Odisha Janamata : ଯାଜପୁର ପୋଲିସ ଦ୍ୱାରା ଦୁଇଟି ଗାଡି ଜବତ ସହ ଅଭିଯୁକ୍ତ କୁ ଗିରଫ |

ଯାଜପୁର ପୋଲିସ ଦ୍ୱାରା ଦୁଇଟି ଗାଡି ଜବତ ସହ ଅଭିଯୁକ୍ତ କୁ ଗିରଫ |

24-Aug-2026

ଚୋରି ମାମଲାର ଅଭିଯୁକ୍ତ ଗିରଫ, ଦୁଇଟି ଗାଡ଼ି ଜବତ |

ଓଡିଶା ଜନ ମତ ବ୍ୟୁରୋ,

ଯାଜପୁର ରୋଡ଼ ଥାନା ପୋଲିସ କୁ ମିଳିଛି ଏକ ବଡ଼ ସଫଳତା | କିଛି ଦିନ ହେଲା ଚୋରି ଯାଇଥିବ ଏକ ଚୋରି ମାମଲାର ପର୍ଦ୍ଦାଫାଶ କରି ଜଣେ ଅଭ୍ୟାସଗତ ଚୋରକୁ ଗିରଫ କରିବା ସହ ଚୋରି ହୋଇଥିବା ଦୁଇଟି ଗାଡ଼ି ଉଦ୍ଧାର କରିଛି। ଏହି ଘଟଣା ଯାଜପୁର ରୋଡ଼ ଥାନା କେସ୍ ନଂ-୪୬୬, ୧ ଅଗଷ୍ଟରେ ରୁଜୁ ହୋଇଥିଲା।ପୋଲିସ ସୂଚନା ଅନୁଯାୟୀ, ସାୟଦପୁର ଅଞ୍ଚଳର ଅଭିଯୋଗକାରୀ ଅବୁଦୁଲ ରଜିତ ଖାଁ ସେ ଦାନଗଦି ନିୟୁ ସିଆରିଆ କୋଲାନିରେ ଭଡା ଘରେ ରହୁଥିବା ବେଳେ ତାଙ୍କ ଘର ସାମ୍ନାରେ ରଖିଥିବା OD-34-4086 ନମ୍ବର ବିଶିଷ୍ଟ ହିରୋ ଗ୍ଲାମର ମୋଟରସାଇକେଲ୍ ଚୋରି ହୋଇଥିବା ନେଇ ଅଭିଯୋଗ କରିଥିଲେ।
ଘଟଣାର ତଦନ୍ତ ସମୟରେ ପୋଲିସ ବିଭିନ୍ନ ସ୍ଥାନର ସିସିଟିଭି ଫୁଟେଜ୍ ଓ ଅନ୍ୟାନ୍ୟ ପ୍ରମାଣ ସଂଗ୍ରହ କରି ଅଭିଯୁକ୍ତଙ୍କୁ ଚିହ୍ନଟ କରିଥିଲା। ରବିବାର ସକାଳ ପ୍ରାୟ ୯ଟା ବେଳେ ପରିବହନ ବିଭାଗ ପକ୍ଷରୁ ଚେକିଂ ନିକଟରେ ଚଢ଼ାଉ କରି ଅଭିଯୁକ୍ତଙ୍କୁ କାବୁ କରାଯାଇଥିଲା |ଗିରଫ ଅଭିଯୁକ୍ତ ହେଲେ ଯାଜପୁର ରୋଡ଼ ଥାନ ଅନ୍ତର୍ଗତ ଯୋଗୀ ସାହି(ହୁଡିସାହି) ଗ୍ରାମର ଟିମା ସିରିକା ପୁଅ ମାଧବ ।ଅଭିଯୁକ୍ତଙ୍କ ନିକଟରୁ ଚୋରି ହୋଇଥିବା ହିରୋ ଗ୍ଲାମର (OD-34-4086) ସହ ହୋଣ୍ଡା ସ୍କୁଟି (OD-02-BA-0368) ମଧ୍ୟ ଜବତ କରାଯାଇଛି। ପ୍ରାଥମିକ ତଦନ୍ତରୁ ସ୍କୁଟିଟି ମଧ୍ୟ ପୂର୍ବରୁ ଚୋରି ହୋଇଥିବା ଜଣାପଡ଼ିଛି।ପୋଲିସ ଅଭିଯୁକ୍ତଙ୍କୁ କୋର୍ଟ ଚାଲାଣ କରିଥିବା ବେଳେ, ଏହି ଘଟଣାରେ ଅଧିକ ତଦନ୍ତ ଜାରି ରହିଛି।