Odisha Janamata : ତାପଙ୍ଗ ଖଣିରେ ରିଲସ କରୁ ଥିଲା ବେଳେ ପାଣିରେ ଖସିଗଲେ ଯୁବକ ତାଙ୍କୁ ଉଦ୍ଧାର କରିବାକୁ ଯାଇ ଅନ୍ୟ ସାଙ୍ଗ ବି ବୁଡିଗଲେ ପାଣିରେ |

ତାପଙ୍ଗ ଖଣିରେ ରିଲସ କରୁ ଥିଲା ବେଳେ ପାଣିରେ ଖସିଗଲେ ଯୁବକ ତାଙ୍କୁ ଉଦ୍ଧାର କରିବାକୁ ଯାଇ ଅନ୍ୟ ସାଙ୍ଗ ବି ବୁଡିଗଲେ ପାଣିରେ |

31-Oct-2025

ରିଲ୍ସ କଲା ବେଳେ ଯୁବକ ଙ୍କ ଖସିଗଲା ଗୋଡ଼ । ଆଉ ତାଙ୍କୁ ଉଦ୍ଧାର କରିବାକୁ ଯାଇ ପଥର ଖଣିରେ ବୁଡ଼ିଗଲେଦୁଇସାଙ୍ଗ ।

ଓଡିଶା ଜନ ମତ ବ୍ୟୁରୋ,

ବର୍ତମାନ ଆଜିକାଲି ରିଲସ କରିବା ପାଈଁ ଯୁବକ ମାନେ ଯେପରି ବ୍ୟସ୍ତ ଓ ହେଉଛନ୍ତି ଏବଂ ମୃତ୍ୟୁ ମୁଖରେପଡିବା ସହ ସହିତ ଆହାତ ହୋଇ ମେଡିକାଲ ରେ ଚିକିତ୍ସିତ ହେଉଥିବାର ଖବର ସୋସିଆଲ ମିଡ଼ିଆ ରେ ପ୍ରଚାର ହେଉଛି | ଜଣେ ଯୁବକ ଏକ ବିପଦ ପୂର୍ଣ୍ଣ ସ୍ଥାନରେ ରିଲସ କରି ପାଣିରେ ପଡି ବୁଡି ଯାଉଛନ୍ତି |ଏପରିଏକ ଘଟଣା ଘଟିଛି ଖୋର୍ଦ୍ଧା ଜିଲ୍ଲା ତାପଙ୍ଗ ପଥର ଖଣିରେ । ଜଣେ ଯୁବକ ଖୋର୍ଦ୍ଧା ଜିଲ୍ଳାର ଏକ ପଥର ଖାଦାନ ଉପରେ ରହି ନିଜ ମୋବାଇଲ ରେ ରିଲସ କରିଲା ବେଳେ ଅସୁବିଧା ବଶତଃ ଗୋଡ଼ ଖସି ତଳେ ଥିବା ପାଣିରେ ପଡି ବୁଡ଼ିଯାଇ ଥିଲେ | ଏହିସମୟରେ ତାଙ୍କ ପାଖରେ ଥିବା ତାଙ୍କ ସାଙ୍ଗ ସାଙ୍ଗଙ୍କୁ ଉଦ୍ଧାର କରିବାକୁ ଯାଇ ସେମଧ୍ୟ ପାଣିରେ ପଡିବୁଡି ଯାଇଥିଲେ | ତେବେ ଗଭୀର ପାଣି ଭିତରେ ରିଲସ କରୁଥିବା ଯୁବକଙ୍କ ମୋବାଇଲ ଟି ପଡିଯାଇ ଥିଲା ବେଳେ ଜଣଙ୍କୁ ଗାଡି ଡ୍ରାଇଭର ଉଦ୍ଧାର କରି ଅଗ୍ନିଶମ ବିଭାଗକୁ ଖବର ଦେଇଥିଲେ | ଓ ଉଦ୍ଧାର କରା ଯାଇଥିବା ଯୁବକଙ୍କୁ ମେଡିକାଲ ରେ ଭର୍ତ୍ତି କରା ଯାଇଛି | ଏବଂ ସେ ମେଡ଼ିକାଲ୍‌ରେ ଜୀବନ ସହ ସଂଘର୍ଷ କରୁଛନ୍ତି । ତେବେ ଅନ୍ୟଜଣେ ସାଙ୍ଗକୁ ଅଗ୍ନିଶମ ବାହିନୀ ଖୋଜାଖୋଜି କରୁଛି | ରିଲସ କରୁଥିବା ଯୁବକ ସିମ୍ଫୋନୀ ମଲ୍‌ଠାରୁ ଟ୍ୟାକ୍ସି ଭଡ଼ା କରି ଓମ ପ୍ରକାଶ ରଥ, ତାଙ୍କର ଜଣେ ବନ୍ଧୁ ଓ ଜଣେ ଯୁବତୀ ଖୋର୍ଦ୍ଧା ତାପଙ୍ଗ ଯାଇଥିଲେ । ଟ୍ୟାକ୍ସି ଚାଳକଙ୍କ ବାରଣ ସତ୍ତ୍ବେ ସେମାନେ ବେଆଇନ୍ ଭାବେ ଖୋଳା ଯାଇଥିବା ପଥର ଖଣିରେ ପାଣିରେ ପଶି ରିଲ୍ସ କରୁଥିଲେ। ଅସାବଧାନତା ଯୋଗୁ ସେମାନଙ୍କ ଭିତରୁ ଜଣେ ଯୁବକଙ୍କ ଗୋଡ଼ ଖସି ଯାଇଥିଲା । ଆଉ ତାଙ୍କୁ ଉଦ୍ଧାର କରିବା ପାଇଁ ପାଣି ଭିତରକୁ ଯାଇଥିଲେ ଓମ୍ ପ୍ରକାଶ ରଥ। ହେଲେ ସେ ମଧ୍ୟ ବୁଡ଼ି ଯାଇଥିଲେ । ପାଖରେ ଥିବା ଯୁବତୀଙ୍କ ଚିତ୍କାର ଶୁଣି ପାଣି ଭିତରେ ପଶି ପ୍ରଥମେ ବୁଡ଼ିଥିବା ଯୁବକଙ୍କୁ ଚେତାଶୂନ୍ୟ ଅବସ୍ଥାରେ ଉଦ୍ଧାର କରିଥିଲେ ଟ୍ୟାକ୍ସି ଡ୍ରାଇଭର । ହେଲେ ସେତେବେଳକୁ ଓମ ପ୍ରକାଶ ରଥ ଗଭୀର ପାଣି ଭିତରକୁ ଚାଲି ଯାଇଥିଲେ । ଗଣ୍ଡରେ ପ୍ରବଳ ପାଣିଥିବାରୁ ତାଙ୍କୁ ଉଦ୍ଧାର କରିବା ପାଇଁ କେହି ଯିବାକୁ ସାହସ କରିନଥିଲେ। ଟ୍ୟାକ୍ସି ଡ୍ରାଇଭର ସଙ୍ଗେ ସଙ୍ଗେ ଅଗ୍ନିଶମ ଓ ପୁଲିସ୍‌କୁ ଖବର ଦେଇଥିଲେ। ପାଣିରୁ ଉଦ୍ଧାର ହୋଇଥ‌ିବା ଯୁବକଙ୍କୁ ପୁଲିସ୍ ମେଡିକାଲ୍‌ରେ ଭର୍ତ୍ତି କରି ଚିକିତ୍ସା କରୁଛି । ରିଲ୍ସ କରୁଥିବା ଯୁବକଙ୍କ ପାଖେ ଯୁବତୀ ଜଣଙ୍କ ଅଛନ୍ତି ।ଓମ ପ୍ରକାଶ ରଥଙ୍କୁ ଉଦ୍ଧାର କରିବା ପାଇଁ ଅଗ୍ନିଶମ ଟିମ୍ ପାଣି ଭିତରକୁ ଯାଇଥିଲା । ଦୀର୍ଘ ସାତ ଘଣ୍ଟାର ଅବିଶ୍ରାନ୍ତ ପରିଶ୍ରମ ପରେ ମଧ୍ଯ ନିଖୋଜ ଯୁବକଙ୍କ କୌଣସି ସନ୍ଧାନ ମିଳିପାରିନଥ୍‌ଲା । ୱାଟର କ୍ୟାମେରା, ସ୍କୁବା ଡ୍ରାଇଭଟିମ୍, ଓଡ୍ରାଫ୍ ଟିମ୍‌ର ଦୁଇଟି ବୋଟ ସାହାଯ୍ୟରେ ସର୍ଚ୍ଚ ଅପରେସନ ଜାରି ରହିଛି । ଘଟଣା ସ୍ଥଳରେ ସଦର ଥାନା ପୁଲିସ, ଖୋର୍ଦ୍ଧା ତହସିଲଦାର ପ୍ରମୁଖ ଉପସ୍ଥିତ ଅଛନ୍ତି । ତେବେ ରିଲସ କରିବାର କରୁଣ ପରିସ୍ଥିତି ଏବଂ ଅଟୋ ଡ୍ରାଇଭର ଙ୍କ ବାରଣ ସତ୍ୱେ ଏମାନେ ଯେଉଁ ଦୁଃସାହସିକ କାର୍ଯ୍ୟ କଲେ ତାର ପରିଣତି ସେମାନେ ଭୋଗ କରିବା ସହିତ ସମସ୍ତ ବିଭାଗ, ପ୍ରଶାସନ, ପୋଲିସ ଓ ଘରଲୋକେ କେତେ ଅସୁବିଧା ଭୋଗ କରିଛନ୍ତି | ତେବେ ଓମଙ୍କ ଅବସ୍ଥା କଣ ଥିବ ଓ ସେ କେତେବେଳେ ବାହାରିବେ ତାହା ଭଗବାନ ଙ୍କୁ ଜଣା ଥିବ |