Breaking
News
Breaking
News
Breaking
News
30-Aug-2026
(ପୋଲସରା ବିଜ୍ଞାନ ମହାବିଦ୍ୟାଳୟ)
ସେଲ୍ଫ ଫାଇନାନ୍ସିଂ କୋର୍ସ ଫିସ ଫେରସ୍ତ ଦାବିରେ ଛାତ୍ରଛାତ୍ରୀଙ୍କ ବିକ୍ଷୋଭ।
ଓଡ଼ିଶା ଜନମତ,ପୋଲସରା,30/08/26,
ସନ୍ତୋଷ କୁମାର ପଣ୍ଡା:-----
ସେଲ୍ଫଫାଇନାନ୍ସିଂ ନାମରେ ଅତିରିକ୍ତ ଫିସ ଏବଂ ଅସମାନତାକୁ ନେଇ ପୋଲସରା ବିଜ୍ଞାନ ମହାବିଦ୍ୟାଳୟର ଅଧ୍ୟୟନରତ ଛାତ୍ରଛାତ୍ରୀଙ୍କ ଦ୍ୱାରା ଚଳିତ ମାସ ୨୯ ତାରିଖ ଶନିବାର ଦିନ ବିକ୍ଷୋଭ ପ୍ରଦର୍ଶନ ହୋଇଯାଇଛି । ଛାତ୍ରଛାତ୍ରୀଙ୍କ ଅଭିଯୋଗ ଅନୁଯାୟୀ ମହାବିଦ୍ୟାଳୟର କେତେକ ବିଭାଗକୁ ସେଲ୍ଫ ଫାଇନାନ୍ସିଂ କୋର୍ସ ଭାବେ ଦର୍ଶାଇ ସାଧାରଣ ଫିସ ତୁଳନାରେ ଅତିରିକ୍ତ ଅର୍ଥ ଆଦାୟ କରାଯାଉଛି। ଏହି ଅତିରିକ୍ତ ଅଧିକା ଫିସ ଦେବା ଫଳରେ ଛାତ୍ରଛାତ୍ରୀଙ୍କୁ ଉପରେ ଅତିରିକ୍ତ ଆର୍ଥିକ ଚାପ ପଡ଼ୁଥିବା ଯୋଗୁଁ ଅନେକ ଅଭିଭାବକଙ୍କ ପାଇଁ ଏକ ନଳିତା ବିଡ଼ା ବୋଝ୍ ସଦୃଶ ହୋଇଛି। ବିଶେଷକରି ଏକାଧିକ ବିଭାଗର ଛାତ୍ରଛାତ୍ରୀମାନେ ଏହି ଫିସରେ ଥିବା ଅସମାନତାକୁ ନେଇ ପ୍ରଶ୍ନ ଉଠାଇବା ସହ ମହାବିଦ୍ୟାଳୟରେ ପଢୁଥିବା ଛାତ୍ରଛାତ୍ରୀଙ୍କ ମଧ୍ୟରେ ବିଭାଗ ଅନୁସାରେ ଫିସରେ ଏତେ ତଫାତ୍ କାହିଁକି ରହିଛି, ଅତିରିକ୍ତ ଫିସ ଆଦାୟର ନିୟମ କ`ଣ ଏବଂ ଏହି ଅର୍ଥ କେଉଁ କାର୍ଯ୍ୟରେ ବ୍ୟୟ ହେଉଛି, ସେନେଇ ମହାବିଦ୍ୟାଳୟ କର୍ତ୍ତୃପକ୍ଷଙ୍କ ଠାରୁ ସ୍ପଷ୍ଟତା ଦାବି କରିଛନ୍ତି । ପୁଣି ଛାତ୍ରଛାତ୍ରୀଙ୍କ କହିବା ଅନୁସାରେ ଉଚ୍ଚଶିକ୍ଷା ପାଇବାପାଇଁ ଅନେକ ପରିବାର ନିଜ ନିଜର ପିଲାମାନଙ୍କର ଇଚ୍ଛା ପୂରଣ ସକାଶେ ନିଜ ସାମର୍ଥ୍ୟ ଅନୁଯାୟୀ ଖର୍ଚ୍ଚ ବହନ କରିଆସୁଥିବା ବେଳେ ଏହି ଅତିରିକ୍ତ ଫିସ ଯୋଗୁ ସେମାନଙ୍କ ଶିକ୍ଷା ପାଇଁ ଖର୍ଚ୍ଚ ବଢୁଛି। ଏଥିସହିତ ଗରିବ ଓ ମଧ୍ୟବିତ୍ତ ପରିବାରର ଛାତ୍ରଛାତ୍ରୀଙ୍କ ପାଇଁ ଅଧିକ ସମସ୍ୟା ସୃଷ୍ଟି କରୁଛି ବୋଲି ଗୁରୁତର ଅଭିଯୋଗ କରିଛନ୍ତି। ଏଣୁ ଛାତ୍ରଛାତ୍ରୀଙ୍କ ମୁଖ୍ୟ ଦାବି ମଧ୍ୟରୁ ମହାବିଦ୍ୟାଳୟର ଉକ୍ତ ୭ ଗୋଟି ବିଭାଗରେ ସେଲ୍ଫ ଫାଇନାନ୍ସିଂ କୋର୍ସ ନାମରେ ଆଦାୟ କରାଯାଉଥିବା ଅତିରିକ୍ତ ଫିସ ବ୍ୟବସ୍ଥାର ସମ୍ପୂର୍ଣ୍ଣ ପୁନଃବିଚାର କରାଯାଉ, ପୂର୍ବରୁ ଆଦାୟ ହୋଇଥିବା ଉକ୍ତ ଅତିରିକ୍ତ ଅର୍ଥ ଛାତ୍ରଛାତ୍ରୀଙ୍କୁ ଫେରସ୍ତ କରାଯାଉ, ସମସ୍ତ ବିଭାଗ ପାଇଁ ସମାନ, ସ୍ପଷ୍ଟ, ସ୍ୱଚ୍ଛ ଓ ନ୍ୟାୟସ°ଗତ ଫିସ ବ୍ୟବସ୍ଥା ଲାଗୁ କରାଯାଉ ବୋଲି ଦାବିଗୁଡ଼ିକୁ ନେଇ ମହାବିଦ୍ୟାଳୟର ଅଧ୍ୟକ୍ଷଙ୍କ ନିକଟରେ ଦାବିପତ୍ର ଜରିଆରେ ଉପସ୍ଥାନ କରିଥିଲେ । ପରେ ଏହି ଦାବୀ ସମସ୍ୟାକୁ ନେଇ ଅଧ୍ୟକ୍ଷ ଡଃ ଭଗବାନ ତ୍ରିପାଠୀଙ୍କୁ ପ୍ରଶ୍ନ ପଚାରିବାରୁ ସେ କହିଛନ୍ତି ଯେ, ସେ ଛାତ୍ରଛାତ୍ରୀଙ୍କ ଦାବିକୁ ସମୀକ୍ଷା କରିଛନ୍ତି ଏବଂ ଅତିରିକ୍ତ ଫିସ କିପରି ଛାତ୍ରଛାତ୍ରୀଙ୍କୁ ଫେରସ୍ତ କରାଯାଇପାରିବ ସେନେଇ ଉଚ୍ଚ କର୍ତ୍ତୃପକ୍ଷଙ୍କୁ ଅବଗତ କରାଯାଇଛି । ତେବେ ବର୍ତ୍ତମାନ ଦେଖିବାକୁ ରହିଲା ଅସନ୍ତୁଷ୍ଟ ଛାତ୍ରଛାତ୍ରଙ୍କୁ ସେମାନଙ୍କ ସମସ୍ତ ଦାବିଗୁଡ଼ିକ ପ୍ରତି କେତେଶିଘ୍ର ବିଚାର କରାଯାଇ ଉଚ୍ଚକର୍ତ୍ତୃପକ୍ଷ ଆବଶ୍ୟକ ପଦକ୍ଷେପ ନେଇ ଏହି ସୃଷ୍ଟ ସମସ୍ୟାକୁ ସମାଧାନ କରିବାରେ ଚେଷ୍ଟା କରୁଛନ୍ତି।
Copyright @ 2024 All rights reserved. ଓଡିଶା ଜନମତ
BACK TO TOP