Odisha Janamata : ସେରିଗୁମାରେ ବିଜେପିରେ ମିଶିଲେ ବହୁତ କର୍ମୀ |

ସେରିଗୁମାରେ ବିଜେପିରେ ମିଶିଲେ ବହୁତ କର୍ମୀ |

21-Jul-2026

ସେରିଗୁମାରେ ଭାଜପାର ବିଶାଳ ମିଶ୍ରଣ ପର୍ବ : ବିଭିନ୍ନ ଦଳ ଛାଡ଼ି ୨୦୦ରୁ ଅଧିକ କର୍ମୀ ପଦ୍ମ ଧରିଲେ |

ଓଡିଶା ଜନମତ ରାୟଗଡା , ୨୧/୭,

କାମେଶ୍ୱର କରକରିଆ ;---------

ରାୟଗଡ଼ା ଜିଲ୍ଲା କଲ୍ୟାଣସିଂହପୁର ବ୍ଲକ ଅନ୍ତର୍ଗତ ମାଝିଗୁଡ଼ା ମଣ୍ଡଳର ସେରିଗୁମାଠାରେ ମଙ୍ଗଳବାର ଭାରତୀୟ ଜନତା ପାର୍ଟି (ଭାଜପା) ପକ୍ଷରୁ ଏକ ବିଶାଳ ମିଶ୍ରଣ ପର୍ବ ଅନୁଷ୍ଠିତ ହୋଇଯାଇଛି। ମାଝିଗୁଡ଼ା ମଣ୍ଡଳ ସଭାପତି ଅନିଲ କୁମାର ଜାଡିଙ୍କ ନେତୃତ୍ୱରେ ଆୟୋଜିତ ଏହି କାର୍ଯ୍ୟକ୍ରମରେ ବିଭିନ୍ନ ରାଜନୈତିକ ଦଳରୁ ପ୍ରାୟ ୨୦୦ରୁ ଅଧିକ କର୍ମୀ ନିଜ ନିଜ ଦଳ ଛାଡ଼ି ଆନୁଷ୍ଠାନିକ ଭାବେ ଭାଜପାରେ ଯୋଗଦାନ କରିଥିଲେ। କାର୍ଯ୍ୟକ୍ରମରେ ଦଳର ବରିଷ୍ଠ ନେତୃବୃନ୍ଦ ନୂତନ କର୍ମୀମାନଙ୍କୁ ଦଳୀୟ ଉତ୍ତରୀୟ ପିନ୍ଧାଇ ସ୍ୱାଗତ କରିବା ସହ ସଂଗଠନକୁ ଗ୍ରାମସ୍ତରରେ ଆହୁରି ସୁଦୃଢ଼ କରିବା ପାଇଁ ଆହ୍ୱାନ ଦେଇଥିଲେ।ଏହି ଅବସରରେ ରାୟଗଡ଼ା ଏସଡିସି ଅଧ୍ୟକ୍ଷ ବିଦ୍ୟାଧର ଶବର, ପୂର୍ବତନ ସାଂସଦ ପ୍ରାର୍ଥୀ କାଳୀ ମାଝୀ, ଭାଜପା ଜିଲ୍ଲା ସଭାପତି ଗୋପୀ ଆନନ୍ଦ, ରାଜ୍ୟ କାର୍ଯ୍ୟକାରିଣୀ ସଦସ୍ୟ ଅଶ୍ୱିନୀ କୋଞ୍ଚାଡ଼ା ଏବଂ ରାଜ୍ୟ ଯୁବମୋର୍ଚ୍ଚା ଉପସଭାପତି ଉମେଶ ଖୋସଲା ପ୍ରମୁଖ ଉପସ୍ଥିତ ରହି ନୂତନ କର୍ମୀମାନଙ୍କୁ ଉତ୍ସାହିତ କରିବା ସହ ଦଳର ସଂଗଠନ ବିସ୍ତାର ଏବଂ ବିକାଶମୂଳକ ଲକ୍ଷ୍ୟ ଉପରେ ଆଲୋକପାତ କରିଥିଲେ।ସେହିପରି ଜିଲ୍ଲା ସାଧାରଣ ସମ୍ପାଦକ ଭିକାରୀ ନାହକ, ଜିଲ୍ଲା ଉପସଭାପତି ଦୁଷ୍ମନ୍ତ ସିଂହଦେଓ, ଜିଲ୍ଲା ମହିଳା ମୋର୍ଚ୍ଚା ସଭାନେତ୍ରୀ ରାଜିତା କୋରାଡ଼ା, ମଣ୍ଡଳ ସାଧାରଣ ସମ୍ପାଦକ କେଶରୀ ଭତ୍ରାଙ୍କ ସମେତ ମଣ୍ଡଳ କମିଟିର ସମସ୍ତ ସଦସ୍ୟ ଉପସ୍ଥିତ ରହି କାର୍ଯ୍ୟକ୍ରମକୁ ସଫଳ କରିଥିଲେ।ବକ୍ତାମାନେ କହିଥିଲେ ଯେ, ଏତେ ସଂଖ୍ୟକ କର୍ମୀଙ୍କ ଭାଜପାରେ ଯୋଗଦାନ ଆଗାମୀ ଦିନରେ ସେରିଗୁମା ପଞ୍ଚାୟତ ସହ ସମଗ୍ର ମାଝିଗୁଡ଼ା ମଣ୍ଡଳରେ ଦଳର ସଂଗଠନକୁ ଅଧିକ ସଶକ୍ତ ଓ ସୁଦୃଢ଼ କରିବ ବୋଲି ସେମାନେ ଆଶା ପ୍ରକାଶ କରିଥିଲେ।