Odisha Janamata : ନ ବର୍ଷ ପରେ ନିଜ ଧର୍ମକୁ ଫେରିଲେ 3ପରିବାର,

ନ ବର୍ଷ ପରେ ନିଜ ଧର୍ମକୁ ଫେରିଲେ 3ପରିବାର,

27-Jul-2026

୯ ବର୍ଷ ପରେ ସମାଜକୁ ଫେରିଲେ ୩ ପରିବାର; କଣାଗାଁରେ ରୀତିନୀତି ଅନୁଯାୟୀ ପୁନଃ ସାମିଲ
ଓଡିଶା ଜନମତ ୨୬/୭, ରାୟଗଡା,

କାମେଶ୍ୱର କରକରିଆ:-----

ରାୟଗଡା ଜିଲ୍ଲା କଲ୍ୟାଣସିଂହପୁର ବ୍ଲକ ସେରିଗୁମା ପଞ୍ଚାୟତ ଅନ୍ତର୍ଗତ କଣାଗାଁରେ ରବିବାର କନ୍ଧକୂଳ ସମାଜର ରୀତିନୀତି ଅନୁଯାୟୀ ଦୀର୍ଘ ୯ ବର୍ଷ ଧରି ସମାଜରୁ ବାହାରେ ରହୁଥିବା ୩ଟି ପରିବାରଙ୍କୁ ପୁଣିଥରେ ସମାଜ ଓ ହିନ୍ଦୁ ଧର୍ମରେ ସାମିଲ କରାଯାଇଛି। ସୂଚନାନୁସାରେ କଣାଗାଁର ପ୍ରାୟ ୫୦ଟି ପରିବାର ମଧ୍ୟରୁ ମିନିଆକା ଜଗଲୁ, ମାଗୁ ସାରାକା ଓ ରାମସୁନ୍ଦ୍ର ସାରାକାଙ୍କ ପରିବାର ୯ ବର୍ଷ ପୂର୍ବେ ଖ୍ରୀଷ୍ଟିଆନ ଧର୍ମ ଗ୍ରହଣ କରିଥିବା ଅଭିଯୋଗରେ ଗ୍ରାମବାସୀଙ୍କ ଦ୍ୱାରା ସମାଜରୁ ବାସନ୍ଦ କରାଯାଇଥିଲା। ରବିବାର ସେହି ୩ଟି ପରିବାର ସମାଜର ରୀତିନୀତି ଅନୁସରଣ କରି ପୁନଃ ସମାଜରେ ସାମିଲ ହେବା ପରେ ସେମାନଙ୍କୁ ଗ୍ରାମବାସୀ ଓ ସମ୍ପର୍କୀୟମାନେ ସ୍ୱାଗତ କରିଥିଲେ।ଏହି ଅବସରରେ ସମାଜର ପ୍ରଥା ଅନୁଯାୟୀ ୨ଟି ଛେଳି, କୁକୁଡ଼ା, ପାରା, ନଡ଼ିଆ, ୨ ପ୍ୟାକେଟ ଚାଉଳ, ଏକ ବସ୍ତା ଆଳୁ ସହ ଅନ୍ୟାନ୍ୟ ସାମଗ୍ରୀ ଅର୍ପଣ କରାଯାଇଥିଲା। ଗାଁର ଦୁଇଟି ଝଙ୍କାର ଗୁଡ଼ି (ମନ୍ଦିର)ରେ (୧) ହାରି ବାମଣା ଓ (୨) ତିଳେ ରାଣୀଙ୍କ ନିକଟରେ ପାରମ୍ପରିକ ପୂଜାପାଠ ଓ ଧାର୍ମିକ ରୀତିନୀତି ସମ୍ପନ୍ନ ହୋଇଥିଲା। ଏହି କାର୍ଯ୍ୟକ୍ରମରେ ସେରିଗୁମା କନ୍ଧକୂଳ ସମାଜର ସଭାପତି ଆପାରଓ କୁଲେସିକାଙ୍କ ସମେତ କଣାଗାଁର ଜାନି (ମୁଖିଆ) ରାଇନା ପୀଡିଷିକା, କୁପୁଣି ପୀଡିଷିକା, ମୁକୁନା ପୀଡିଷିକା, ମୁଣି ପ୍ରାସ୍କା, ସୁବାରାଓ ପୀଡିଷିକା, ଇଲମା କୁଲେସିକା, କୁଡୁଞ୍ଜି ମାଣ୍ଡିକା, ଵାଳାଇ ପୀଡିଷିକା ପ୍ରମୁଖ ଉପସ୍ଥିତ ରହି ସମାଜର ପାରମ୍ପରିକ ରୀତିନୀତି ଅନୁଯାୟୀ ଉକ୍ତ ୩ଟି ପରିବାରଙ୍କୁ ପୁନଃ ସମାଜରେ ସାମିଲ କରିଥିଲେ।