Odisha Janamata : ପଶ୍ଚିମ ଓଡ଼ିଶାର ଗଣ ପର୍ବ ନୂଆଖାଇ ଏବଂ ଜୁହାର ଓ ଭେଟ ଭାଟ ଧୁମ, ଧାମ ରେ ସରିଲା

ପଶ୍ଚିମ ଓଡ଼ିଶାର ଗଣ ପର୍ବ ନୂଆଖାଇ ଏବଂ ଜୁହାର ଓ ଭେଟ ଭାଟ ଧୁମ, ଧାମ ରେ ସରିଲା | ସରିଲା

16-Sep-2026

ଧୁମ୍‌ଧାମ୍‌ରେ ପାଳିତ ହେଲା ନୂଆଁଖାଇ କଳା ହାଣ୍ଡି ଓ ସମ୍ବଲପୁର ଓ ବଲାଙ୍ଗୀର ଜିଲ୍ଳାରେ |ଓଡିଶା ଜନ ମତ

କଳାହାଣ୍ଡି ଓ ସମ୍ବଲ ପୁର, ବଲାଙ୍ଗୀର ର ପଶ୍ଚିମ ଓଡ଼ିଶାରେ ଧୁମ୍‌ଧାମ୍‌ରେ ପାଳିତ ହେଲା ନୂଆଁଖାଇ, ଖିରି, ପିଠାରେ ମହକିଲା ପଶ୍ଚିମ ଓଡ଼ିଶାର ଗଣପର୍ବ ନୂଆଁଖାଇ | ମଙ୍ଗଳବାର କଳାହାଣ୍ଡି , ବଲାଙ୍ଗୀର ଓ ସମ୍ବଲ ପୁର ଜିଲାରେ ଧୁମ୍‌ଧାମରେ ପାଳିତ ହୋଇଯାଇଛି ନୁଆଁ ଖାଇ । ଜିଲାର ସର୍ବପୁରାତନ ଜୁନାଗଡ଼ ସହରସ୍ଥିତ ଦଧିବାମନ ମନ୍ଦିରରେ ସକାଳ ୯ଟା ୪୯ରେ ନବାନ୍ନ ଲାଗି ହୋଇଥିଲା।ସେହି ପରି ସମ୍ବଲ ପୂରର ସମଲେଶ୍ୱରୀ ଓ ବଲାଙ୍ଗୀର ର ପାଟଣେ ଶ୍ୱରୀ ଙ୍କ ନିକଟରେ ମଧ୍ୟ ପୂଜାର୍ଚନା ପରେ ବର୍ଷର ନୁଆଁ ଶସ୍ୟ ସବୁ ଠାକୁର ଙ୍କୁ ଲାଗୁହେଲା ପରେ ସହରର ପ୍ରତ୍ୟେକ ବର୍ଗର ଲୋକ ମହାପ୍ରଭୁଙ୍କୁ ଲାଗିଥିବା ନବାନ୍ନ ଭୋଗ ଘରକୁ ନେଇଥିଲେ। ସେହି ଭୋଗ ପୁଣି ନିଜ ଇଷ୍ଟଦେବୀଙ୍କୁ ସମର୍ପଣ କରି ପରିବାର ସଦସ୍ୟ ଏକାଠି ନୂଆଁ ଖାଇଥିଲେ | ଏହି ପର୍ବର ଅନନ୍ୟ ପରମ୍ପରା ହେଉଛି ପରିବାରର ସମସ୍ତ ସଦସ୍ୟ ଏକାଠି ହେବା। ଯିଏ ଯେତେ ଦୂରରେ ଥାଆନ୍ତୁ ନା କାହିଁକି ବର୍ଷକୁ ଥରେ ଏହି ପର୍ବରେ ସାମିଲ ହେବାକୁ ନିଜ ଗାଁ ବା ସହରକୁ ଆସିଥାନ୍ତି। ତେଣୁ ଏହାକୁ ଭାଇଚାରାର ପର୍ବ ବୋଲି କୁହାଯାଏ। ଜିଲାର ବିଭିନ୍ନ ସହର ଓ ଗ୍ରାମାଞ୍ଚଳରେ ଭିନ୍ନ ସମ୍ପ୍ରଦାୟର ଲୋକେ ନୂଆଁଖାଇ ପାଳନ କରିଥିଲେ।

