Odisha Janamata : ସାକ୍ଷୀଗୋପାଳ ରେ ପବିତ୍ର ଆଁଳା ନବମୀ ରେ ରାଧାରାଣୀ ଙ୍କ ଦର୍ଶନ କଲେ ଲକ୍ଷ, ଲକ୍ଷ ଭକ୍ତ |

ସାକ୍ଷୀଗୋପାଳ ରେ ପବିତ୍ର ଆଁଳା ନବମୀ ରେ ରାଧାରାଣୀ ଙ୍କ ଦର୍ଶନ କଲେ ଲକ୍ଷ, ଲକ୍ଷ ଭକ୍ତ |

31-Oct-2025

ଆଁଳା ନବମୀ ରେ ସାକ୍ଷୀଗୋପାଳ ରେ ରାଧା ପାଦ ଦର୍ଶନ କଲେଲକ୍ଷ, ଲକ୍ଷ, ଭକ୍ତ,

ଓଡିଶା ଜନ ମତ ବ୍ୟୁରୋ,

କାର୍ତ୍ତିକ ମାସ ଶୁକ୍ଳପକ୍ଷ ନବମୀ ତିଥିକୁ ରାଜ୍ୟ ଓ ଦେଶରେ ସବୁଠାରେ ସମସ୍ତେ ପବିତ୍ର ଅଁଳା ନବମୀରୂପେ ପାଳନ କରନ୍ତି । ଓଡ଼ିଶାର ପୂରପଲ୍ଲୀ ଠାରୁ ଦିଲ୍ଲୀ ପର୍ଯ୍ୟନ୍ତ ସବୁଠାରେ ଏହା ପାଳନ କରାଯାଏ | ସେମଧ୍ୟରେ ପୁରୀ ଜିଲ୍ଲା ସାକ୍ଷୀଗୋପାଳ ମନ୍ଦିରରେ ଅବସ୍ତିତ ସାକ୍ଷୀ ଗୋପାଳ ଙ୍କ ପାଖରେ ବିଦ୍ୟମାନ ରାଧାରାଣୀ ଙ୍କ ଓଡ଼ିଆଣୀ ବେଶସାଙ୍ଗକୁ ପାଦ ଦର୍ଶନ ପାଇଁ ଅସଂଖ୍ୟ ଶ୍ରଦ୍ଧାଳୁଙ୍କ ଭିଡ଼ ଦେଖୁବାକୁ ମିଳିଛି ।ବର୍ଷକରେ ଦିନ ଟିଏ ଏହି ଦୁର୍ଲଭ ବେଶ ଦର୍ଶନ ପାଇଁ ଲକ୍ଷାଧୂକ ଭକ୍ତଙ୍କ ଗହଳି ଲାଗିଛି । ଗଲକାଲି ରାତି ୧ଘଣ୍ଟ ଠାରୁ ମନ୍ଦିର ଖୋଲାଯାଇ ମଙ୍ଗଳ ଆଳତି ଓ ଅବକାଶ ନୀତି ଆଦି କରାଯାଇ ରାଧାରାଣୀଙ୍କୁ ସୁସଜ୍ଜିତ ବେଶ କରାଯାଇଛି । ସୁବର୍ଣ୍ଣ ଅଳଙ୍କାରରେ ସଜ୍ଜିତ ହୋଇଛନ୍ତି ମାଆ ରାଧାରାଣୀ ଓ ପ୍ରଭୁ ସାକ୍ଷୀ ଗୋପୀନାଥ । ଶ୍ରଦ୍ଧାଳୁଙ୍କ ଭିଡ଼କୁ ନଜରରେ ରଖ୍ ପ୍ରଶାସନ ପକ୍ଷରୁ ବ୍ୟାପକ ବନ୍ଦୋବସ୍ତ କରାଯାଇଛି । ଉଭୟ ପୁଲିସ ଓ ପ୍ରଶାସନ ପକ୍ଷରୁ ଶୃଙ୍ଖଳିତ ଦର୍ଶନ ବ୍ୟବସ୍ଥା କରାଯାଇଛି | ମନ୍ଦିର ଭିତରକୁଭକ୍ତଙ୍କ ପ୍ରବେଶ ପାଇଁ ବ୍ୟାରିକେଡ୍ ନିର୍ମାଣ କରାଯାଇଛି । ସୁରକ୍ଷା ଦାୟିତ୍ୱରେ ରହିଛନ୍ତି ୨୦ ପ୍ଲାଟୁନ ଫୋର୍ସ । ଅନ୍ୟ ପକ୍ଷରେ ଠାକୁରଙ୍କ ସଅଳ ନୀତିକାନ୍ତି ସହ ଶୀଘ୍ର ବେଶ ସାରିବାକୁ ସେବାୟତଙ୍କୁ ନିବେଦନ କରିଛି ପ୍ରଶାସନ । ତେବେ ଶାସ୍ତ୍ର ଓ ଲୋକକଥା ରହିଛି କି ଆଜିର ଦିନରେ ଯିଏ ରାଧାରାଣୀ ଙ୍କ ପାଦ ଦର୍ଶନ କରିବ ତେବେ ସେ ସର୍ବମୋକ୍ଷ ପ୍ରାପ୍ତ ହୋଇଚତୁବର୍ଗ ଫଳ ସହିତ ବୈକୁଣ୍ଠ ରେ ସ୍ଥାନ ପାଇବ | ତେଣୁ କାର୍ତ୍ତିକ ମାସରେ ହବିଷ କରୁଥିବା ହବିଷ୍ୟାଳି ମାନଙ୍କ ସହିତ ବହୁ ଭକ୍ତ ଏଠାକୁ ଆସି ସାକ୍ଷୀ ଗୋପୀନାଥ ଓ ରାଧାରାଣୀ ଙ୍କ ଓଡ଼ିଆ ବେଶ ସହିତ ପାଦ ଦର୍ଶନ କରନ୍ତି |