Odisha Janamata : ଆସାମ ନଗାଁଓ ଲୋକସଭା ଉପନିର୍ବାଚନ ବଜେପି ପାର୍ଥୀ ହେବେ ପୂର୍ବତନ ଆଇ ଏ ଏସ ଅଧିକାରୀ |

ଆସାମ ନଗାଁଓ ଲୋକସଭା ଉପନିର୍ବାଚନ ବଜେପି ପାର୍ଥୀ ହେବେ ପୂର୍ବତନ ଆଇ ଏ ଏସ ଅଧିକାରୀ |

14-Sep-2026

ନିଜ ପଦବୀ ଛାଡିବାର ଆଠ ଦିନ ପରେ ଟିକଟ ପାଇଲେ ଆଇ ଏ ଏସ ଅଫିସର |

ଓଡିଶା ଜନ ମତ ବ୍ୟୁରୋ,

ଆସାମର ନଗାଓଁ ଲୋକସଭା ଆସନ ଉପନିର୍ବାଚନ ପାଇଁ ପୂର୍ବତନ ଆଇଏଏସ୍‌ ଅଧିକାରୀ ଦେବାଶିଷ ଶର୍ମାଙ୍କୁ ପ୍ରାର୍ଥୀ କରିଛି ବିଜେପି। ଦଳର କେନ୍ଦ୍ରୀୟ ନିର୍ବାଚନ କମିଟି ଶୁକ୍ରବାର ତାଙ୍କ ନାମକୁ ଅନୁମୋଦନ କରିଛି। ନଗାଓଁ ଲୋକସଭା ଆସନ ପାଇଁ ଅକ୍ଟୋବର ୬ରେ ଭୋଟ୍‌ ଗ୍ରହଣ ହେବ ଏବଂ ଅକ୍ଟୋବର ୯ରେ ଭୋଟ୍‌ ଗଣତି ହେବ।
ଶର୍ମା ନଗାଓଁର ଜିଲ୍ଲା କମିସନର ଭାବେ କାର୍ଯ୍ୟ କରୁଥିଲେ। ସେ ସେପ୍ଟେମ୍ବର ୩ରେ ସରକାରୀ ସେବାରୁ ସ୍ୱେଚ୍ଛାକୃତ ଅବସର ନେଇଥିଲେ। ଏହାର ପାଞ୍ଚ ଦିନ ପରେ, ସେପ୍ଟେମ୍ବର ୮ରେ ଗୁଆହାଟୀସ୍ଥିତ ବିଜେପି କାର୍ଯ୍ୟାଳୟରେ ଦଳରେ ଯୋଗ ଦେଇଥିଲେ। ତାଙ୍କ ସହ ସାମ୍ବାଦିକ ଲେନିନ ସୌରଭ ବୋରା ଓ ଗୁଞ୍ଜନ କଲିତା ମଧ୍ୟ ବିଜେପିରେ ଯୋଗ ଦେଇଥିଲେ।ଦଳରେ ଯୋଗଦେବାର ମାତ୍ର ୩ ଦିନ ପରେ ଶର୍ମାଙ୍କୁ ପ୍ରାର୍ଥୀ କରାଯାଇଛି। ନଗାଓଁ ଲୋକସଭା ଆସନରୁ ୨୦୨୪ରେ କଂଗ୍ରେସ ଟିକେଟ୍‌ରେ ପ୍ରଦ୍ୟୁତ ବରଦୋଲୋଇ ବିଜୟୀ ହୋଇଥିଲେ। ପରେ ସେ ବିଜେପିରେ ଯୋଗ ଦେଇ ନିକଟରେ ହୋଇଥିବା ଆସାମ ବିଧାନସଭା ନିର୍ବାଚନରେ ଦିସପୁର ଆସନରୁ ବିଜୟୀ ହୋଇଥିଲେ। ଏହାପରେ ନଗାଓଁ ଲୋକସଭା ଆସନ ଖାଲି ହୋଇଥିଲା |
ଏପଟେ ଶର୍ମା ଜିଲ୍ଲା କମିସନର ଥିବା ସମୟରେ ନିଆଯାଇଥିବା ନିର୍ବାଚନ ସମ୍ପର୍କିତ ନିଷ୍ପତ୍ତି, ନିର୍ଦ୍ଦେଶ ଓ ପଦକ୍ଷେପର ସମୀକ୍ଷା ଦାବି କରି କଂଗ୍ରେସ ସାଂସଦ ରକିବୁଲ ହୁସେନ ସେପ୍ଟେମ୍ବର ୪ରେ ନିର୍ବାଚନ କମିସନଙ୍କ ନିକଟରେ ଅଭିଯୋଗକରିଥିଲେ। ଶର୍ମାଙ୍କ ରାଜନୈତିକ ନିରପେକ୍ଷତା ନେଇ ମଧ୍ୟ ସେ ପ୍ରଶ୍ନ ଉଠାଇଥିଲେ ।