Odisha Janamata : ବାରିପଦା ଠାକୁର ମୁଣ୍ଡା ରେଞ୍ଜ ଅଞ୍ଚଳରେ ବାଘ ଆତଙ୍କ ||

ବାରିପଦା ଠାକୁର ମୁଣ୍ଡା ରେଞ୍ଜ ଅଞ୍ଚଳରେ ବାଘ ଆତଙ୍କ ||

13-Nov-2025

ବାଘ ଆତଙ୍କ ; ଖାଇଗଲା ୬ ଛେଳି,

ଓଡିଶା ଯନ ମତ ବ୍ୟୁରୋ,

ବିଶେଷ କରି ଘଞ୍ଚ ଜଙ୍ଗଲରେ ଏବେ ବି ବାଘ ମାନେ ବସ ବାସ କରୁଛନ୍ତି, ଏବଂ ଜଙ୍ଗଳରୁ ଖାଦ୍ୟ ଅନ୍ୱେଷଣ ରେ ପାଖ ଗାଁକୁ ଆସି ପଶୁ ଓ ମଣିଷ କୁ ମାରି ନିଅନ୍ତି | ସେହିପରି ଏକ ଭୟର ବାତାବରଣ ଦେଖିବାକୁ ମିଳିଛି ଠାକୁରମୁଣ୍ଡାରେଞ୍ଜ ଓ ପୋଡାଡିହା ବନ୍ୟ ପ୍ରାଣୀ ରେଞ୍ଜ ଅଞ୍ଚଳ ରେ | ୨ ଦିନ ମଧ୍ୟରେ ବାଘ ଆକ୍ରମଣ କରି ୬ ଟି ଛେଳିକୁ ମାରି ଖାଇଥି ବାର ଜଣାପଡ଼ିଛି। ମିଳିଥିବା ସୂଚନା ଅନୁଯାୟୀ ଠାକୁରମୁଣ୍ଡା ବ୍ଲକ କିରିକିଚି ପାଳ ଗ୍ରାମର ତାରାମଣି ବଡନାୟକ ଓ ପିନି ଦାସ ଗତ ରବିବାର ଦିନଗ୍ରାମ ନିକଟ ପୋଡାଡ଼ିହା ବନ୍ୟ ପ୍ରାଣୀ ରେଞ୍ଜ ଅଧୂନ ଏସ ଏଲ ୧୫ର ମଝିବଣ ଜଙ୍ଗଲ ଭିତରେ ତାଙ୍କର ଛେଳି ଗୁଡିକୁ ଚରାଇବାକୁ ନେଇ ଛାଡି ଦେଇ ଆସିଥିଲେ। ଅପରାହ୍ନ ରେ ଜଙ୍ଗଲ ରେ ଚରାଇବାକୁ ଛାଡି ଦେଇ ଆସିଥିବା ଛେଳିମାନଙ୍କ ଭିତରୁ କିଛି ଛେଳି ତାଙ୍କ ଘର ମାନଙ୍କୁ ଦୌଡ଼ି ପଳାଇ ଆସିଥିଲେ। ପରେସେମାନଙ୍କ ଅନ୍ୟ ଛେଳିମାନେ ଘରକୁ ନ ଫେରିବାରୁ ଜଙ୍ଗଲ ଭିତରେ ଖୋଜି ସେଦିନ ପାଇ ନଥିଲେ।ସୋମବାର ପୁଣି ଜଙ୍ଗଲ କୁ ଯାଇ ଖୋଜିବା ପରେ ୩ ଟି ଛେଳି ଶରୀରର କିଛି ଅଂଶ କୁ ପାଇଥିଲେ । ଅନ୍ୟ ୨ ଟି ଛେଳି ର ସନ୍ଧାନ ପାଇ ନଥିଲେ।ଛେଳି ମୃତ ଶରୀର ନିକଟରେ ବାଘ ର ପାଦ ଚିହ୍ନ ଦେଖୁ ଏହା ବାଘ ମାରିଥ‌ିବା ର ଜଣା ପଡିଥିଲା ବୋଲି ଛେଳି ମାଲିକ ପିନି ଦାସ କହିଛନ୍ତି । ସେହିପରି ଠାକୁ ରମୁଣ୍ଡା ରେଞ୍ଜ ହାତୀ ଗୋଡ଼ ଗ୍ରାମପଞ୍ଚାୟତର ଅସନକୁଦର ଗ୍ରାମର ରାମଚନ୍ଦ୍ର ସୟ ନିକଟସ୍ଥ ଆମ୍ବୁଲାଘୁଟୁ ଜଙ୍ଗଲ କୁ ତାଙ୍କର ଛେଳି ଗୁଡିକୁ ଚରାଇବାକୁ ନେଇଥ‌ିବା ବେଳେ ସେଥୁରୁ ଗୋଟିଏ ଛେଳି କୁ ବାଘ ଆକ୍ରମଣ କରି ମାରି ଦେଇଥିଲା।ପରେ ମୃତ ଛେଳି କୁ ଉଦ୍ଧାର କରି ଥିବାର ଜଣାପଡ଼ିଛି।ଏ ସମସ୍ତ ଛେଳି ଗୁଡିକୁ କଲରାପତାରିଆ ବାଘ ଆକ୍ରମଣ କରି ମାରିଥିବାର କୁହା ଯାଉଛି। ତେଣୁ ବନ ବିଭାଗ ଏହାର ନିରାକରଣ କରି ବାଘ ଦାଉରୁ ପଶୁ ମାନଙ୍କୁ ରକ୍ଷା କରିବାକୁ ଅନୁରୋଧ କରିଛନ୍ତି |