Odisha Janamata : ଧବଳେଶ୍ୱର ପୀଠରେ ବଡ଼ ଓଷା ପାଈଁ ଭକ୍ତ ଙ୍କ ଗହଳି |

ଧବଳେଶ୍ୱର ପୀଠରେ ବଡ଼ ଓଷା ପାଈଁ ଭକ୍ତ ଙ୍କ ଗହଳି |

04-Nov-2025

ଆଜି ପବିତ୍ର ବଡ଼ଓଷା ଧବଳେଶ୍ଵର ପୀଠରେ ଶ୍ରଦ୍ଧାଳୁଙ୍କ ସମାଗମ,

ଓଡିଶା ଜନ ମତ ବ୍ୟୁରୋ,

ରାତି ପାହିଲେ ପବିତ୍ର ବଡ଼ଓଷା ଖୋଦ୍ଧା ପୌରାଞ୍ଚଳ ଅନ୍ତର୍ଗତ ଗୁରୁଜଙ୍ଗ ଧବ ଧବଳେଶ୍ଵର ପୀଠ ରେ ଲାଗିଛି ଶ୍ରଦ୍ଧାଳୁ ଙ୍କ ସମାଗମ।ପୌରାଣିକ ସମୟ ରୁ ଏଠାରେ ରେ ପ୍ରଭୁ ଧବଳେଶ୍ବରଙ୍କୁ ପୂଜାର୍ଚନା କରାଯାଉଛି। ପବିତ୍ର କାର୍ତ୍ତିକ ମାସ ଶୁକ୍ଳପକ୍ଷ ଚତୁର୍ଦ୍ଦଶୀ ତିଥିରେ ବଡ଼ଓଷା ଉପଲକ୍ଷେ ଆରମ୍ଭ ହୋଇଛି ପୂଜାର୍ଚ୍ଚନା । ଚଳିତ ବର୍ଷ କାର୍ତ୍ତିକ ମାସ ଶେଷ ସୋମବାର ତିଥ୍‌ ଠାରୁ ପ୍ରଭୁଙ୍କ ପୂଜା କରିବା ଲାଗି ଭକ୍ତଙ୍କ ସମାଗମ ହୋଇଛି । ଲମ୍ବାଧାଡ଼ିରେ ଭକ୍ତ ମାନେ ମନ୍ଦିର ଭିତରକୁ ପ୍ରବେଶ କରି ଦର୍ଶନ କରୁଛନ୍ତି । ବଡ଼ଓଷାପାଈଁ ବୁଧବାରରାତି ପାହାନ୍ତାତିନିଘଣ୍ଟା ସମୟ ରୁ ଧବଳେଶ୍ଵରଙ୍କ ଠାରେ ଘିଅ, ଲହୁଣୀ, ମହୁ, କ୍ଷୀର, ନବାତରେ ମାଜଣା କରାଯିବ। ପରେ ଠାକୁରଙ୍କ ରୀତି ନୀତି ଶଙ୍ଖୁଡ଼ି ଭୋଗ କରାଯାଇ ସର୍ବସାଧାରଣଙ୍କ ଲାଗି ଦର୍ଶନ ଆରମ୍ଭହେବ । ଏହି ଦିନ ଅନେକ ଭକ୍ତ ଦୂର ଦୁରାନ୍ତରୁ ଆସି ପ୍ରଭୁଙ୍କ ନିକଟରେ ପୂଜା କରି ପାଦୁକ ପାଇ ଉପବାସ ରହିଥାନ୍ତି|ମାନସିକ ଧାରୀ ମାନେ ଅଟକାଳି ଭୋଗ, ଗଜ ଭୋଗ କରିଥାନ୍ତି। ବଡ଼ଓଷା ଦିନ ପାହାନ୍ତାସମୟରୁ ସନ୍ଧ୍ୟା ପର୍ଯ୍ୟନ୍ତ ପୂଜା, ଦର୍ଶନ ଚାଲିଥାଏ। ସନ୍ଧ୍ୟା ସମୟରେ ଠାକୁରଙ୍କ ବେଢା଼ ପରିକ୍ରମା ହୋଇଥାଏ। ପବିତ୍ର ବଡ଼ଓଷା ଏବଂ କାର୍ତ୍ତିକ ପୂର୍ଣିମାକୁ ଶାନ୍ତି ଶୃଙ୍ଖଳାରେ ସମାହିତ କରିବାକୁ ଟ୍ରଷ୍ଟି ତରଫରୁ ବ୍ୟାପକ ବ୍ୟବସ୍ଥା ଗ୍ରହଣ । କରାଯାଇଛି । ଧବଳେଶ୍ଵର ଟ୍ରଷ୍ଟି ବୋର୍ଡ ସହ ସେବାୟତ ସଂଘ କମିଟି ସଭ୍ୟ ଏବଂ ପ୍ରଶାସନିକ ସହଯୋଗ ରେ ବଡ଼ଓଷା ଯାତ୍ରା, ପୂଜାର୍ଚ୍ଚନା, ଦର୍ଶନଓ ଅଟକାଳି ଭୋଗ ପ୍ରସ୍ତୁତି ଏବଂ ସମର୍ପଣ କାର୍ଯ୍ୟ କରାଯାଉଛି। ପୌର ପ୍ରଶାସନ ପକ୍ଷରୁ ପରିମଳ, ଜଳଯୋଗାଣ, ବିଦ୍ୟୁତ୍ ବିଭାଗ ତରଫରୁ ଆଲୋକ ଯୋଗାଣ, ଆଦର୍ଶ ଥାନାପୋଲିସ ପ୍ରଶାସନ ପକ୍ଷରୁ ଶାନ୍ତି ଶୃଙ୍ଖଳା ରକ୍ଷା ପାଇଁ ପୋଲିସ ଫୋର୍ସ ମୃତୟନ କରାଯାଇଛି । ବଡ଼ଓଷା ଯାତ୍ରା ଚଳିତ ବର୍ଷ ସୋମବାର ଠାରୁ ଛାଡଖାଇ ପର୍ଯ୍ୟନ୍ତ ୪ଦିନ ଧରି ପାଳିତ ହେଉଛି । ଅନେକବ୍ୟବସାୟୀ ମାନେ ତାଙ୍କ ବ୍ୟବସାୟ ପସରାଧରି ମନ୍ଦିରଚତୁପାର୍ଶ୍ବ ରେ ଦୋକାନ ଖୋଲିଥନ୍ତି। ବିଶେଷ କରି ମାର୍ଗଶିର ମାସରେ ଧାନ ଅମଳ ଏବଂ ଲକ୍ଷ୍ମୀ ପୂଜା ପାଇଁ ଡାଲା, କୁଲା, ବୋଝ, ଦା, କଟୁରୀ ସହ ଅନ୍ୟାନ୍ୟ ଘରକରଣା ସାମଗ୍ରୀ ର କିଣା ବିକା ହୋଇଥାଏ। ଚଳିତ ବର୍ଷ ପ୍ରଭୁ ଧବଳେଶ୍ଵରଙ୍କ ବଡ଼ଓଷା ଯାତ୍ରାକୁ ଆଡମ୍ବର ସ‌ହକାରେ ପାଳନ କରି ବାକୁ ମ୍ୟାନେଜିଂ ଟ୍ରଷ୍ଟି ନାରାୟଣ ସାହୁ, ଟ୍ରଷ୍ଟି ଶୁଭ୍ରାଂଶୁ ରଂଜନ ସାମନ୍ତରାୟ ଏବଂ ଅନ୍ୟ ସଭ୍ୟ | ସହଯୋଗ କାମନା କରିଛନ୍ତି ।