲକ୍ଷ୍ୟ ଆଭିମୁଖ୍ୟ ନେଇ ଖଲ୍ଲିକୋଟ ଗୋଷ୍ଠୀ ଶିକ୍ଷା ଅଧିକାରୀ ଶ୍ରୀଯୁକ୍ତ ରୁଦ୍ର ନାରାୟଣ ସାହୁଙ୍କ ପ୍ରତ୍ୟକ୍ଷ ତତ୍ତ୍ଵାବଧାନରେ ନୋଡାଲ ଅଧିକାରୀ ତଥା ଅତିରିକ୍ତ ଗୋଷ୍ଠୀ ଶିକ୍ଷା ଅଧିକାରୀ ଶ୍ରୀଯୁକ୍ତ ରବିନାରାୟଣ ସେଠୀଙ୍କ ସୁପରିଚାଳନା ସଂଯୋଜନା କ୍ରମେ କ୍ଲଷ୍ଟର ତଥା ବିଦ୍ୟାଳୟ ସ୍ତରୀୟ ଦ୍ୱିତୀୟ ମୈ।ଳିକ ସାକ୍ଷରତା ସଂଖ୍ୟା ଜ୍ଞାନ ପରୀକ୍ଷା ଆଜି ଆୟୋଜିତ ହୋଇଯାଇଛି । ୧୫ ବର୍ଷ ବା ତାହାଠାରୁ ଅଧିକ ସମସ୍ତ ନିରକ୍ଷର ବ୍ୟକ୍ତିଙ୍କୁ ଅକ୍ଷର ଶିକ୍ଷା, ସଂଖ୍ୟା ଜ୍ଞାନ, ସାମାଜିକ ଚଳଣି ସକାଶେ ଦକ୍ଷତା ବୃଦ୍ଧି, ମୈ।ଳିକ ଶିକ୍ଷା, ନିରନ୍ତର ଶିକ୍ଷା, ବୈଷୟିକ ଜ୍ଞାନ କୌଶଳର ବ୍ୟବହାର ସାମାଜିକ ଅଂଶ ଗ୍ରହଣ ଆଦି ଶିକ୍ଷା ପ୍ରଦାନ ଉପରେ ଆଧାରିତ ଏହି କାର୍ଯ୍ୟକ୍ରମରେ ଖଲ୍ଲିକୋଟ ବ୍ଲକର ଷୋହଳ ଗୋଟି କ୍ଲଷ୍ଟରର ପରୀକ୍ଷାର୍ଥୀ ଆୟୋଜିତ ପରୀକ୍ଷା କେନ୍ଦ୍ରରେ ପରୀକ୍ଷା ଦେଇଛନ୍ତି । ଲଙ୍ଗଳେଶ୍ବର, କେଶପୁର, ଦାନପୁର, ଚିକିଲି, ପଥରା, ତାଳପଡା, କୈରାଶି, ଉସ୍ତାପଡା, ଟି. ବାଗଲ ପୁର, କହ୍ନେଇପୁର, ଆଭାସ, ବଧିନୂଆପଲ୍ଲୀ, ସାବୁଳିଆ, କଞ୍ଚଣା, ମଥୁରା, କନକା କ୍ଲଷ୍ଟର ଅଧୀନସ୍ଥ ୧୫୭ ଟି ପରୀକ୍ଷା କେନ୍ଦ୍ରରେ ୫୪୫ ଜଣ ପୁରୁଷ ୯୬୫ ଜଣ ମହିଳା ସର୍ବମୋଟ ୧୫୧୦ ଜଣ ପରୀକ୍ଷା ଦେଇଛନ୍ତି । ଆୟୋଜିତ ପରୀକ୍ଷା ସମ୍ପାଦନରେ ସମସ୍ତ ସି ଆର ସି ସି, ସ୍ୱେଚ୍ଛାସେବୀ ଶିକ୍ଷକ ଶିକ୍ଷୟିତ୍ରୀ ସମ୍ପୂର୍ଣ୍ଣ ସହଯୋଗ କରିଥିଲେ ।

ରିପୋର୍ଟ-
ଡକ୍ଟର ଦ୍ବାରିକାନାଥ ମହାରଣା
ଖଲ୍ଲିକୋଟ, ଗଂଜାମ