Odisha Janamata : ବିଜେପି ନେତା ପୀତବାସ ପଣ୍ଡାଙ୍କ ବିୟୋଗରେ ଶୋକସଭା ||

ବିଜେପି ନେତା ପୀତବାସ ପଣ୍ଡାଙ୍କ ବିୟୋଗରେ ଶୋକସଭା ||

13-Oct-2025

ପୀତବାସ ଥିଲେ ଗରିବଙ୍କ ଦରଦୀ ବନ୍ଧୁ,

( ତାଙ୍କ ବିୟୋଗରେ ଶୋକସଭା ଅନୁଷ୍ଠିତ,

ବରିଷ୍ଠ ଆଇନ ଯିଵି ତଥା ଗରୀବର ଦରଦୀ ବନ୍ଧୁ ଏବଂ ଭାରତୀୟ ଜନତା ପାର୍ଟିର ନେତା ତଥା ବାର୍ କାଉନସିଲ ମେମ୍ବର ସ୍ଵର୍ଗତ ପୀତବାସ ପଣ୍ଡାଙ୍କ ଉଦ୍ଦେଶ୍ୟରେ ଦଳୀୟ ଜିଲ୍ଲା କାର୍ଯ୍ୟାଳୟ ଠାରେ ବିଜେପି ଜିଲ୍ଲା ସଭାପତି ସରୋଜ ସାବତଙ୍କ ଅଧ୍ଯକ୍ଷତାରେଏକ ଶୋକ ସଭା ଅନୁଷ୍ଠିତ ହୋଇଯାଇଛି | ସ୍ୱର୍ଗତ ପୀତବାସ ପଣ୍ଡାଙ୍କୁ ଶ୍ରଦ୍ଧାଞ୍ଜଳି ଜଣାଇ ଦଳୀୟ ନେତୃବୃନ୍ଦ ପଣ୍ଡା ଜଣେ ଅନ୍ୟାୟ ଅତ୍ୟାଚାର ବିରୁଦ୍ଧରେ ଲଢ଼ୁଥିବା ନିର୍ଭିକଏବଂ ସାହସିକତାର ବ୍ୟକ୍ତିତ୍ୱ ଥିଲେ, ଗତ ୬ ତାରିଖରେ ନିଜ ଘର ସମ୍ମୁଖ ରେ ଦୁର୍ବୃତ୍ତ ମାନଙ୍କ ଗୁଳିରେ ସେ ନିହତ ହୋଇଥିଲେ,ସେହି ଘଟଣା ରେ ଭାରତୀୟ ଜନତା ପାର୍ଟି ତଥା ସମଗ୍ର ବ୍ରହ୍ମପୁର ସହର ଓ ଗଞ୍ଜାମ ଜିଲ୍ଲା ବାସୀଙ୍କୁ ସ୍ତବ୍ଧ କରିଥିଲା । ଯୋଜନାବଦ୍ଧ ଭାବେ ଏହିପରି ହତ୍ୟା ଘଟଣାକୁ ସମସ୍ତ ଦଳୀୟ ନେତୃବୃନ୍ଦ ଦୃଢ ନିନ୍ଦା କରିବା ସହ ଗୁଳିକରିଥିବା ଦୁଇ ଜଣ ଅପରାଧୀଙ୍କ ସହିତ ସେମାନଙ୍କୁ ସହଯୋଗ କରିଥିବା ଯେଉଁ ବ୍ୟକ୍ତି ବିଶେଷ ହୋଇଥାନ୍ତୁ ନା କାହିଁକି ତାଙ୍କୁ ତୁରନ୍ତ ଧରାଯାଇ ସେମାନଙ୍କ ବିରୁଦ୍ଧରେଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ମତ ଦେଇ ଥିଲେ। ଏହି କାର୍ଯ୍ୟକ୍ରମରେ ବ୍ରହ୍ମପୁର ବିଧାୟକ କେ.ଅନିଲ
କୁମାର, ଦିଗ ପହଣ୍ଡି ବିଧାୟକ ସିଦ୍ଧାନ୍ତ ମହାପାତ୍ର, ଚିକିଟି ବିଧାୟକ ମନୋରଞ୍ଜନ ଦ୍ୟାନସାମନ୍ତରା, ଛତ୍ରପୁର ବିଧାୟକ କୃଷ୍ଣ ଚନ୍ଦ୍ର ନାୟକ, କାହ୍ନୁ ଚରଣ ପତି, ଶିଶିର ପାଢୀ, ବରିଷ୍ଠ ଆଇନଜୀବି ତଥା ରାଜନୈତିକ ସମୀକ୍ଷକ ଅଜିତ ସାହୁ, ରାଜ୍ୟ ମିଡ଼ିଆ ପେନାଲିଷ୍ଟ ଟି.ଗୋପି, ଆସ୍କା, ବ୍ରହ୍ମପୁର ଏବଂ କନ୍ଧମାଳ ତିନୋଟି ଲୋକସଭା କ୍ଷେତ୍ର ଦାୟୀତ୍ବରେ ଥିବା ଦଳର ବରିଷ୍ଠ ନେତା ସୁନିଲ କୁମାର ସାହୁ, ଜିଲ୍ଲା ସାଧାରଣ ସମ୍ପାଦକ ପ୍ରଭାତ କିରଣ ଷଡଙ୍ଗୀ, ସିଦ୍ଧାନ୍ତ ଗଙ୍ଗଦେବ, ଜିଲ୍ଲା ଉପସଭାପତି ପରେଶ ଚନ୍ଦ୍ର ରଥଙ୍କ ସମେତ ଶତାଧିକ ଦଳୀୟ କାର୍ଯ୍ୟକର୍ତ୍ତା ସ୍ୱର୍ଗତ ପୀତବାସ ପଣ୍ଡାଙ୍କ ଫଟୋରେ ପୁଷ୍ପମାଲ୍ୟ ଅର୍ପଣ କରି ଅମର ଆତ୍ମାର ସଦଗତି କାମନା କରିଥିଲେ।