ପ୍ରକୃତି ସହ ପରିବେଶ ର ବାହାଘର ଅନୁଷ୍ଠିତ |
07-Nov-2025
ବର ଅଶ୍ୱତ୍ଥ ବୃକ୍ଷଙ୍କ ବାହାଘର କଲେ ପୁରୋହିତ,
ଓଡିଶା ଜନ ମତ ବ୍ୟୁରୋ,
ବେଳେ,ବେଳେ ଏକ ନିଆରା ପରମ୍ପରା ରେ ବାହାଘର ହୋଇଥାଏ, କିଛି ବିଶେଷ ଙ୍କୁ ନେଇ | କିନ୍ତୁ କେଉଁ ଆଦିମ କାଳରୁ ଏପରିବାହାଘରଯୁଗେ ଯୁଗେ ଅନୁଷ୍ଠିତ ହେଉଛି | ବାଜା, ବାଣ, ରୋଷଣୀ ଓ ବ୍ରାହ୍ମଣର ମନ୍ତ୍ରୋଚାରଣ ସହିତ ବରକନ୍ୟାଙ୍କ ହାତଗଣ୍ଠି ପଡ଼ି ଶହଶହ ସଂଖ୍ୟାରେ ଶୁଭେଚ୍ଛୁଙ୍କ ଗ୍ରହଣରେ ଦଶଦିଗପାଳଙ୍କୁ ସାକ୍ଷୀରଖ୍ ବରକନ୍ଯା ଜନ୍ମଜନ୍ମାନ୍ତର ପାଇଁ ବିବାହବନ୍ଧନରେ ବାନ୍ଧି ହେଲେ । ମାତ୍ର ଏହାଏକ ସାଧାରଣ ବିବାହ ନଥିଲା | ପ୍ରକୃତି ଓ ପରିବେଶକୁଭଲ ପାଉଥିବା ନରଣପୁର ଗ୍ରାମର ସମାଜ ସମାଜସେବୀ କ୍ଷେତ୍ରମୋହନ ସାହୁଙ୍କ ଦ୍ବାରା ହୂଡା ପୋଖରୀ ତୁଠରେ ଲଗାଯାଇଥିବା ବରଅଶ୍ଵତ୍ଥ ବୃକ୍ଷର ବିଭାଘର ଉତ୍ସବ ଥିଲା । ଭୁରିଭୋଜନରେ ଉପସ୍ଥିତଥିବା ହଜାର ହଜାର ସଂଖ୍ୟାରେ ଲୋକଙ୍କୁ ଆପ୍ୟାୟିତ କରାଯାଇଥିଲା। ନରଣପୁର ଗ୍ରାମର କ୍ଷେତ୍ରମୋହନ ସାହୁ ଓ ତାଙ୍କପତ୍ନୀ ସୁଭଦ୍ରା ସାହୁ ବରପକ୍ଷର ସମସ୍ତ ବ୍ୟବସ୍ଥା କରିଥିବାବେଳେ ପୋଡାଶୁଳ ଜଗନ୍ନାଥପୁର ଗ୍ରାମର – କାର୍ତ୍ତିକ ବେହେରା ଓ ସ୍ତ୍ରୀ ସୁକାନ୍ତି ଝିଅ ଅଶ୍ୱତ୍ଥର ବୈବାହିକ କର୍ମ କରିଥିଲେ। ମାନବ ସମାଜର ପ୍ରଚଳିତ ସମସ୍ତ ପ୍ରଥା, ପରମ୍ପରା ଅନୁଯାୟୀ ଉଭୟ ବରକନ୍ୟାଙ୍କ ବିବାହ କରାଯାଇଥିଲା । ତିନିଜଣ ବ୍ରାହ୍ମଣପଣ୍ଡିତ ହୋମଯଜ୍ଞ ସହ ସମସ୍ତ ନିତିକାନ୍ତି କରି ବରକନ୍ୟାଙ୍କ ହାତଗଣ୍ଡି ପକାଇଥିଲେ। ଶଙ୍ଖ, ହୁଳହୁଳି, ସଂକୀର୍ତନର ତାଳେତାଳେ ପରିବେଶ କମ୍ପି ଉଠିଥିଲା । ଉଭୟ ପରିବାର ସମସ୍ତ ଖର୍ଚ୍ଚବହନ କରି ଏଭଳି ଏକ ମହତକର୍ମ କରିଥିବାରୁ ତାଙ୍କୁ ଅଞ୍ଚଳବାସୀଙ୍କ ତରଫରୁ ସାଧୁବାଦ ଜଣାଇଛନ୍ତି। ଏଭଳି ମାଙ୍ଗଳିକ କାର୍ଯ୍ୟରେ ଅବସରପ୍ରାପ୍ତ ଶିକ୍ଷୟତ୍ରୀ ସୁକାନ୍ତି ବାଗ, ଅଜୟ ପରିଡା ଏବଂ ତାଙ୍କ ପରିବାର ଯୋଗେଶ୍ବର ସାହୁ ଅଳୟ ସମେତ ପ୍ରଭାତ ପ୍ରଧାନ, ରାଜେନ୍ଦ୍ର ସାହୁ, ପ୍ରମୁଖ ବହୁ ବଦାନ୍ୟ ବ୍ୟକ୍ତି ଙ୍କ ସହଯୋଗରେ ଏଭଳି ଏକ ପୂଣ୍ୟକାର୍ଯ୍ୟ ସମ୍ପନ୍ନ ହୋଇଛି।
Breaking
News