Odisha Janamata : ଖୋର୍ଦ୍ଧା ଜିଲ୍ଲା ପ୍ରଶାସନ ଓକ୍ରୀଡା ବିଭାଗ ତରଫରୁ ଲୌହ ମାନବ ସର୍ଦ୍ଦାର ବଲ୍ଲଭ ଭାଇ ପଟେଲ ଙ୍କ ଜନ୍ମ ଜୟନ୍ତୀ ଏବଂ ଗଣ ଦୌଡ଼ ଅନୁଷ୍ଠିତ |

ଖୋର୍ଦ୍ଧା ଜିଲ୍ଲା ପ୍ରଶାସନ ଓକ୍ରୀଡା ବିଭାଗ ତରଫରୁ ଲୌହ ମାନବ ସର୍ଦ୍ଦାର ବଲ୍ଲଭ ଭାଇ ପଟେଲ ଙ୍କ ଜନ୍ମ ଜୟନ୍ତୀ ଏବଂ ଗଣ ଦୌଡ଼ ଅନୁଷ୍ଠିତ |

31-Oct-2025

ଖୋର୍ଦ୍ଧା ଜିଲ୍ଲା ପ୍ରଶାସନ ତଥା କ୍ରୀଡା ବିଭାଗ ପକ୍ଷରୁ ଲୌହ ମାନବ ସର୍ଦାର ବଲ୍ଲଭ ଭାଇ ପଟେଲ ଙ୍କ ଜନ୍ମ ଜୟନ୍ତୀ ଓ ରାଷ୍ଟ୍ରୀୟ ଏକତା ଦିବସ ଉପଲକ୍ଷେ ବିରାଟ ଗଣଦୌଡ଼ --ସାମିଲ ହେଲେ ଶତାଧିକ ଯୁବକ

