Odisha Janamata : ମମତାଙ୍କ ଟିଏମସି ଦଳକୁଇଡି ଜବତ କରିଥିବା ବ୍ୟାଙ୍କ ପରିଚାଳନା ପାଇଁମିଳିଲାନି ଅନୁମତି |

ମମତାଙ୍କ ଟିଏମସି ଦଳକୁଇଡି ଜବତ କରିଥିବା ବ୍ୟାଙ୍କ ପରିଚାଳନା ପାଇଁମିଳିଲାନି ଅନୁମତି |

21-Jul-2026

ମମତାଙ୍କ ଟିଏମ୍‌ସିକୁ ଅନୁମତି ଦେଲେନି ହାଇକୋର୍ଟ, ଇଡି ଜବତ କରିଥିବା ଆକାଉଣ୍ଟ ପରିଚାଳନା ପାଇଁ |

ଓଡିଶା ଜନ ମତ ବ୍ୟୁରୋ,

କ୍ଷମତା ଚାଲିଗଲା ପରେ ଶାସନ ରେ ରହି ଥିବା ସବୁ ରାଜନେତା ମୁଖ୍ୟଙ୍କୁଏବଂ ସେମାନଙ୍କ ନେତାମାନେ ଶାସକ ସରକାର ରେ ବହୁତ ଅସୁବିଧା ର ସମୁଖୀନ ହେବାର ବହୁତ ନଜିର ରହିଛି | ଏବେ ସେପରି ଗୋଟିଏ ଘଟଣା ଘଟିଛି ପଶ୍ଚିମ ବଙ୍ଗରେ |କୋଲ କାତା ହାଇକୋର୍ଟରୁ ମମତା ବାନାର୍ଜୀଙ୍କୁ ସୋମବାର ବଡ଼ ଝଟ୍‌କା ଲାଗିଛି। ପ୍ରବର୍ତ୍ତନ ନିର୍ଦ୍ଦେଶାଳୟ (ଇଡି) ଦ୍ବାରା ଜବତ ହୋଇଥିବା ଟିଏମ୍‌ସିର ତିନିଟି ବ୍ୟାଙ୍କ ଆକାଉଣ୍ଟ ପରିଚାଳନା କରିବାକୁ ମମତା ବାନାର୍ଜୀଙ୍କ ନେତୃତ୍ବାଧୀନ ତୃଣମୂଳ କଂଗ୍ରେସ (ଟିଏମ୍‌ସି) କୁ ଅନ୍ତରୀଣ ଅନୁମତି ମିଳିନାହିଁ | ପଶ୍ଚିମ ବଙ୍ଗପୁଲିସଦ୍ୱାରାଅଭିଯୋଗ କରାଯାଇଥିବାଅସତ୍ଆର୍ଥିକ କାରବାର,ବେଆଇନ ଅର୍ଥ ସଂଗ୍ରହ ଓ ଦଳର କିଛି ବ୍ୟାଙ୍କ ଆକାଉଣ୍ଟ ମାଧ୍ୟମ ରେ ସନ୍ଦିଗ୍ଧ ପାଣ୍ଠି ପଠାଇବା ସମ୍ପର୍କରେ ରୁଜୁ ହୋଇଥିବା ଏତଲା ଆଧାରରେ ତଦନ୍ତ ପରିପ୍ରେକ୍ଷୀରେ ଇଡି ତୃଣମୂଳ କଂଗ୍ରେସର ୪୪୦.୪୨ କୋଟି ଟଙ୍କା ସହିତ ତିନୋଟି ବ୍ୟାଙ୍କ ଆକାଉଣ୍ଟକୁ ଫ୍ରିଜ୍ କରିଛି।
ଏହି ମାମଲାରେପକ୍ଷମାନଙ୍କ ଯୁକ୍ତି ଶେଷ ହେବା ପରେ ଜଷ୍ଟିସ୍ କୃଷ୍ଣ ରାଓ ଜୁଲାଇ ୧୩ ତାରିଖରେ ଆବେଦନ ଉପରେ ମଧ୍ୟବର୍ତ୍ତୀକାଳୀନ ଆଦେଶ ସଂରକ୍ଷିତ ରଖି ଥିଲେ। ଅଧିକାରୀଙ୍କ ଅନୁଯାୟୀ, ପ୍ରବର୍ତ୍ତନ ନିର୍ଦ୍ଦେଶାଳୟ ପ୍ରାଥମିକ ତଦନ୍ତରେ ଜାଣିବାକୁ ପାଇଥିଲେ ଯେ, ଟିଏମ୍‌ସି ବ୍ୟାଙ୍କ ଆକାଉଣ୍ଟରୁକେୟାର ୱେଲ୍‌ ଏଭିଏସନ ଇଣ୍ଡିଆ ଲିମିଟେଡ ଓ ଏହାର ସହଯୋଗୀ ସଂସ୍ଥାକୁ ଏପ୍ରିଲ ୨୦୨୩ରୁ ଜୁନ୍‌ ୨୦୨୬ ମଧ୍ୟରେ ୧୬୦ କୋଟି ଟଙ୍କା ଟ୍ରାନ୍ସଫର୍‌ କରାଯାଇଛି।୨୦୨୩ରୁ ୨୦୨୬ ମଧ୍ୟରେ କମ୍ପାନି ଆହୁରି ୮୨.୯୬ କୋଟି ଟଙ୍କା ଅନ୍ୟ ଏକ ନୂତନ ସଂସ୍ଥାକୁ ପଠାଇଥିବା ଅଭିଯୋଗ ହୋଇଛି। ଏହି ସଂସ୍ଥାକୁ ଏକ ବଡ଼ ପରିମାଣ ର ରାଶି ସ୍ଥାନାନ୍ତରିତ ହୋଇ ଥିଲା। ଏଥିମଧ୍ୟରୁ ୧୧୨ କୋଟି ଟଙ୍କା ଏକ ଏମ୍ବ୍ରାର ଲିଗାସି ୬୦୦ ବ୍ୟବସାୟିକ ଜେଟ୍ ଓ ଏକ ଅଗଷ୍ଟା ୱେଷ୍ଟଲ୍ୟାଣ୍ଡ ୧୦୯ଏସପି ହେଲିକପ୍ଟର କ୍ରୟ ପାଇଁ ବ୍ୟବହୃତ ହୋଇଥିଲା ବୋଲି ଅଧିକାରୀମାନେ କହିଛନ୍ତି। ଯାହାଦ୍ୱାରା ପଶ୍ଚିମ ବଙ୍ଗର ପୂର୍ବତନ ମୁଖ୍ୟମନ୍ତ୍ରୀ ମମତା ବାନାର୍ଜୀ ଙ୍କ ତୃଣମୂଳ କୁ ଏକ ଜୋରଦାର ଝଟକା ଲାଗିଛି |