ସକାଳେ ପ୍ରତ୍ୟେକ ଘରେ ବିଭିନ୍ନ ପ୍ରକାର ପିଠା, ଖିରି, ନୂଆଧାନର ଚୁଡ଼ା ଇଷ୍ଟ ଦେବଦେବୀଙ୍କୁ ନିକଟରେ ଲାଗି କରାଯାଇଥିଲା। ପରେ ପରିବାରର ସମସ୍ତେ ଏକାଠି ବସି ନବାନ୍ନ ଭକ୍ଷଣ କରିଥିଲେ। ବିଶେଷ କରି ଅଞ୍ଚଳର ବ୍ରାହ୍ମଣ, ପାଇକ, ମେହେର (ଭୁଲିଆ), ବଙ୍କା, କୁମ୍ଭାର, ମାଳୀ, ଦଳିତ, ଆଦିବାସୀ, ଲୋହରା, ଯାଦବ ଆଦି ସମ୍ପ୍ରଦାୟର ଲୋକେ ଏକାଠି ହୋଇ ନୂଆଁ ଖାଇଥାନ୍ତି। ବଲାଙ୍ଗୀର ର ଉପମୁଖ୍ୟ ମନ୍ତ୍ରୀ କନକ ବର୍ଦ୍ଧନ ସିଂହ ଦେଉ, ଓ ଅନ୍ୟନ୍ୟ ରାଜ ପରିବାର ସଦସ୍ୟ ମାନେ ମଧ୍ୟ ଠାକୁରଙ୍କୁ ପୂଜା କରି ନବର୍ଣ୍ଣ ଗ୍ରହଣ କରି ଥିଲେ | ସେହିପରି ସମ୍ବଲପୁର ରବିଧାୟକ, ପୂର୍ବତନ କେନ୍ଦ୍ର ଶିକ୍ଷା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ, ଓ ଅନ୍ୟାନ୍ୟବ୍ୟକ୍ତି, ଜସନସାଧାରଣ, ମଧ୍ୟ ସମଲେଶ୍ୱରୀ ଙ୍କୁ ପୂଜା କରି ନବର୍ଣ୍ଣ ଗ୍ରହଣ କରିଥିଲେ |ସେହିପରି ଚିଚୈଗୁଡାରେ ପୂର୍ବତନ ମନ୍ତ୍ରୀ ହିମାଂଶୁ ଶେଖର ମେହେର ଓ ପ୍ରଗତି ଅନୁଷ୍ଠାନର ମୁଖ୍ୟ ଇଂ. ଅଜୟ ପଣ୍ଡା ମଧ୍ୟ ନୂଆଁଖାଇରେ ପରିବାର ସହ ସାମିଲ ହୋଇଥିଲେ। ନବାନ୍ନ ଭକ୍ଷଣ ପରେ ପ୍ରଥମେ ନିଜ ସମ୍ପ୍ରଦାୟର ବୟୋଜ୍ୟେଷ୍ଠଙ୍କୁ ପ୍ରଣାମକରି ଗାଁ ଦାଣ୍ଡରେ ଗ୍ରାମବାସୀଙ୍କ ସହ ଜୁହାର ଭେଟ କରି ଦିଅଁଦର୍ଶନ ପରମ୍ପରା ରହିଛି। ସେହି ଅନୁଯାୟୀ ଅପରାହ୍ନରୁ ରାତି ପର୍ଯ୍ୟନ୍ତ ବିଭିନ୍ନ ଦେବାଳୟରେ ଶ୍ରଦ୍ଧାଳୁଙ୍କ ଭିଡ଼ ଜମିଥିଲା। ଅନ୍ୟପକ୍ଷେ ଅଞ୍ଚଳରେ ଆନନ୍ଦ ଓ ଉତ୍ସାହର ମାହୋଲ ରହିଛି | ଏହାପରେ ସାଂସ୍କୃତିକ କାର୍ଯ୍ୟକ୍ରମ ମଧ୍ୟ ହୋଈ ଥିଲା |