ଓଡିଶା ଜନମତ, ଖୋର୍ଦ୍ଧା, ଗୋପାଲକୃଷ୍ଣ ପ୍ରଧାନ

ଅଖଣ୍ଡ ଭାରତ କୁ ଏକତାର ସୂତ୍ର ରେ ବାନ୍ଧି ଭାରତ ର ଏକତା, ସାର୍ବଭୌମତା ଓ ସୁରକ୍ଷାକୁ ରକ୍ଷା କରିବାକୁ ଅହରହ ଚେଷ୍ଟା କରିଥିବା ଦେଶ ସେବକ ସର୍ଦ୍ଧାର ବଲ୍ଲଭ ଭାଇ ପଟେଲ ଙ୍କ 150 ତମ ଜନ୍ମ ଜୟନ୍ତୀ ତଥା ରାଷ୍ଟ୍ରୀୟ ଏକତା ଦିବସ ଅବସରେ ଖୋର୍ଦ୍ଧା ଜିଲ୍ଲା ପ୍ରଶାସନ ତଥା ଜିଲ୍ଲା କ୍ରୀଡା ବିଭାଗ ଆୟୋଜନ ରେ ଏକ ଗଣ ଦୌଡ଼ ଅନୁଷ୍ଠିତ ହୋଇଯାଇଛି l ଏହି ଗଣ ଦୌଡ଼ କାର୍ଯ୍ୟକ୍ରମ ରେ ଜିଲ୍ଲାର ବିଭିନ୍ନ ସ୍କୁଲ, କଲେଜ, ର ଛାତ୍ରଛାତ୍ରୀ, ସ୍ବେଛାସେବୀ, ପ୍ରମୁଖ ପାଖାପାଖି 1000 ଉର୍ଦ୍ଧ ଯୋଗଦେଇ ଏହି ମିନି ମାରାଥନ ରେ ଅଂଶଗ୍ରହଣ କରିଥିଲେ l ଖୋର୍ଦ୍ଧା ଜିଲ୍ଲାର ଏସପି ଙ୍କ କାର୍ଯ୍ୟାଳୟ ଠାରୁ ଆରମ୍ଭ ହୋଇଥିବା ଏହି ଗଣ ଦୌଡ଼ କୁ ଖୋର୍ଦ୍ଧା ବିଧାୟକ ପ୍ରଶାନ୍ତ ଜଗଦେବ ଓ ପୋଲିସ ଆରକ୍ଷୀ ଅଧିକ୍ଷକ ବିବେକାନନ୍ଦ ଶର୍ମା ପତାକା ଦେଖାଇ ଶୁଭାରମ୍ଭ କରିଥିଲେ l ପରେ ସମସ୍ତ ଗଣ ଦୌଡ଼ କାରି ଛାତ୍ର ଛାତ୍ରୀ, ଯୁବକ, ଓ ଜିଲ୍ଲାର ସମସ୍ତ ଅଧିକାରୀ ଖୋର୍ଦ୍ଧା ଜିଲ୍ଲାପାଳ ଙ୍କ କାର୍ଯ୍ୟାଳୟ ଦେଇ ଖୋର୍ଦ୍ଧା ସହର ପରିକ୍ରମା କରି ଖୋର୍ଦ୍ଧା ବିଜୁ ପଟ୍ଟନାୟକ ଇଣ୍ଡୋର ଷ୍ଟାଡିଅମ ପର୍ଯ୍ୟନ୍ତ ଯାଇଥିଲେ l.ଏହି ଅବସରେ ବିଧାୟକ ଶ୍ରୀ ଜଗଦେବ କହିଥିଲେ ଏକ ଭାରତ ଆତ୍ମନିର୍ଭଳଶୀଳ ଭାରତ ତଥା ବିକଶିତ ଭାରତ ଗଠନ କରିବାକୁ ହେଲେ ଆମେ ସମସ୍ତେ ଏକ ହେବା ଦରକାର l ବିଶେଷ କରି ଆମର ଏହି ଅଖଣ୍ଡ ଭାରତ ର ସୁରକ୍ଷା, ସାର୍ବଭୌମତା ଓ ସୁରକ୍ଷା ପାଇଁ ଅହରହ ଚେଷ୍ଟା କରିଥିବା ସେହି ମହାନ ଦେବ ପୁରୁଷ ସର୍ଦାର ବଲ୍ଳଭ ଭାଇ ପଟେଲ ଙ୍କ ନୀତି ଆଦର୍ଶ ରେ ଅନୁପ୍ରାଣିତ ହୋଇ ଏକତାର ସହିତ ଆଗେଇବା ଦରକାର ବୋଲି ଉପସ୍ଥିତ ଯୁବକ ମାନଙ୍କୁ ଆହ୍ୱାନ ଦେଇଥିଲେl.ସେହିପରି ଖୋର୍ଦ୍ଧା ଆରକ୍ଷୀ ଅଧିକ୍ଷକ ଶ୍ରୀ ବିବେକାନନ୍ଦ ଶର୍ମା କହିଲେ ସର୍ଦ୍ଧାର ବଲ୍ଳଭ ଭାଇ ପଟେଲ ଙ୍କ ଏକତା ଓ ଦେଶର ସୁରକ୍ଷା ର ମନ୍ତ୍ର କୁ ଆମ ଜୀବନ ର ବ୍ରତ ଭାବେ ଅନୁକରଣ କରି ତାଙ୍କର ଜନ୍ମ ଜୟନ୍ତୀ କୁ ଏକତା ଦିବସ ରୂପେ ପାଳନ କରାଯାଉଛି ବୋଲି କହିଥିଲେ l ଏହି ଗଣ ଦୌଡ଼ କାର୍ଯ୍ୟକ୍ରମ ରେ ଅନ୍ୟମାନଙ୍କ ମଧ୍ୟରେ ଅବକାରୀ ବିଭାଗ ଅଧିକ୍ଷକ ସୁମତି ତ୍ରିପାଠୀ, ଜିଲ୍ଲା ପରିଷଦ ମୁଖ୍ୟ ଉନ୍ନୟନ ଅଧିକାରୀ ଜ୍ୟୋତି ଶଙ୍କର ସାହୁ,ଅତିରିକ୍ତ ଆରକ୍ଷୀ ଅଧିକ୍ଷକ ଶ୍ରୀନିବାସ ମହାନ୍ତି, ଡ଼ିଏସପି ଅନାଦି ସେଠି,ଏସଡ଼ିପିଓ ଖୋର୍ଦ୍ଧା ନିହାର ରଞ୍ଜନ ପ୍ରଧାନ, ଅନିଲ କୁମାର ମହାନ୍ତି,ଜିଲ୍ଲା କ୍ରୀଡା ଅଧିକାରୀ ଗୀତାଞ୍ଜଳି ପଣ୍ଡା, ଶିଳ୍ପାଞ୍ଚଳ ଥାନା ଅଧିକାରୀ ଉମେଶ କୁମାର ସାହୁ, ଜିଲ୍ଲା ସୂଚନା ଲୋକ ସମ୍ପର୍କ ଅଧିକାରୀ ଲକ୍ଷ୍ମଣ କୁମାର ବେହେରା ଙ୍କ ସହିତ ଜିଲ୍ଲା ପୋଲିସ ପ୍ରଶାସନ, ସାମ୍ବାଦିକ, ଜିଲ୍ଲା କ୍ରୀଡା ବିଭାଗ, ଶିକ୍ଷା ବିଭାଗର କର୍ମଚାରୀ, ଉପସ୍ଥିତ ଥିଲେ l ରିପୋର୍ଟ -ଗୋପାଲକୃଷ୍ଣ ପ୍ରଧାନ