ରାତି ପାହିଲେ ଆରମ୍ଭ ହେବ ଦଣ୍ଡ ଯାତ୍ରା ତିନି ପୁଞ୍ଜା ର ଆଣିଲେ ପ୍ରଭା ଚିତ୍ର |
24-Mar-2026
ରାତି ପାହିଲେ ପୁରୁଷୋତ୍ତମପୁର ରେଆରମ୍ଭ ହେବ ଚାରି ପୁଞ୍ଜା ଦଣ୍ଡ ଯାତ୍ରା,
ଓଡିଶା ଜନ ମତ ବ୍ୟୁରୋ,
ପୁରୁଷୋତ୍ତମପୁର ସହର ରେରାତ୍ର ପାହିଲେ ଆରମ୍ଭ ହେବ ଚାରି ପୁଞ୍ଜା ଦଣ୍ଡ ଯାତ୍ରା, ଆଜି ବାଜା ବାଜଣା କରି ପୋଷ୍ଟ ଅଫିସସାହିର ଚିତ୍ରକାର ଗୁଗୁନା ପଣ୍ଡାଙ୍କ ଘରୁପୂଜାର୍ଚନା କରି ଆଣିଲେ ତିନିଗୋଟି ଦଳର ମାଆଙ୍କ ପ୍ରଭା ଚିତ୍ର | ସେହି ଦଳ ଗୁଡିକ ହେଲା ଧୋବା ପୁଞ୍ଜା, ତେଲି ପୁଞ୍ଜା ଓ ଗୌଡ଼ ପୁଞ୍ଜା | ଆଛୁଲୀ ପଞ୍ଚାୟତ ପୋଖରୀ ରେ ମେରୁଯାତ୍ରା କରୁଥିବା
ମାଆ ବିପତି ହାରିଣୀ ଦଣ୍ଡ ପୁଞ୍ଜା ଏହି ଚିତ୍ର କାର ଙ୍କ ଘରୁ ଚିତ୍ରିତ ପ୍ରଭା ନ ଆଣି ଅନ୍ୟକୌଣସି ସ୍ଥାନରୁ ପ୍ରଭା ନେଉଥିବାର ଜଣା ପଡିଛି | ଆସନ୍ତା କାଲି ସମସ୍ତ ଏହି ସହର ର ଚାରିଗୋଟି ଦଣ୍ଡ ଦଳ ସେମାନଙ୍କ କାଳୀ ମାତାଙ୍କ ପୀଠରୁ ନୀତିନିୟମ, ପୂଜାର୍ଚନା ପରେ ଢୋଲ ତାଳ ବଜେଇ ପ୍ରଥମେ ନଗର ପରିଭ୍ରମଣ କରି ତାପରେ ସାହି ସାହି ବୁଲି କୁମ୍ଭ ଢାଳି ସମସ୍ତଙ୍କ ଦୁଆରେ ବଢ଼ା ଯାଇଥିବା ଭୋଗ କୁ ପୂଜା କରି ସେମାନଙ୍କ ମନ୍ଦିର ଆଗରେ ଧୂଳି ଦଣ୍ଡ, ପାଣି ଦଣ୍ଡ ଓରାତ୍ରରେ ଅଗ୍ନି ଦଣ୍ଡ କରୁଥାନ୍ତି | ଆସନ୍ତା କାଲି 21 ଦିନିଆ ଦଣ୍ଡ ବାହାରିବେ | ପୁରୁଷୋତ୍ତମପୁର ବ୍ଲକରେ ପୁରୁଷୋତ୍ତମପୁର ର 4 ଦଣ୍ଡ ଦଳ ବ୍ୟତୀତ ଭାଟ କୁମାରଡ଼ା ରେ ଗୋଟିଏ ଦଳ , ଜାମୁନି ରେ ଗୋଟିଏ ଦଳ, ମୋଡ଼ା ବାଇରେ ଏକ ଦଳ, ରାଉଳ ପାଲି ରେ ଗୋଟିଏ ଦଳ, କୋଳିଦାସ ପୁର ରେ ଦୁଇ ଦଳ , ଶିକୁଳାରେ ଗୋଟିଏ ଦଳ ସର୍ବମୋଟ 11ଗୋଟି ଦଳ ଆସନ୍ତା କାଲିଠାରୁ ଏବଂ ତିନି ଦିନ ପରେ, ଓ ଆଠ ଦିନ ପରେ ବାହାରିବ ଅନ୍ୟାନ୍ୟ ଦଳ | କାଲିର ଠାରୁ ସହର ଠାରୁ ମଫସଲ ସବୁଠାରେ ଦେଖାଯିବ ଆଧାତ୍ମିକ ପରିବେଶ "ରୁଦ୍ର ମଣୀ ଙ୍କୁ ଭଜ ହେ, ଦଣ୍ଡ କାଳୀ ଙ୍କୁ ଭଜ ହେ ଧ୍ଵନି ଏବଂ ଢୋଲ ଓ ତାଳ ରେ ପ୍ରକମ୍ପିତ ହେବ ଗଗନ ପବନ | ସବୁଠାରେ ଭକ୍ତି ମୟ ଦୃଶ୍ୟ ପରିଲକ୍ଷିତ ହେବାର ଦେଖିବାକୁ ମିଳିବ | ଏହାପରେ 18 ଦିନିଆ ଦଣ୍ଡ ଦଳ ଓ ତେର ଦିନିଆ ଦଣ୍ଡ ଦଳ ବାହାରି ମେରୁ ସଂକ୍ରାନ୍ତି ମଧ୍ୟ ରାତ୍ର ରେ ଶେଷ ହେବଭୁକୁତାମାନଙ୍କ ବହୁ କଷ୍ଟ ସହିଥିବା ଏହି ଦଣ୍ଡ ଯାତ୍ରା |
Breaking
News